Pages

Tuesday 11 December 2012

~ 永別 ~

人生無常, 沒有永恆, 珍惜眼前人!

老爺最終都打不勝病魔, 今日好安長地去咗天國!

沒有痛苦, 病發突然, 入院一星期便與世長辭!

老爺係個風趣, 友善, 好易相處, 時常照顧家人的好老公, 好爸爸, 好老爺, 好爺爺, 好多人的好朋友!

老爺有好多至愛的親人在傍道別, 送別他最後的一段路程!

小咪咪沒有在傍, 因為仔仔囡囡還年輕, 要保持他們的日常生活和希望他們記念爺爺的面貌, 不是去世的病況! 爺爺的病況每個階段也有簡而輕地告訴他們, 今日放學回家要講這個壞消息比他們知, 真係令小咪咪的心痛上加痛呢!  看着兩小魔怪要默默地接受這壞消息, 知道與爺爺永別, 仔仔囡囡非常之悲傷! 不用說小孩, 連小咪咪也不大相信這已成事實!

老公要一直在老爺身邊, 直至最後一刻, 小咪咪只能在電話送上安慰!  老公傷心之如, 也很冷靜, 他現時要打理生後事, 希望一齊順順利利, 處理好一齊就可以平平安安回家!

老爺永遠都會留在我們心中! 特別是我和老公, 因為今日正是我們的結婚15週年紀念日!

老爺真識開玩心, 要我們這樣深刻於心!

Friday 7 December 2012

香煎雞蛋豆腐 (附食譜)

小咪咪好想食豆腐呀!

話都無咁易, 有盒無糖豆漿係雪櫃, 即整即食! (好似叫緊點心)
今次想香口D, 半煎炸D雞蛋豆腐, 外面香脆, 入面嫩滑!





今次嘅雞蛋豆腐係要嚟煎, 所以要實少少, 份量係1:1. 即係3隻蛋的份量要和豆漿相同.

首先要整雞蛋豆腐, 做法簡易, 可按此睇吓滑滑雞蛋豆腐的做法.

等雞蛋豆腐涼後, 便可切件, 沾上粟粉, 放入熱油鑊煎至金黃, 加少許蔥花, 鼓油作調味, 便成!

簡簡單單又有益, 又香口.

仔仔囡囡爭住嚟食呀!

老爺入院

今年個個好似排隊入院咁, 真係聽到醫院尼兩個字都怕怕啦!

今次攏到老爺入院.

講返事發係9月, 老爺左眼突然失去部份視覺, 經過好多驗查, 發現個腦有個好細嘅腫瘤, 要依時依候食藥, 上個月本來要去做手術去除腫瘤, 但發現腫瘤縮細咗好多, 可能係D藥物控制得好, 所以手術取消, 繼續食藥.  大家都安心咗好多, 以為一齊有好轉. 點知, 兩星期前老爺開始咳, 睇醫生, 話係肺炎, 當然有食藥啦, 但係情況無好轉.

昨晚收到通知老爺入咗院, 因為呼吸有困難.

今朝老公剛剛出咗門返工10分鐘, 佢就打電話返嚟, 話要返去南邊睇老爺, 老爺入咗深切治療部. 老公立即揸車落去, 老公至電回報狀況, 老爺完全不能呼吸, 現時係90%呼吸係由機器伐辦, 情況很壞!

而老爺太太一向身體都好差, 今次老爺健康轉壞, 令她受到好大打擊, 她都入咗院兩日, 今日可以出院, 但係過份擔心, 令她百病隨身.

已經12小時, 但仍然無一絲好轉, 真係令人擔心!

真係要珍惜眼前人, 無嘢係永恆不變, 今日健健康康, 第二日可能已經不在!

希望老爺可以平平安安出院啦!

Thursday 6 December 2012

英式傳統燉牛腩加丸子 (Beef Stew with Dumpling)

天氣凍咗好多, 溫度得-2最高得2度!

今日可能落雪呀! 最怕落雪後嘅冰, 令路面好危險!

凍凍地, 最好燉吓嘢食, 暖暖地!

每到冬天小咪咪都好鐘意燉牛腩, 暖肚又暖身!




用不同的自種蔬菜燉牛腩, 好鮮甜!




燉牛腩, 一定要整多D 丸子(dumpling), 因為家人最鍾意Dumpling

丸子(Dumpling) 基本是用自發粉, 牛油, 雞蛋和鮮奶製成!

小咪咪另外加咗芝士和parsley, 令dumpling增加香味.

整丸子好簡易, 只要把所有材料混合好, 搓成小丸子, 放在已燉好的牛腩面, 蓋上蓋, 慢火煮30分鐘, 便成!





丸子(dumpling)煮好, 會發大好多架!


丸子軟綿綿, 有陣陣的芝士味! 有如咸味蛋糕和麵包的化身!



冬天的暖身晚餐~英式傳統嘅燉牛腩加丸子(Beef Stew with Dumpling)~

Saturday 1 December 2012

蒸咸雞+壽司


壽司, 我哋一家大細都好鐘意!

尼邊買壽司又貴又小款式, 幾英磅得幾粒壽司, 好唔抵食!

所以自己整經濟D, 又可以食得飽肚!

單食壽司, 驚唔夠飽, 所以蒸多隻咸雞比D食肉獸!




仔仔見到D壽司, 眼到大晒, 因為小咪咪無整好耐, 我要阻止佢偷食呀!





老公至愛蒸咸雞, 啖啖肉!


有咸雞就緊係唔可以無薑蓉啦! 加埋尼個醬, 老公開心晒!





蝦,蔥壽司 和 蟹柳,蛋,醃蘿蔔壽司



煙三交魚壽司 和 吞拿魚壽司
壽司出場啦! 仔仔發狂啦!

連D頭頭尾尾都唔放過, 都好, 唔好浪費!

依家整壽司都要整得多兩條先至夠食!

Thursday 29 November 2012

囡囡生日~熊貓生日蛋糕

11月第三個生日到啦!

囡囡倒數咗成個星期, 佢嘅生日大日子, 佢終於等到啦!

囡囡今年想要熊貓生日蛋糕!

無論小咪咪幾忙都要完成尼個任務!

登~登~登~登~ 熊貓蛋糕出場啦!



囡囡order隻熊貓要朱古力味, 小咪咪當然要依order做啦, 仲加咗士多啤利係中間添!

啱啱好, 係囡囡放學前整好!

佢放學返嚟見到個蛋糕好開心呀!

Monday 26 November 2012

老公奄列


忙足一個星期, 終於到週末, 昨日老公話晚餐等佢煮!

好呀! 唔洗做, 老公煮咩呢? 佢話煮奄列喎, 一於等食囉!

晚餐之前, 仲有成個下午!

下午老公和朋友去酒吧睇欖球, 對運動一D都無與趣嘅我當然唔去啦!

因為大風大雨, 我同仔仔囡囡只好留係屋企, 邊度都唔去得!

唔洗煮飯, 唔等於唔洗做!

整一大盆爆谷, 放套電影Brave勇敢傳說一齊睇, 我就只好一路睇一路盪衫(最憎盪衫)!

Brave勇敢傳說尼套電影, 幾好睇大人細路都啱, 故事內容好適合家庭.
(仔仔開始大個仔啦, 開始感受到無講出口嘅意思, 到結尾我睇到佢靜靜雞抺眼水! <我無出聲呀>)

Brave 好笑, 有家庭愛, 和結尾都好感人, 怕你哋未睇, 唔講咁多比你知!

晚餐啦! 有得食, 好野!




老公煮嘅奄列份量唔細架, 食完好飽飽!



個奄列落重料, 有好多芝士, 洋蔥, 紅椒, 西班牙火腿 (jamon serrano)!

好可惜, 你哋睇唔到一絲絲的芝士, 只有我先可以享受到啦!

Sunday 25 November 2012

懶人雞髀餐 (附做法)

唔得閒預備晚餐呀!

有咩食咩啦!

雞髀1盒4隻, 啱啱好, 蔬菜隨意, 有咩就用咩啦!

一盤過, 一次焗晒佢, 又懶又易, 唔洗點做, 啱晒!



雖然係懶人餐, 但係都好健康和完汁完味架!




用黑胡椒粉, 蒜粉, paprika, 旱辣椒粒, 自家製辣椒油少許, (小咪咪唔鐘意用大多鹽, 喜歡的話可以加D鹽) 醃雞髀

蔬菜有洋蔥, 紅蘿蔔,  紅薯, 薯仔, 西芹

把所有蔬菜加mixed香草拌匀, 加熱水

放雞髀在蔬菜上面, 用錫紙蓋面

入已預熱180-200度爐, 焗至雞髀和蔬菜熟 (唔好焗旱, 可以加水)

取去錫紙再焗至雞皮金黃




雞髀和蔬菜上碟, 把蔬菜雞汁去油, 把去咗油的汁加熱和少許調味, 慢慢加入生粉水至杰

把汁淋上雞髀和蔬菜上, 便成!




雞髀比較肥, 所以要去油, 去咗油的蔬菜雞汁非常之清甜, 一D都唔油利!

一盆過, 有肉有菜有汁, 真係懶到不得了! 

Wednesday 21 November 2012

越式春卷兩食

雖然小咪咪近排忙都頭都暈, 無時停, 但係點都要醫飽個肚!

見有盒米紙都未開, 就用佢啦!

整越式春卷至好不過!



簡簡單單, 有咩用咩, 才料有芽菜, 紅薯蔔絲, 蟹柳絲和蝦.

一整整多D, 同一款, 兩種食法和口味!




炸越式春卷 



米紙包越式春卷 

有汁點嚟一齊食架, 不過唔記得咗影相!

兩款食法家人都好滿意, 好快就食清光!

Sunday 18 November 2012

黑帶

~ 成功啦 ~

仔仔終於係台拳道黑帶高手啦!



尼條黑帶真係得來不易, 經過多年學習, 要考好多不同程度的帶, 最後才可以考黑帶!

昨日考帶, 真真正正考足一日, 由10am-6pm, 8個鐘不停打, 中間好少休息, 連午餐都係得10-15分鐘.




以上係黑帶高手啦!

真真正正的有血有汗嚟換條黑帶, 有幾個被打中鼻, D血到流得好勁, 有個隻眼已經黑晒!




全體考帶的日子, 啡帶(黑帶低一級), 有黑帶, 黑帶一段, 黑帶二段, 黑帶三段

佢哋嘅體力, 意志, 精神, 真係令人敬仰

Friday 16 November 2012

11月第二個生日

昨天係鄰居老人朋友生日, 係我哋今個月的第二個生日!

我哋年年都會為他做小型的生日party, 整個生日蛋糕比佢, 吹吓蠟蠋, 飲返兩杯, 又一晚!

今次整咗個士多啤利型蛋糕, 中間都有好多新鮮士多啤利架!






今年鄰居朋友76歲, 大個仔啦!

希望佢能保持身體健康啦!





囡囡好緊張個蛋糕呀!

囡囡問鄰居朋友: 食剩的蛋糕佢係唔係會帶晒返屋企呀?

鄰居朋友答: 你係唔係好鐘意食蛋糕呀?

囡囡話: 係呀, 我好鐘意食架! (隻眼仔不離個蛋糕)

鄰居朋友答: 好啦! 我唔帶晒返屋企, 留番比你啦!

囡囡當堂安樂晒! 月尾到囡囡生日佢自己都會有個蛋糕啦, 真為食!


Thursday 15 November 2012

日式鮮蝦香菇蒸蛋

昨晚同老公撐枱腳, 單單照燒三文魚好似悶咗些少!
而我又浸咗幾隻冬菇未用, 零機一觸, 蒸個日式蛋做配菜, perfect!


有蝦有冬菇, 令到個蒸蛋鮮味無窮


滑流流的日式鮮蝦香菇蒸蛋, 真係想食多幾碗呀!

日式照燒三文魚 (附食譜)

Tesco 做緊三文魚柳特價, 1英磅一件, 好抵呀!

當然立即買4件, 一人一件, 唔洗爭!

昨晚仔仔囡囡需要早D食晚飯, 煮咗三文魚配小麥比佢哋食咗先!

我同老公遲小小食可以撐吓枱腳!

小咪咪問老公: 想點食件三文魚呀? 

老公話: 是但啦, 配飯或麵都好啦!

佢無話薯仔喎, 即係唔想食西式啦, 咁小咪咪就整日式啦!




照燒汁才料: 豉油2tbsp, 糖2tbsp, 米酒1tbsp, 米醋1tbsp, 薑蓉少許, 蒜蓉少許

做法:

1. 把所有照燒汁才料混合, 醃三文魚一小時

2. 先煎三文魚肉再反轉煎皮, 煎至金黃和熟便成!






簡單又美味的日式晚餐, 可以係安安靜靜(仔仔囡囡已經訓咗覺)咁慢慢享受, 食得特別輕鬆!

而老公都對尼個晚餐非常滿意!

Monday 12 November 2012

又大一歲

小咪咪老公又大一歲啦!

今年老公生日咁啱係星期日, 可以一家大細出外一日, 真開心!

早上問老公想點慶祝, 佢話要去飲茶, 跟住可以去中式超市shopping喎!

哈哈! 依家老公真係好似半個香港人呀!




 老公生日又點可以無生日蛋糕啦!

11月有3個生日的日子, 唔想成個月都成住蛋糕, 所以整咗個百香果芝士蛋糕比老公做生日蛋糕! 芝士蛋糕, 都係蛋糕啫! 最緊要個主角鐘意!

仔仔囡囡當然要爭D心心朱古力啦!

下午飲完茶, 買完野 (我當然有大量入貨啦!),  一齊去公園行吓!





依家雖然凍, 但係四週環境的顏色好靚, D樹各有不同的顏色, 令到每個各落都好有美感!




尼個公園都幾大架, 唔單只有遊樂場, 散步徑, 仲有農場!

大大隻的動物至細細隻的兔仔, 雞仔!

最好之處係免費, 只係要比泊車費咋!

D細路可以係度玩半日, 都唔會悶!


依家尼邊好早就天黑, 所以探完, 摸完, 餵完D動物, 去遊樂場玩一陣, 再週圍行一陣, 又要返屋企啦!

返到屋企, 我哋一齊唱生日歌, 食生日芝士蛋糕!

一年一度, 又老多一年嘅日子, 又完咗啦!



Saturday 10 November 2012

芒果西米布丁 (附食譜)

吓! 近排食西米食上癮!

啱啱食完一大個椰汁西米糕, 又想再食西米!

上次整咗椰汁, 今次整芒果味, 仔仔囡囡又鐘意芒果味!

做布丁又可以帶返學做飯後甜品, 一舉兩得!





做法同芒果布丁做法相同, 只要加半碗已煮熟嘅西米拌匀, 雪凍便成!

芒果布丁做法按此






今次個布丁D色, 係唔係好正常呢! 

只係隻碟綠色咋!

米飯脆餅 (附食譜)

冷飯除咗用嚟炒飯之外, 用嚟整吓小食都唔錯架!

今次小咪咪用咗碗冷飯整咗脆餅, 香口又脆卜卜!



米飯脆餅做法:

1. 冷飯一碗加少許鹽, 雞粉, 五香粉和油, 拌匀
2. 用保鮮紙包起, 用手擠成團
3. 打開保鮮紙在飯團上放上另一張保鮮紙, 壓成薄片
3. 放入冰箱30分鐘
4. 切成小塊, 平底鑊加熱加少許油, 煎米飯片至金黃, 便成! 





仔仔囡囡見到D米飯脆餅脆卜卜, 食完一塊又一塊, 佢哋話好好味呀!

Thursday 8 November 2012

糯米包

小咪咪想食糯米, 但係又無雞又無排骨, 好似百無!

好在冰箱仲有已醃好的义燒, 燒咗舊义燒就有得食!

轉一轉款整糯米包, 不過唔係中式包包又唔係飲茶用雲吞皮包住嘅糯米包!



係小咪咪用糯米, 包成包型嘅包包!



餡料有义燒, 蠟腸, 蛋, 蔥粒, 芫茜



把餡料放在已煮熟的糯米飯中間, 包起成包型!



尼個糯米包煙煙 “un un” 加上餡料味濃, 令到個包包好惹味!