又慶祝囡囡生日

囡囡生日都真係大過天, 今日又同佢慶祝生日!

今日同D家人一齊BBQ, 同囡囡慶祝, 玩足一個下午, 

人仔細細今年有3個生日蛋糕!

今次係囡囡第一次在香港過生日, 所以佢特別高興!

好多嘢食!

秋高氣爽, 個個都燒得好開心!

囡囡食吓又玩吓, 玩吓又跳吓, 真係小D精力都唔得呀! 

好彩今日多人同佢玩!

好快又玩完一日! 今晚仔仔囡囡在公公婆婆屋企過夜, 我和老公可以休息一下, 充返足電!

囡囡生日

昨日星期四囡囡終於等到大多一歲啦!

收完禮物, 跳吓跳吓又走咗去返學, 要等放咗學先可以慶祝!

返到屋企第一時間就係睇吓個生日蛋糕係咩樣! 囡囡好滿意個小鴨生日蛋糕, 仲第一時間決定要食小鴨個頭!

同囡囡出街食飯慶祝, 由佢揀餐廳, 囡囡決定迴轉壽司放題!

個個都食到好飽呀! 囡囡塊面好大舊呀! 佢都仲要食多一兩碟!

食到個肚超滿足, 囡囡終於肯走啦!

小鴨火觸呀!

小鴨熟啦! 食得!

生日大晒! 囡囡要食晒成個頭!

我哋為有食鴨身啦!

囡囡生日快樂!

小鴨生日蛋糕

昨日星期四係囡囡生日, 雖然仔仔囡囡開始大個, 但係我仍然會保守住我對佢哋的傳統, 就係整個生日蛋糕比佢哋!

今次囡囡無要求我整咩款式的蛋糕, 所以在無什何提意之下, 諗一款佢鐘意又唔太BB的蛋糕(因為佢話佢大個囡啦)! 

記得在12月回港時見過隻出名大鴨, 仲突登出去同隻大鴨影相, 隻鴨3歲至80歲都啱, 所以就膽粗粗, 試吓用我最基本的工具去整啦!

小鴨生日蛋糕出場啦!

小鴨好高貴架! 有帶珍珠鍊出場嚟參加囡囡的生日party!

當小咪咪有晒所有整尼隻小鴨的構思係個腦仔時, 就出去最返屋企的大百X超市買料, 點知一樣最重要的黃色色素, 佢哋無呀! (係咩色素都無) 

無黃色, 隻小鴨點會似大鴨啦! 又無時間去第二度攪! 

所以小咪咪要做一種天然的黃色色素, 而效果好好!

無人食得出呀! 食得健康又安心!

飲茶 + 簡單晚餐

前日見百X超市蘿蔔大特價, 唔忍得手, 買咗幾條大白蘿蔔, 昨日整咗幾盆蘿蔔糕.  (下次就寫蘿蔔糕), 整咗3盆, 一大盆比自已, 一盆比媽咪, 一盆比阿哥!

今日同阿哥兩公婆飲茶, 順便比盆蘿蔔糕佢哋, 今次回港第一次唔係一大班人飲茶, 只係我哋同佢哋飲茶, 簡單輕鬆得多, 仔仔囡囡又鐘意佢哋, 所以氣芬好happy!

 

叫咗好多野食! 食過唔停! 飲完茶, 行吓街, 好多年無同阿哥行街, 今次又大又細咁多人各有各喜好, 但係都行得好開心! 最後兵分兩路, 我哋就開始同仔仔囡囡搵新書包買!

 

 

囡囡書包

 

仔仔書包

 

買完書包, 都已經4點半, 順便去街市買餸, 老公見到佢最鍾意的黃立倉, 好新鮮, 尼條魚老公揀架! 有囡囡最鍾意的豆苗, 依家見有好多西洋菜賣, 就買嚟煲個快靚正湯. 

 

記得雪櫃有件雞扒, 有兩粒已粒已經浸淋咗(整蘿蔔糕浸多咗)! 哈哈! 北茹蒸雞有齊才料! 

返到屋企要快快手手煮飯, 簡簡單單今晚晚餐: -

北茹蒸雞

火腿炒蛋

蒸黃立倉

蒜蓉炒豆苗

西洋菜南棗南仁北杏煲瘦

 

 

4餸1湯, D大食怪, 將所有餸菜都食晒, 真係煮多多都唔夠呀!

柱候牛腩撈麵

昨日同朋友飲茶, 飲完茶去百X超市買嘢, 比我見到一盒牛腩特價由$77減至$44, 盒牛腩仍然好新鮮好靚!  諗都唔洗諗, 第一時間要咗佢啦!   返轉頭去返買條蘿蔔, 要佢嚟炆牛腩做晚餐. 

 

小咪咪個多功能飯煲有炆餸功能, 只雖一小時就可以炆出又香又淋的牛腩!

 

 

囡囡放學聞到D炆牛腩味, 就已經流晒口水! 老公同仔仔返到屋企知道有炆牛腩, 好想即刻開飯!

食完個柱候牛腩撈麵後, 個個都滿足晒! 而我又有得打斧頭, 真係個個都開心! 哈哈哈!

母囡遊公園見多嘴雀

昨日難得有機會可以同囡囡單獨相處, 一齊搵地方食吓午餐, 跟住同囡囡去公園行吓!

公園裡面有個百鳥塔, 當然要去睇吓啦!  個百鳥塔唔係有好多雀仔, 但有幾隻雀仔會講野!  開頭以為D雀只會講, hello 和 bye bye, 但係有隻會講句子, 好勁架!  囡囡同隻雀玩到唔願走!

遊完公園, 同囡囡去街市買餸, 囡囡選昨晚的晚餐, 餐單由佢發板!

囡囡有一種揀魚的特別方式, 就係邊條魚好生猛, 跳跳吓, 但係彈濕咗佢, 佢就會揀整濕佢的魚嚟食, 所以同佢去買魚都好開心架!  見有靚靚蜜糖豆, 都買咗嚟炒义燒! 有好多不同的菇菇, 加多碟雜菇炒雞柳, 囡囡話唔想要湯, 仲好做少樣!

好快一日單獨同囡囡相處的一日又完!

 

老公生日三重奏之 ~第三奏~

星期一, 第三奏, 老公在正日生日放假一天, 等仔仔囡囡返咗學, 我哋兩公婆就自由啦!  可以自由活動一天!

  

去尖沙咀做吓遊客, 都真係好耐無行吓尖沙咀, 平日少人D! 去咗九龍公園慢游, 入面做個文物館主題係公屋的歷史, 講解公屋的開始和轉變, 有好多圖片和見到當年同今日, 真係好大分別! 之後去搵吓以前會去的地方睇吓, 發覺好多都唔同咗, 酒吧都搬咗好多!

午餐去咗一間 Irish bar, 我哋都叫咗英式的 fish and chips!

 

件炸魚都大條呀! D魚肉都好厚, 仲有好多薯條添! 食飽飽行多陣街又係時候返屋企啦!

個lunch咁大份, 其實唔食晚餐都得, 不過仔仔囡囡要等到放學先可以同老公慶祝, 所以就簡簡單單叫咗麥記外賣做晚餐, 而且我哋個個想試吓個新蝦堡!

一連三日的生日活動終於完滿結束!

老公生日三重奏之 ~第二奏~

第二奏, 一早起第就去飲茶, 一家大細和媽咪, Daddy一齊飲, 飲完就一齊去街市買餸!

又係一年一度食蟹的季節, 媽咪知道我哋個個都鐘意食蟹, 媽咪就出手整餐蟹比我哋食, 幚老公做生日!

媽咪煮的生日晚餐

小朋友最鍾意的炸蟹鉗

蒸咸雞翼

粉絲蝦煲

咕咾雞

煙鴨肉炒麵

芥蘭

 

主角~炒蟹

 

始終都係屋企好, 唔洗做就有得食最喜歡的餸菜, 媽咪真係煮得好好味架!

 

 

食飽飽, 洗完碗, 第二奏完!

 

老公生日三重奏 之 ~第一奏~

今年老公生日就好玩啦! 玩足3日呀!

第1日, 星期六, 我哋去咗大埔海濱公園!

由火車站行去, 慢慢地在公園散吓步,  天氣好好, 唔太晒又有風, 四週遊行吓, 行得好舒服. 個公園都好大, 有新人在公園進行婚禮, 有好多人放風爭, 當然有好多人踩單車, 仔仔囡囡都想租單車踩吓, 但係今次食完午餐先出發, 唔夠時間租單車踩, 所以尼個踩單車節目要留返吓次啦!

行完公園沿着河邊行回火車站, 搭車返去媽咪屋企, 放低仔囡, 扮吓靚靚, 自己同老公出去二人世界!

去咗扒王之王, 撐吓枱腳!

我的前菜, 冰蘋果豬頸肉沙律

 

老公前菜, 鵝肝沙律 

 

老公牛扒

我的牛扒

仲有焦糖布丁甜品, 再加上一支紅酒. 老公當然好滿足啦!

食完晚餐, 再沿着河邊, 慢慢散步去酒店的酒吧, 坐吓. 過吓二人世界! 飲完嘢返去媽咪屋企, 過夜!

第一奏完!

仔仔囡囡厨神上身

 

 

仔仔囡囡一人煮一餸!

 

 

仔仔煮飯和蒸魚

 

囡囡煮雞翼

 

囡囡的蒜蓉可樂雞翼

 

 

仔仔的麵豉蒸魚腩

與仔仔一日遊

 

今日仔仔唔洗返學, 囡囡又跟學校去旅行,

所以我就同仔仔一日遊!

 

 

 

去行沙灘, 玩吓沙和石!

 

去寺廟行吓!

 

去公園走吓, 睇吓蜥蜴!

 

 

去食日本菜!

 

~和民~ 食物唔錯, 有飯有湯, 都抵食!

 

最後行吓文物徑, 只行得一半!

仔仔行咗一日, 佢終於投行, 留返吓次行完佢!

自家製燒肉

雖然買燒肉好方便, 但係自己整點都好味好多! 

自己整的燒肉, 多肉汁又可以一出爐熱辣辣, Bob Bob 脆就食, 仔仔囡囡好鐘意嫁!

 

 做法簡單, 一般家庭的細焗爐都可以做到!

 

 

 

做法:

 

1.熱水煮至6至7成熟, 大約10分鐘, 抺乾

 

2.刺孔 

 

3.在肉上抺上紹興酒, 再抺上(混合~鹽, 糖, 五香粉, 胡椒粉), 待4-5小時, 最好過夜

 

4. 再在皮上刺孔

 

5. 用錫紙包住四週

 

6. 在皮上抺少許白米醋, 加大約上1寸粗鹽

 

7. 入已預熱230度焗爐50分鐘

 

8. 清除鹽和錫紙, 入250度爐15-20分鐘或轉用烤爐上火至皮爆  

 

切件, 食得!

齊齊整~Pizza~

星期六, 飲完茶, 行完街, 仔仔囡囡話想食 pizza! 想食 pizza, no problem, 去買齊才料, 返屋企整 pizza.

 

整好麵團, 等麵團發酵. 仔仔囡囡切切切D料, 預備一陣放上面!

 

 

囡囡煮pizza醬

 

 

出爐啦! 食得啦!

 

 

仲有雞翼!

 

開大餐啦!