越式春卷兩食

雖然小咪咪近排忙都頭都暈, 無時停, 但係點都要醫飽個肚!

見有盒米紙都未開, 就用佢啦!

整越式春卷至好不過!

簡簡單單, 有咩用咩, 才料有芽菜, 紅薯蔔絲, 蟹柳絲和蝦.

一整整多D, 同一款, 兩種食法和口味!

炸越式春卷 

米紙包越式春卷 

有汁點嚟一齊食架, 不過唔記得咗影相!
兩款食法家人都好滿意, 好快就食清光!

蘑菇釀奶油瓜(附食譜) Stuffed Butternut Squash+ 蘑菇白汁Gnocchi

奶油瓜帶有甜味, 瓜質柔軟!

依家食瓜又平又靚, 一大個奶油瓜只係89p, 好抵食呀!

本來想用嚟整咖哩, 但見前晚已經食咗飯, 無晒飯癮, 轉一轉口味, 釀咗個瓜佢, 又一餐!

睇吓個雪櫃, 仲有蘑菇, 忌廉未用.  一於用蘑菇釀奶油瓜!

才料: 奶油瓜, 蘑菇(切片), 紅洋蔥(切粒), 忌廉, 黑胡椒粉, 芝士

做法: 1. 把瓜切開一半, 去籽, 去絲

2. 界瓜肉, 灑上少許鹽, 放入已預熱180度的爐30分鐘

3. 在瓜焗好5分鐘前煮蘑菇釀料, 煮軟洋蔥加蘑菇至熟

4. 加入忌廉, 煮滾後, 熄火, 加入芝士, 拌至混合

5. 取出瓜, 佈上蘑菇釀料, 加上芝士, 再回焗爐30分鐘至金黃

焗好的蘑菇芝士奶油瓜, 好creamy, 一個瓜啱啱好, 一人一件, 夠晒一家四口!
另外再煮個蘑菇香汁嚟配Gnocchi, 真係非常之好配搭呀!

自製意大利菠菜雲吞(附食譜) Spinach Ravioli

星期一和星期二去玩咗兩日, 好好彩天氣都唔錯, 玩足兩日, 昨日回家途中才開始落雨!

回到家就立即收到消息, 我個鄰居好朋友(年幾唔細的朋友), 身體特然有D問題, 平時好活躍的佢, 雙手又腫又痛到應付唔到日常生活. 所以小咪咪, 就出出入入, 幚吓手.  佢係一個單身老年人, 我真係要好似管家婆咁, 一定要佢食D嘢, 睇住佢食藥. 真係勞心勞力, 不過佢都算乖, 係我的金精火眼之看管下, 都肯食D嘢和食藥.

今日又要再洗衫, 又要洗地, 又要採摘蔬菜, 又要煮飯, 加上要做看護, 不停地出出入入, 真係忙個不停呀! 

忙都要餵家中的大食怪, 我今朝摘咗D菠菜, 咁新鮮, 又想食意大利雲吞, 一於郁手做啦!

西班牙辣肉腸(chorizo)做少許汁, 再加上parmesan芝士和黑胡椒粉, 就已經好美味!

餡料: 菠菜與蒜蓉煮熟切碎, ricotta芝士, 黑胡椒粉, 鹽 (把所有餡料拌匀)

新鮮的意粉皮加入餡料, 在邊掃上奶

摺或印出自己喜歡的型狀, 加入熱水煮熟.

少許牛油, 橄欖油, chorizo, 慢火煮至香

意大利雲吞去水加入汁內, 拌匀!



最後加上parmesan芝士和黑胡椒粉, 便成!

又係一個好新鮮的晚餐!

炒自製韓式年糕

小咪咪又攪攪震啦!

今次整韓式年糕, 好易整, 家人都好鐘意!

我落咗好多蔬菜, 煮咗個小咪咪版本的炒韓式年糕!

才料有洋蔥, 蕃茄, 甘荀, 草菇, runner beans 豆, 椰菜絲, 蛋, 辣醬

這是自製韓式年糕的過程!

 

日式咖哩豬扒飯

見仔仔囡囡幚手掘薯仔, 就用D私家新鮮薯仔, 洋蔥, 椰菜花整餐好比佢哋食啦!

加D butternut squash和紅薯蘿, 炸件豬扒配日式咖哩汁!

仔仔囡囡食得好開心呀! 鐘意D豬扒夠香脆!

壽司晚餐

小咪咪昨晚食壽司, 整咗6大條! 家人見到開心囉! 食到一件不留, 個個都係大食怪, 多多都食得晒呀!

第一條係蟹柳+蛋+泡蘿蔔, 第二條係吞拿魚, 第三係係青瓜+蛋+蟹柳

第四條又係吞拿魚, 第五條係蟹柳+蛋+青瓜+泡蘿蔔, 第六條係三文魚

再加多碟小食 ~ 煙三文魚, 子薑片和韓式泡蘿蔔 ~

這邊supermarket賣的壽司要幾個英磅, 先得幾粒無咩特別的壽司! 

這盒係超市的壽司, 要£3係最大盒嫁啦! 要買幾多盒比一家大細, 先夠填飽個肚呢! 好唔化算! £3小咪咪自己整可以整到一大碟, 依飽肚囉!

墨西哥香辣肉醬飯 (Chilli Con Carne) + 墨西哥薄餅+脆片

今日小咪咪又要加時工作, 放工就要立即接仔仔囡囡放學,  之後仲同仔仔囡囡去咗朋友屋企飲咖啡. 

難得可以嘆杯咖啡, 同個friend八吓嘢, 輕鬆吓!

可惜晚餐咩都無預備到, 返到屋企就要即刻要煮飯開工, 又係趕頭趕命!

有盒碎牛肉, 想開胃D, 整個墨西哥香辣肉醬飯chilli con carne 好快就攪掂!

屋企又有包墨西哥薄餅, grill 薄餅幾分鐘就又香又脆!

再加多碟墨西哥芝士脆片, 做配菜, 尼碟好搶手嫁, 手慢D都無得食呀!

脆片上面加咗黑橄欖, jalapeno辣椒, 再加上芝士

 

快快手手就整咗墨西哥餐!

家人話好好味呀! 辣辣地好開胃!

希臘 (Greek) Moussaka + 芝士黑胡椒包

近排茄子平, 買咗幾個又大又靚, 整希臘菜 moussaka 最好不過!

Moussaka 原本係用碎羊肉做的, 但係小咪咪唔食羊, 所以用碎牛肉!

每次整 moussaka 一大盆都無剩!

個 moussaka 已經有蔬菜, 所以用麵包機做咗個芝士黑胡椒包做配菜, 方便快捷!

才料:
(A) 1個大茄子切片, 碎牛肉, 洋蔥粒, 蒜蓉, 1罐蕃茄粒, 茄膏
(B) 2隻蛋, 忌廉 145ml, 芝士75g



做法:
1. 用鹽把茄子掃匀, 放入篩內, 1小時
2. 1小時後, 掃去所有水份, 佈1層茄子在盆底



3. 煮軟洋蔥粒, 加蒜蓉, 碎牛肉, 牛肉烹後加蕃茄粒, 茄膏, 調味, 慢火煮20分鐘
4. 加上茄子面
5. 重復再加茄子和(3)
6. 放入已預熱180度爐, 焗20分鐘


7. 取出烘爐,把(B)全部混合, 淋上面
8. 再入烘爐, 焗至金黃 (唔記得計時)



美味的Moussaka出爐啦!

加上新鮮出爐的芝士黑胡椒包

 

Moussaka 非常美味, 味道香濃, 好易入口!