Pages

Saturday 31 May 2014

陽光與海灘 ~ 清水灣

日日都熱到溶, 假日就最好消吓暑, 散吓D熱氣!

以前好難得至見到太陽伯伯, 依家就好享受太陽帶給人的快樂感!

個個都唔洗返工返學, 當然要向沙灘出發啦! 今次去清水灣, D水乾淨, 個停車場都叫多車位!


Photo


10點半去到車場已滿, 唔比車入, 來回多兩轉都係一樣! 老公開始唔多高興, 泊埋一邊睇吓有冇其他地方可以泊, 大家都知當然無啦! 我為有叫佢去多一次睇吓比唔比入, 好彩去多一次, 比我哋入呀! 最開心係仔仔囡囡, 囡囡即時大叫! 仲好好彩哋好快搵到車位! 問題解決, 可以盡情去玩啦!

Photo

Beautiful Sun, Sea and Sand, Can't ask for more!

Photo

昨日買的潛水鏡, 今日可以用嚟探索海底!

Photo

Photo

今日海水平靜和水退, 一大機會比我哋游出保護綱, 去大石邊探索! 我哋睇到好多彩色的魚, 石斑BB, 大大隻嘅蟹, 海膽, 海參, 青口, 元貝, 好多水母BB, 大大粒嘅寄居蟹, 仲有好多其他海洋生命! 去海洋館都唔會有咁多種類!

由10:45 玩至15:30, 真係玩足一日, 但係囡囡開始攰, 所以都係要執嘢走人!


Friday 30 May 2014

打斧頭餐 ~ 三文魚(骨)白汁意粉

尼餐三文魚意粉真係平都笑呀!  

百X嘅三文魚骨做特價, $13.80一包, 好抵食架, 點煮都得! 

雪櫃有個西蘭花和甘荀, 將佢切粒粒和用一包三文魚骨煮意粉夠晒一家人食, 夠晒平,靚,正呀!

Photo

一人一大碟!

Photo

一包三文魚骨都有好多件, D色都好靚!



Photo

用少許鹽和黑胡椒煎熟

Photo

去骨

Photo

西蘭花和甘荀切粒, 用水煮8成熟, 間去水份, 備用 

Photo

用牛油, 鮮奶和麵粉, 煮個簡單白汁, 加入三文魚和蔬菜和芝士

Photo

加入煮熟的意粉, 一碟有益又好味又平嘅打斧頭餐, 食得!

Wednesday 28 May 2014

蘿蔔絲鯽魚湯 (附做法)

香港乜都有! 又平又靚又新鮮!

比我見到一盤新鮮跳吓跳吓的鯽魚仔, 只係18蚊, 真係唔可以唔買佢返屋企!

鯽魚仔多細骨, 所以用嚟整魚湯就最好不過啦!


Photo

簡簡單單買個蘿蔔, 切絲備用! 用薑起鑊煎香D魚, 加水, 放多幾片薑和蔥段, 放蘿蔔絲係魚上面同魚一齊煮, 滾10分鐘至奶白色, 轉細火炆20分鐘, 加少許鹽調味, 便成!


Photo

咁多條18蚊, 都唔係太細條, 仲要條條都跳到返屋企, 真係天平又靚呀!

個湯又甜又有益, 飲多兩碗都唔怕!

Sunday 18 May 2014

美甲

昨日星期六同老公拍拖, 去街街和食自助餐!

難得可以放吓假, 過吓二人世界, 當然要扮吓靚靚, 等自己開心吓啦!

好耐無油指甲, 油一油隻手都好似靚D!

Photo

着紫色衫, 所以用紫色指甲油襯吓!


Photo

小咪咪好鐘意閃呀閃, 連指甲都要閃閃吓!