Pages

Sunday 18 January 2015

獅子山至畢架山行

藍天無雲! 今日與朋友一同遠行!

早上9:30到獅子山公園與朋友相聚, 開始一日之遊!



一班好友一齊行山


我哋係獅子山上, 唔係下! 哈哈!


由上望落去, 清楚地見到大圍, 沙田..........


獅子山去畢架山途中有好多上山的梯級, 真係行到腳仔軟!



落山途中見到馬騮, 仔仔囡囡和老公都係第一次見野生馬騮, 所以特別開心!

落到山腳再去龍翔道觀景台睇吓風景, 行落硤尾配水庫遊樂場睇人打棒球!

6個鐘, 11公里, 夠皮囉! 回家路!


Saturday 17 January 2015

金沙骨

好耐無整囡囡致愛的金沙骨啦!  

經過豬肉檔, 見到條排骨又長又厚肉, 真係唔買唔得! 本想靚靚地一塊原原整整咁去焗, 但當豬肉佬問我切唔切時, 我諗真D, 都係要切! 條排骨咁厚肉, 如果唔切, 睇怕要焗好耐至熟!


食譜之前出過簡易金沙骨 (附食譜), 尼碟排骨我醃足一日一夜, 好入味, 因為D肉厚, 所以真係要焗耐D!

 
 囡囡放學返嚟, 聞到焗金沙骨我味就開始等食!

唔好見佢人仔細細,  佢一人食咗最厚肉的三大件! 

見家人食得開心, 小咪咪都開心!

Friday 16 January 2015

海底椰冬蟲草花湯

近排天氣時凍時熱, 仔仔上星期發過燒後, 就有幾聲咳, 所以煲咗個海底椰冬蟲草花湯.  

海底椰和冬蟲草花都有潤肺止咳化痰的功效, 而冬蟲草花有豐富的維他命, 一家大細都適合飲用!


才料: 瘦肉, 枸杞, 蜜棗, 海底椰, 冬蟲草花, 少許鹽

Thursday 15 January 2015

凍凍地打邊爐

天氣特然凍咗幾日, 襯未回暖, 快快脆脆玩吓打邊爐! 有仔仔幚手買嘢, 唔洗我抬餐死! 


大部份食物都係仔仔揀嘅!


各自各忙煮嘢食, 又忙住食!

大食仔仔囡囡食得好開心, 最後佢哋仲要一人一個麵, 真係身心都溫暖呀!

Sunday 11 January 2015

打斧頭餐 ~ 煎鲭魚柳伴煙肉小麥 (mackerel with bacon couscous)

香港的魚又平又靚, 返咗嚟咁耐差不多餐餐都有條魚!  今次食鲭魚柳, 因為見超市做特價$7.90一件, 比起英國平得多, 有益又有得打斧頭, 真開心! 


小麥couscous唔洗煮加熱水, 焗幾分鐘後就食得, 好方便, 但係couscous係無味的, 所以小咪咪先煮咗洋蔥, 煙肉, 磨茹粒, 加入couscous一齊焗, 就已經可以好好味啦!


一人一條鲭魚


煎至金黃, 食得!

Friday 9 January 2015

簡易鹽焗烏頭 (附做法)

日日煮飯, 有時都真係唔知煮咩好, 為有週吓個街市, 睇吓有咩嘢見到想食啦! 行行吓, 比我見到一份烏頭好靚好新鮮, 仲要超抵! 晚飯有餸啦!



$15 ~ 4條烏頭

兩條整鹽焗烏頭, 兩條留返第二日蒸麵鼓!

鹽焗烏頭有好多種做法, 懶懶的小咪咪當然用最簡單又合自己家人的口味整啦! 



囡囡唔鍾意食檸檬, 所以只係放薑葱入魚內



一隻蛋白打至起泡, 混合兩包粗鹽



把粗鹽佈在魚上



放入已預熱200度的爐20分鐘, 20分鐘後除去鹽

完成!



由魚肚打開魚身, 就唔會食到皮外的鹽, 無煙煮魚呀!

Tuesday 6 January 2015

囡囡下厨 ~ 簡易可樂雞翼 (附做法)

囡囡鍾意飲可樂, 所以連雞翼都要用可樂做!


只用三種才料就可以煮出美味的雞翼, 最啱無時間預備晚餐或小朋友出手做大厨!





先落可樂



再落鼓油(大約兩湯匙), 待滾起


放入雞翼, 轉細火, 煮至雞翼煮


完成!

Sunday 4 January 2015

2015 新年快樂! ~ 忙碌的2014年12月!

2015 新年快樂!


5個月啦! 5個月無寫Blog, 多謝Blog友的關心和問候! 

回歸香港的生活實在太過多姿多彩, 八足咁多抓的小咪咪真係唔夠時間用呀!

新一年我會努力再寫Blog!

Photo

1月3日 ~ 小咪咪和舅父的生日飯局



12月31日 ~ 海上睇煙花倒數



12月30日 ~ 4個半小時遠足



12月29日 ~ 小咪咪生日午餐, 印度咖哩自助午餐




12月28日 ~ 清水灣郊野公園放風箏



12月27日 ~ 仔仔生日火鍋Party!





12月25日 ~ 聖誕自助餐, 3D光雕匯演



12月21日 ~ 冬至, 一家相聚!



12月19日 ~ X'mas Party



12月13日 ~ 遠足日



12月10日 ~ 結婚17週年, 香格里拉自助午餐

忙過不停, 但忙到開心到不得了的月份! 

真係好想寫下所有記憶, 但24小時有限, 希望2015我會寫出所有回憶!