西式蕃茄湯 (附食譜)

夏天嘅蕃茄又平又靚, 煲得多蕃茄薯仔, 想轉轉口味!

煮個西式蕃茄湯配蒜蓉包和呑拿魚通粉, 一流呀!

材料: 洋蔥粒半個, 蒜蓉粒1粒, 蕃茄去皮切粒5個, 上湯

調味料: 鹽, 黑胡椒粉, 蕃茄膏1tsp, 喼汁

做法: 

1. 蕃茄底部鎅十字, 放入滾水煮2分鐘, 取出

2. 去皮, 切粒

3. 把洋蔥粒, 蒜蓉粒煮軟 

4. 加蕃茄粒煮軟

5. 加入上湯和調味料, 轉中慢火煮20分鐘

6. 用手提攪拌器/攪拌機, 攪至滑 ~ 完成!

德國咸豬手 (附食譜) +新鮮肉汁醬做法

上個weekend, 係惠X見咸豬手大特價$39.9一隻, 價錢咁吸引, 立即帶兩隻返屋企.

依家整德國咸豬手次次都要整兩隻, 因為有時買到舊骨大肉就自然少咗D, 一隻豬手唔夠D食肉獸食, 買兩隻就穩陣D! 點知今次好好彩, 兩隻條骨都好細, 所以有好多肉!

煮德國咸豬手需時大約3小時, 以中火煮熟厚厚的美腿, 所以美腿肉質熟而嫩滑.

才料: 咸豬手2隻, 幼鹽, 黑胡椒粉蒜蓉, 啤酒2罐

做法:

1. 把咸豬手洗淨, 抹乾, 刺孔, 放入雪櫃過一晚夜

2. 在豬手上揉上鹽, 黑胡椒粉和蒜蓉, 把豬手坐起身

    (小咪咪用蒸飯架支撑住豬手, 物盡其用)

3. 在豬手上淋上1罐啤酒

4. 放入已預熱180度嘅焗爐焗1小時 

    

(期間要小心唔好比豬手跌, 跌咗就要坐返起身, 和唔好比個盆底乾水, 如果開始乾可以在盆底加水)

5. 1小時後取出豬手, 淋半罐啤酒在豬手面, 返回爐焗再焗1小時

6. 取出豬手, 淋最後半罐啤酒在豬手面, 焗爐轉220度, 再入爐焗30分鐘

7. 焗爐轉250度, 焗15-30分鐘, 完成!

出爐啦! D聲已經好靚!

熱辣辣! 脆卜卜!

好好肉呀!

外皮香脆, 肉嫩多汁, 一D都唔乾!

配上新鮮肉汁醬, 正式原汁原味呀!

新鮮肉汁醬做法:

1. 把原盆德國咸豬手的肉汁或倒入適合明火爐頭嘅鍋, 放在明火上加熱.

2. 肉汁加熱後加生粉水煮至傑, 完成!

備注: 如焗完豬手的肉汁比較, 可加熱水入焗盆與肉汁混合使用

健康雞上湯 (附做法)

同兩隻雞煎皮拆骨, 食飽飽後, 唔想哂咗兩隻雞売咁浪費, 物盡其用,  用嚟整雞上湯!

唔洗落鹽都好夠味!

一大碟雞売

洋葱, 甘荀, 西芹, 蒜頭, Bay Leave

把所有才料放入煲入加水, 煲 3 小時便成!

唔即日用, 可以入冰箱, 方便日後用!

懶人餐 ~ 焗雜菜檸雞 (附做法)

天氣熱, 真係唔多想開火煮食, 搞到熱上加熱!

懶懶地, 一盆過焗晒佢! 

簡簡單單又一餐!

雜菜: 洋葱, 甘荀, 西芹, 薯仔, 加入黑胡椒, 香草和水

雞內和外揉入少許鹽, 黑胡椒, paprika. 雞內放入檸檬和rosemary!

雞放在蔬菜面, 入已預熱200度焗爐1小時30分鐘!

出爐啦!

雞取出起肉, 汁倒入煲加生粉水煮杰做汁!

一盆搞掂晒, 完汁完味!

打斧頭餐 ~ 煎鲭魚柳伴煙肉小麥 (mackerel with bacon couscous)

香港的魚又平又靚, 返咗嚟咁耐差不多餐餐都有條魚!  今次食鲭魚柳, 因為見超市做特價$7.90一件, 比起英國平得多, 有益又有得打斧頭, 真開心! 

小麥couscous唔洗煮加熱水, 焗幾分鐘後就食得, 好方便, 但係couscous係無味的, 所以小咪咪先煮咗洋蔥, 煙肉, 磨茹粒, 加入couscous一齊焗, 就已經可以好好味啦!

一人一條鲭魚

煎至金黃, 食得!

打斧頭餐 ~ 三文魚(骨)白汁意粉

尼餐三文魚意粉真係平都笑呀!  

百X嘅三文魚骨做特價, $13.80一包, 好抵食架, 點煮都得! 

雪櫃有個西蘭花和甘荀, 將佢切粒粒和用一包三文魚骨煮意粉夠晒一家人食, 夠晒平,靚,正呀!

一人一大碟!

一包三文魚骨都有好多件, D色都好靚!

用少許鹽和黑胡椒煎熟

去骨

西蘭花和甘荀切粒, 用水煮8成熟, 間去水份, 備用 

用牛油, 鮮奶和麵粉, 煮個簡單白汁, 加入三文魚和蔬菜和芝士

加入煮熟的意粉, 一碟有益又好味又平嘅打斧頭餐, 食得!

仔仔煮晚餐 ~ Spaghetti Carbonara + 蒜蓉芝士波

星期五晚, 我唔洗煮飯, 因為仔仔煮比我哋食!

仔仔自己一手一腳煮咗尼個美麗的晚餐!

 

仔仔親手整嘅蒜蓉芝士波

製成品!

煮意粉

Spaghetti Carbonara 

我只係在旁指導, 仔仔要洗返煮晚餐的用具! 要佢洗碗, 佢唔多滿意, 但係要佢知道洗乾淨D碗碟用具, 都係煮飯的重要一部份!

仔仔煮得都真係好好味呀!

Homemade Gnocchi with Olive and Pesto Sauce 自家製意大利粉糰伴橄欖香草汁

今日整Gnocchi, 回港咁耐第一次整Gnocchi, 仲有囡囡幚手! 可惜香港唔係咁易買到新鮮香草, 所以個pesto sauce 係買現成貨!

雖然無整Gnocchi好一段日子, 但係整出嚟的水準都依然一樣!

囡囡一做完功課, 就開工啦!

開工大吉!

囡囡好快手就整咗一大堆!

家人食得好開心, 好滿足!

好友相聚 ~小朋友整Pizza做晚餐~

幾個月前係香港探過尼位相識咗多年嘅好朋友!

好難得佢哋今次一家大細由香港到我英國屋企探我, 真係好開心呀!

D小朋友又玩得好投契, 晚上一齊係房開Disco, 勁歌熱舞!

一齊去堡壘行吓, 好能得連個太陽伯伯都出嚟玩呀!

好友和佢囡囡整Pizza, 好友囡囡好比心機整架!

好友囡囡整嘅pizza出爐啦, 相當之美味呀!

尼個係小咪咪仔仔囡囡整嘅Pizza, 夠晒份量呀!

小咪咪都整咗個朱古力芝士蛋糕做甜品!

開心嘅時間過得特別快, 傾計傾到三間半夜, 第二日出外行吓, 又係時候好友要走啦!

希望好快又可以再相聚啦!

焗新鮮火腿 Roast Gammon Hock

返回英國一星期, 忙到不得了,  第二日就個個都返工返學. 又要收拾所有行理, 囡囡一返嚟星期三又去咗三日宿營.  我要清行理, 又要再拾囡囡第二個行理, 真係好似搵我嚟玩咁.  我仲擔心佢去唔到, 因為好大雪呀! 雖然大雪, 佢哋一樣照去, 囡囡仲玩得好開心添!

終於到星期日啦! 全星期都係煮D簡簡單單的晚餐. 今日終於可以休息吓, 等老公出吓風頭 煮吓Sunday Roast, 煮返餐正嘢比我哋食啦!

焗新鮮火腿, 椰菜, 紅蘿蔔, parsnap, yorkshire pudding

兩件新鮮火腿啱啱焗好, 老公落足心機煮架! 星期六晚用電子瓦罉煮慢慢煮佢, 今日再用英式芥辣加蜜糖上面焗, 又鮮又香又甜, 好好味架!

英式傳統燉牛腩加丸子 (Beef Stew with Dumpling)

天氣凍咗好多, 溫度得-2最高得2度!

今日可能落雪呀! 最怕落雪後嘅冰, 令路面好危險!

凍凍地, 最好燉吓嘢食, 暖暖地!

每到冬天小咪咪都好鐘意燉牛腩, 暖肚又暖身!

用不同的自種蔬菜燉牛腩, 好鮮甜!

燉牛腩, 一定要整多D 丸子(dumpling), 因為家人最鍾意Dumpling

丸子(Dumpling) 基本是用自發粉, 牛油, 雞蛋和鮮奶製成!

小咪咪另外加咗芝士和parsley, 令dumpling增加香味.

整丸子好簡易, 只要把所有材料混合好, 搓成小丸子, 放在已燉好的牛腩面, 蓋上蓋, 慢火煮30分鐘, 便成!

丸子(dumpling)煮好, 會發大好多架!

丸子軟綿綿, 有陣陣的芝士味! 有如咸味蛋糕和麵包的化身!

冬天的暖身晚餐~英式傳統嘅燉牛腩加丸子(Beef Stew with Dumpling)~