11月第二個生日

昨天係鄰居老人朋友生日, 係我哋今個月的第二個生日!

我哋年年都會為他做小型的生日party, 整個生日蛋糕比佢, 吹吓蠟蠋, 飲返兩杯, 又一晚!

今次整咗個士多啤利型蛋糕, 中間都有好多新鮮士多啤利架!

今年鄰居朋友76歲, 大個仔啦!

希望佢能保持身體健康啦!

囡囡好緊張個蛋糕呀!

囡囡問鄰居朋友: 食剩的蛋糕佢係唔係會帶晒返屋企呀?

鄰居朋友答: 你係唔係好鐘意食蛋糕呀?

囡囡話: 係呀, 我好鐘意食架! (隻眼仔不離個蛋糕)

鄰居朋友答: 好啦! 我唔帶晒返屋企, 留番比你啦!

囡囡當堂安樂晒! 月尾到囡囡生日佢自己都會有個蛋糕啦, 真為食!