又大一歲

小咪咪老公又大一歲啦!

今年老公生日咁啱係星期日, 可以一家大細出外一日, 真開心!

早上問老公想點慶祝, 佢話要去飲茶, 跟住可以去中式超市shopping喎!

哈哈! 依家老公真係好似半個香港人呀!

 老公生日又點可以無生日蛋糕啦!

11月有3個生日的日子, 唔想成個月都成住蛋糕, 所以整咗個百香果芝士蛋糕比老公做生日蛋糕! 芝士蛋糕, 都係蛋糕啫! 最緊要個主角鐘意!
仔仔囡囡當然要爭D心心朱古力啦!

下午飲完茶, 買完野 (我當然有大量入貨啦!),  一齊去公園行吓!

依家雖然凍, 但係四週環境的顏色好靚, D樹各有不同的顏色, 令到每個各落都好有美感!

尼個公園都幾大架, 唔單只有遊樂場, 散步徑, 仲有農場!

大大隻的動物至細細隻的兔仔, 雞仔!

最好之處係免費, 只係要比泊車費咋!

D細路可以係度玩半日, 都唔會悶!

依家尼邊好早就天黑, 所以探完, 摸完, 餵完D動物, 去遊樂場玩一陣, 再週圍行一陣, 又要返屋企啦!

返到屋企, 我哋一齊唱生日歌, 食生日芝士蛋糕!

一年一度, 又老多一年嘅日子, 又完咗啦!