請大家幚幚手 - 澳門來回船票

Blog友們已常四處遊玩, 希望Blog友可以幚一幚小咪咪, 因為小咪咪今次回港便立即要去澳門走一轉, 但係我已經多年無去澳門, 所以唔知道邊度買1日來回船票係最抵呢?

多謝大家的幚忙!

回歸之路

我返嚟啦! 好耐無見呀! 希望你哋無離開我啦! 而我就其實無離開過, 只不過小咪咪非常之忙!

忙D咩?  就係攪回歸囉!

好開心呀! 今日終於收到晒老公和仔囡的VISA批准信! 申請咗一段時間, 之間一D都唔簡單.  每日等結果的日子, 真係唔容易.  不過, 等的日子終於結束, 可以開始我哋回歸香港的新旅程!

所以今日係我哋的大日子呀!

所有的一切, 都要係英國攪, 唔可以親身係香港處理並不容易.  對我尼講, 工作, 學校, visa, 這三樣都好重要, 缺一不可.  仲要間咗半個地球, 這三個月真係身心疲累. 幸好, 工作, 學校, visa 都已經攪掂晒! 心情都輕鬆咗好多!

星期一返工就要辭職, 好快就會返到香港, 過一個真真正正的夏天!  又再可以與家人一齊相聚, 真係諗起都開心!

這就是小咪咪無時間寫blog的原因, 嚟緊的日子都會好忙, 但係心情已經不同. 我會盡量話比大家知近況!