2015年 12月 忙忙忙 ~ 結婚週年紀念

2016年啦! 但係2015年嘅12月真係好忙! 

12月係我同老公結婚週年紀念, 聖誕節, 仔仔生日, 小咪咪生日,除夕, 加上今年囡囡升中, 有幾個面試. 真係忙到暈!

先講吓結婚週年, 今年小咪咪同老公結咗婚18年啦! 

仔囡都開始大啦! 時間正實我兩都一齊渡過好多高高低低. 

最緊要係幾高幾低都係一齊面對和分享!

同老公去咗尖沙咀London House食lunch慶祝!

tomato & egg bake

Feta cheese salad

fish and chips

steak

etom mess

mix berries crumble

Gordon Ramsay 係香港開咗London House已經幾個月, 終於可以一試, 下午唔算多人, 所以坐得好舒服, 食物質數真係唔錯!

係百忙之中都抽到日慶祝和輕鬆吓, 已經好開心!~

香港海事博物館和土耳其午餐

星期六 22/02, 天氣好好, 出去四圍走吓, 去咗香港海事博物館行吓, 尼度無咩人, 所以行得好輕鬆!

好多知料, very interesting! 

D頭盔好重架!

船的歷史和種類多都唔識講!

仲有得扮吓做船長!

行完博物館, 行落灣仔搵食, 見到一間土耳其餐廳, 唔洗諗就跳咗入去! 地方雖然細細, 但係D食物好好味!

仔仔牛肉pizza, 好香

我的燒牛肉, 有鮮茄醬, 牛肉下面有麵包粒和sour cream, 好有獨特風味!

囡囡叫咗份好似cheese bread, (唔記得咗叫咩名)

個包好軟綿綿, 好香!

落足料呀! D芝士多到可以拉到咁長, 有得玩又有得食, 真好玩!

玩完囡囡個lunch, 唔記得咗影老公份mix grill!

食完lunch, 搭吓小輪過對面海行吓!

影吓相又一日!

提早慶祝親人節

Avril Lavigne 昨日係香港開一場演唱會, 我哋係11月已經買咗飛, 等呀等, 等到頸長, 終於睇到Avril啦!

全場爆滿, 勁歌熱舞, 好熱閙, 好好氣氛呀!

去睇concert前, 老公book咗枱係 SkyCity Marriott 食buffet, D食物都唔錯, 生豪好新鮮, 牡丹蝦刺身都好爽甜, 新鮮即跟叫即煮海鮮湯好多料, roast beef 焗得咁咁好! 

食飽飽, 去睇concert, 提早慶祝 Valentine Day! Happy 到暈呀! 

老公生日三重奏 之 ~第一奏~

今年老公生日就好玩啦! 玩足3日呀!

第1日, 星期六, 我哋去咗大埔海濱公園!

由火車站行去, 慢慢地在公園散吓步,  天氣好好, 唔太晒又有風, 四週遊行吓, 行得好舒服. 個公園都好大, 有新人在公園進行婚禮, 有好多人放風爭, 當然有好多人踩單車, 仔仔囡囡都想租單車踩吓, 但係今次食完午餐先出發, 唔夠時間租單車踩, 所以尼個踩單車節目要留返吓次啦!

行完公園沿着河邊行回火車站, 搭車返去媽咪屋企, 放低仔囡, 扮吓靚靚, 自己同老公出去二人世界!

去咗扒王之王, 撐吓枱腳!

我的前菜, 冰蘋果豬頸肉沙律

 

老公前菜, 鵝肝沙律 

 

老公牛扒

我的牛扒

仲有焦糖布丁甜品, 再加上一支紅酒. 老公當然好滿足啦!

食完晚餐, 再沿着河邊, 慢慢散步去酒店的酒吧, 坐吓. 過吓二人世界! 飲完嘢返去媽咪屋企, 過夜!

第一奏完!

~ 人間有情 ~ + 出去打邊爐

昨日的任務係搵車軩車房

 

回港只幾個月, 仲有好多事和物和地點都未係好清楚!

 

昨日中午架車條車軩流氣, 要搵車房.  打咗幾個電話問吓D車房, 可以話好彩又可以話唔好彩, 因為打個幾間車房, 一間只係做大車, 唔做私家車, 一間已經轉咗做其他, 但係佢地好好人, 好落力咁幚我諗邊度有車軩車房最近我屋企, 話我知由我屋企去的路線, 邊條路會係最容易. 這個女仕仲係電話度一邊講, 一邊等我睇地圖搵, 直至我搵到為止!

 

我和老公一去到這條街, 真係有好多車軩車房, 師夫兩三下工夫就換晒D軩, 仲要比英國平呢!

 

所以話, 尼個人間真係好有情, 一個唔識又唔係面對面的人, 只係在電話的另一面, 都可以無條件, 有耐性地幚一個陌生人, 有時就係尼種間間單單的人情味, 真係令我感覺到四週都是愛! (可能我是容易滿足的人吧!)

 

真係充心的好多謝這位出手/口幚助的女仕!

 

架車和老公攪到我無時間買餸, 所以晚食出外解決!

 

 

老公問想食咩, 我話不如打邊爐, 天氣開始涼D, 打吓邊爐, 仔仔囡囡又食 (玩) 得開心. 

 

 

尼間酒樓的食物的選擇都幾多, 平日$118任食又無限時間, 都唔錯.  我哋個個都咁大食, 食咗好多肥牛, 羊 和其他肉, 如果自己屋企食, 買料都唔平啦! 食完又唔洗洗碗! HEE!

 

食飽飽, 返屋企睇電視, 真開心!