Pages

Friday 31 August 2012

蘋果朱古力燕麥烙餅 Apple Chocolate Flapjack

仲係暑假期間, 當然要整多D小食啦! 因為這兩個星期一見唔落雨就出外玩和野餐, 唔想次次野餐都一樣, 所以次次都整D唔同的小食!

尼兩個月都叫做夏天, 無人食麥皮, 雖然有排都未過期, 但係見仲有一包都未開, 好想消滅咗佢!

所以就整咗蘋果朱古力燕麥烙餅 (Apple Chocolate Flapjack)

在英國, 燕麥烙餅(Flapjack) 係好普遍的小食, 但因為燕麥烙餅(Flapjack)的成份係有好多牛油和糖, 所以大人間唔中食少少好啦, 活躍的小朋友食多少少都唔怕, 小朋友跳兩跳就咩肥都跳走晒啦!


才料: 牛油250g, 糖250g, 糖漿175g, 燕麥425g, 蘋果粒2個, 朱古力粒2tbsp

做法:

1. 把牛油, 糖, 糖漿煮溶, 離火加入蘋果粒, 朱古力粒拌匀

2. 放入焗盆, 入已預熱180度的爐, 焗大約20-25分鐘
3. 待完全涼後, 取出盆, 切件, 便成! 

小咪咪炆蘿白 Braised Turnip

收成最開心就係可以食落肚, 可以食到新鮮又無農藥的蔬菜, 真係鮮甜無比!

試吓用不同的方式煮出不同的蔬菜, 令家人食得開心, 希望佢哋唔覺得自己好似隻牛咁, 日日食草!

今日午餐用自製上湯炆蘿白, 配上魚翅瓜, 青豆, 蟹柳, 帶子, 再淋上炆蘿白的湯!


味道非常清甜, 家人食得好開心!  



今次係用這種蘿白做午餐



普普通通的蘿白也可以變上菜啊!

Thursday 30 August 2012

魚翅瓜回家做魚翅羹

今年種咗Chinese Winter Squash, 個英文名就冬瓜, 但係真係邊種中國瓜啦! 

終於摘咗個嚟睇吓係咩瓜先至得!  可以開估啦 ~ 係魚翅瓜呀!

整咗個魚翅瓜羹嚟試吓個瓜, 真係唔錯, 真係有魚翅呀, 口感都幾得意!



用新鮮的上湯, 雞粒, 冬菇粒, 蝦粒, 魚翅瓜粒, 蛋, 非常鮮甜



這是在田生長中


瓜瓜返到屋企啦! 有5.5kg呀!



白白淨的白肉, 白白淨的魚翅

Monday 27 August 2012

椰絲糖 Coconut Ice (附食譜)

這是一款不用煮和不用焗, 而又充滿椰香的糖!

只需四種才料, 便可以整到椰絲糖!

上次整黑白芝士蛋糕開咗罐煉奶, 仲有好多剩, 所以用嚟整吓椰絲糖!

才料: 煉奶200g, 糖粉225g, 椰絲175g, 少許粉紅色食用色素



做法:

1. 把煉奶和糖粉拌匀, 加入椰絲拌匀
2. 把(1)分開一半, 用一半加入色素, 拌匀
3. 用牛油紙佈在盆內, 放入白色椰絲糖, 壓平, 再加上粉紅色椰絲糖, 壓平
4. 放入雪櫃大約3小時, 硬後便可以切粒, 便成.

小提示 ~ 如想整啡色, 可以加溶朱古力.  香港天氣熱, 切粒後, 放入盒最好儲存在雪櫃 ~


Sunday 26 August 2012

黑白芝士蛋糕 (附食譜)

今日在Tesco shopping, 見到 Oreo 朱古力餅半價, 立即買幾筒返屋企. 

返到屋企諗吓不如用D餅整個甜品.  所以就整咗芝士蛋糕 Cheesecake!

仔仔囡囡好鐘意呀!

才料: 忌廉150g, 軟芝士(cream cheese)200g, 溶牛油40g,  煉奶30g, 魚膠粉3tsp, 熱水2tbsp,
朱古力餅14塊(餅底), 朱古力餅6塊(餡)



做法:

1. 牛油紙放在盆底, 盆入掃油備用
2. 把14塊餅打碎, 混合溶牛油
3. 把(2)放入盆底壓平, 放入雪櫃備用
4. 把忌廉打至6成
5. 魚膠粉加入熱水攪至溶
6. 軟芝士加煉奶打至滑, 加入魚膠水拌匀
7. 把6塊餅輕輕壓碎
8. 把(6)和(7)加入(4)輕輕拌匀
9. 把(8)倒入(3), 放入雪櫃2小時或以上




可以用自己喜歡的才料裝飾cheesecake




我用咗Oreo的餅碎和餅做裝飾





黑白相對, 令到個cheesecake, 看來很高雅! 

Saturday 25 August 2012

三餸一湯

小咪咪始終都係香港人, 間唔中, 點都要有D飯氣落吓肚. 今個星期食咗好多次野餐, 有D掛住D中式住家飯, 所以昨天早上決定晚餐要食飯! 係出門去玩之前便把湯料放入電子瓦罉, 玩完返到屋企, 湯就煲好, 好方便!

簡簡單單, 煮幾碗飯, 蒸條魚, 話咁易!


出外玩咗一日, 快快手手整D簡簡單單的家常菜, 好快就有飯食!


用自種的椰菜花和青豆, 加上磨茹炒肉片


清蒸鯛魚(sea bream)

蒸水蛋

粟米紅蘿蔔雪耳煲廋肉湯

昨晚的普普通通的三餸一湯, 令個肚皮好滿足, 仲可以止咗D飯癮添!



Friday 24 August 2012

迷宮,郊野徑

昨朝早老公特然話去 Plantasia 帶D仔仔囡囡去玩, 這裡有好大的迷宮和郊野徑, 晨早就預備好野餐, 睇咗鄰居朋友食藥, 又去玩囉!

Plantasia 位於英國的 Warwickshire, Plantasia的迷宮都幾大, 個迷宮分咗六區, 用唔同的國家做主題. 而小朋友就有張咭可以去每區找尋印章. 今次遊迷宮, 囡囡全程留係我身邊, 因為有次同囡囡去迷宮, 佢自己帶頭跑咗去先, 點知另轉頭就搵唔到我哋, 佢大喊又跑來跑去, 到見到我哋又間住咗, 嚇到佢好驚. 而我和老公就唔驚, 因為我哋睇到和聽到囡囡. 上次比咗個教訓佢, 今次囡囡非常之乖, 一家人一齊行,一齊玩,一齊搵印章機, 一齊搵終點和出路, 這樣才有意議啊! 


這是迷宮的一部份!


玩完迷宮, 食完野餐, 又起程行郊野徑


途中有果園, 也有不同的農場動物玩吓!
 

玩完一日, 當然要坐吓, 放鬆吓對腳仔啦! 自已選擇小食或飲品, 點知囡囡要波波糖味(bubble gum) 的雪糕, 超鮮藍色, 食完之後好似外星人, 藍晒! 點帶佢出街呀!   

我和仔仔都好正常飲新鮮果汁, 老公就食咗個好鮮味的士多啤利雪糕!

輕輕鬆鬆又玩咗一日, 就要回家啦!

Thursday 23 August 2012

自製意大利菠菜雲吞(附食譜) Spinach Ravioli

星期一和星期二去玩咗兩日, 好好彩天氣都唔錯, 玩足兩日, 昨日回家途中才開始落雨!

回到家就立即收到消息, 我個鄰居好朋友(年幾唔細的朋友), 身體特然有D問題, 平時好活躍的佢, 雙手又腫又痛到應付唔到日常生活. 所以小咪咪, 就出出入入, 幚吓手.  佢係一個單身老年人, 我真係要好似管家婆咁, 一定要佢食D嘢, 睇住佢食藥. 真係勞心勞力, 不過佢都算乖, 係我的金精火眼之看管下, 都肯食D嘢和食藥.

今日又要再洗衫, 又要洗地, 又要採摘蔬菜, 又要煮飯, 加上要做看護, 不停地出出入入, 真係忙個不停呀! 

忙都要餵家中的大食怪, 我今朝摘咗D菠菜, 咁新鮮, 又想食意大利雲吞, 一於郁手做啦!


西班牙辣肉腸(chorizo)做少許汁, 再加上parmesan芝士和黑胡椒粉, 就已經好美味!



餡料: 菠菜與蒜蓉煮熟切碎, ricotta芝士, 黑胡椒粉, 鹽 (把所有餡料拌匀)


新鮮的意粉皮加入餡料, 在邊掃上奶


摺或印出自己喜歡的型狀, 加入熱水煮熟.

少許牛油, 橄欖油, chorizo, 慢火煮至香

意大利雲吞去水加入汁內, 拌匀!



最後加上parmesan芝士和黑胡椒粉, 便成!

又係一個好新鮮的晚餐!

Monday 20 August 2012

老公煎牛扒+蝦沙律

昨晚唔洗煮飯, 因為老公大顯身手, 煮個二人晚餐,  真嘆!

無仔仔囡囡份, 令外煮咗晚餐比佢哋先, 我哋(老公)要等到仔仔囡囡入房訓覺後, 才開始煮晚餐!

可以食得安安樂樂, 舒舒服服,  安安靜靜, 真爽!




頭盆: 蝦沙律, 有新鮮的生菜, 青瓜.  老公自己調配的千島海鮮醬




主菜:  煎牛扒, 磨菇洋蔥, 煎蛋, 蒜蓉包, 加上黑椒汁

老公煮得好好味嫁, 件牛扒好林, 煮得啱啱好!

老公的厨藝越來越有進步, 要比佢煮多D練習多D先得!

Sunday 19 August 2012

旋轉蛋糕

大家唔好以為個蛋糕會轉呀! 係個蛋糕入面的旋轉紋呀!

整蛋糕通常要用好多牛油, 但係這個蛋糕無用牛油, 係用葵花子油, 睇吓可唔可以將魔鬼的蛋糕整得健康少少!

用忌廉簡簡單單同個蛋糕裝飾吓, 見得人啦!




有外在美, 都要有內在美!



蛋糕的旋轉紋現身啦!


內在美



飯後甜品或茶點都適宜!
 

Saturday 18 August 2012

炒自製韓式年糕

小咪咪又攪攪震啦!

今次整韓式年糕, 好易整, 家人都好鐘意!

我落咗好多蔬菜, 煮咗個小咪咪版本的炒韓式年糕!



才料有洋蔥, 蕃茄, 甘荀, 草菇, runner beans 豆, 椰菜絲, 蛋, 辣醬



這是自製韓式年糕的過程!
 

Friday 17 August 2012

椰菜花湯 (附食譜) 配橄欖包

依家係種植最開心的時候, 因為可以用自種的蔬菜做食材, 現時係最多收成的時候, 多多都有!

樣樣的蔬菜都可以百變, 新鮮的蔬菜, 真係鮮甜無比!

尼排最多收成係椰菜花, 用尼炒呀, 焗呀, 整湯都好好味嫁!

這個椰菜花湯, 係用全私房菜做才料!

才料: 1個洋蔥(切粒), 1個椰菜花(切件), 1個大薯仔, 上湯(雞或雜菜), 鮮奶


做法:

1. 少許油放入煲內, 加入洋蔥, 細火煮軟
2. 加入椰菜花, 薯仔, 上湯, 大火, 滾起
3. 加入鮮奶轉細火, 煮至所有蔬菜熟和林
4. 用攪拌機或攪拌機把(3), 打至滑, 便成

想更加滑, 可加忌廉. 可加鹽作調味!


小咪咪整咗個, 簡易, 無需發酵的橄欖包, 適宜即食!

 
中間的橄欖令到個包包好香

唔好睇少一碗湯和一個包, 這個午餐好飽肚嫁!