親子餅乾

仔仔囡囡細細個已經好鐘意係厨房攪攪震!

放暑假節目之一, 當然係煮吓, 焗吓! 

仔仔囡囡開始大個D啦! 可以自己整D簡單的食物!

今次由仔仔囡囡一手一腳整餅乾, 一整就整咗兩種餅!

而我就負責清理現場, 任務仲大!

第一款係普通餅乾, 印吓字母, 都已經好開心!

味道唔錯呀! 佢哋有跟足食譜份量嫁!

第二款係 Chocolate Kiss, 餅就朱古力味, filling 就薄菏味和橙味!

整filling 的時候, 見佢哋攪到手仔軟, 但係都唔放氣, 都唔比人幚, 最後兩個都自己攪掂!

個 Chocolate Kiss, 仔仔整橙味, 囡囡整薄菏味! 都整得似模似樣呀!

一個下午好快就過咗啦! 不過就無人想食晚餐!

老公Sunday Roast 焗雞

放暑假已經一星期, 星期六又玩足一日, 在星期日小咪咪向家人宣佈要休息一天, 要做一個懶的人! 

老公當然要照常煮 Sunday Roast 啦, 不過要全日睇住仔囡!  佢睇仔囡就係仔仔囡囡最開心的日子, 因為佢哋可以無黃管!  點解無黃管??? 因為老公比佢哋在公園玩足一個下午, 真係最易的看管仔囡法!

老公的Yorkshire Pudding越來越好水準, D薯仔和椰菜花係自種嫁!

小咪咪食完Sunday Roast, 就去咗小睡(好耐無小睡過啦), 竟然訓咗4個鐘, 真爽! 起身見間屋好鬼靜, 唔多正常, 問吓老公D仔囡做緊咩呀? 佢話係公園呀, 玩多30分鐘就返嫁啦!

嘩! 佢哋真係發達啦, 在公園成個下午, 老公又唔洗看仔囡! 小咪咪的休息日, 變成全家休息日!

太陽出來了!

昨天陽光譜照, 終於可以一家大細出外行吓!

藍天白雲, 人人都輕輕鬆鬆享受陽光!

仔仔囡囡在中午玩完爬牆, 跟住去買D三文治, 小食, 去公園野餐!

天氣好, 好多人都出來散步, 同狗散步, 陪子女玩球, 小朋友係公園玩!

真係人都輕鬆D, 精神D, 連笑容都多D!



同仔仔囡囡去餵吓鴨仔





一家大細的鴨鴨都出動呀! BB鴨鴨好可愛!

見有得食, 排晒隊等餵呀!




鴨鴨話: 快D比多D我食啦! 我要走上嚟, 坐頭位!

餵完鴨, 仔仔囡囡去公園玩. 我和老公就坐低, 欣賞風景, 享受陽光!

咁好的天氣, 唔好比佢停! 晚餐BBQ, 夠晒夏天 feel!




尼碟只係部份的食物, 仲有其他嘢食, 好豐富呀!

係blog見好多人整煙肉捲蕃茄, 我又學人整吓, 用嚟BBQ 好正呀! 見仲有D煙肉剩, 用嚟捲D腸仔, 好受歡迎!

開心的日子過得特別快, 一日又過咗啦!

焗吉士 Baked Custard (附食譜)

這是家庭式, 仔仔囡囡由細食到大的甜品!

好好營養, 非常有益! 口感好似中式的燉蛋!

這個焗吉士, 唔係用鮮奶油, 係用鮮奶, 所以唔肥又有益!

才料: 蛋3隻, 蛋黃1個, 鮮奶450ml, 雲呢拿油0.5tsp, 糖4tbsp

做法:

1. 把所有材料混合
2. 過篩入碗
3. 把(2)放入大盆內, 在大盆加熱水至碗的1/3
4. 入已預熱的爐170度, 大約18分鐘, 便成!

非常嫩滑, 熱食或凍食佳適合.

 

紅草莓蛋糕 (附食譜) (Raspberry Upside Down Cake)

在田地順手摘D紅草莓返屋企, 咁新鮮要快D用咗佢!

小咪咪已經做足成日, 唔想整D複習嘢! 簡簡單單整個紅草莓蛋糕, 保持完味~

才料:自發粉125g, 牛油125g(室內溫度), 糖125g, 蛋2隻, 雲呢拿油數滴, 鮮奶3tbsp, 紅草莓

做法:

1. 把牛油和糖拌匀成淡黃色
2. 加入蛋, 雲呢拿油, 混合
3. 加入已篩過的自發粉拌匀
4. 加入鮮奶拌匀
5. 加入紅草莓, 輕手混合
6. 把牛油紙放入焗盆底掃油, 加入(5)
7. 放入已預熱180度的爐, 焗大約20-25分鐘
8. 取出牛油紙, 把面放向下, 底部向上, 放在架上待涼!

完成!

日式咖哩豬扒飯

見仔仔囡囡幚手掘薯仔, 就用D私家新鮮薯仔, 洋蔥, 椰菜花整餐好比佢哋食啦!

加D butternut squash和紅薯蘿, 炸件豬扒配日式咖哩汁!

仔仔囡囡食得好開心呀! 鐘意D豬扒夠香脆!

掘薯仔

無落雨一星期, D泥無咁濕, 終於可以掘薯仔啦!

一早(唔係太早)就帶我兩位特別童工去開工!

只係掘咗3份1咋, 仲要努力掘呀!

掘咗兩個鐘, 都叫做有D成績啦!

Rocket 今年都唔錯!

睇到無落雨成個星期D泥都仲濕濕地!

Edzell Blue都有成果呀! 紫得好靚呀! 囡囡好鐘意!


旱蔥頭, 今年有D失望, 好細粒, 天氣凍, 無計!

見D童工咁幚得手, 掘完就返屋企比餐飽飯佢哋食啦!

燒, 燒,燒

陽光譜照, 當然想BBQ啦! 但係老公要返工, 為有用烤爐代替啦!

仍然好有夏日風味呀!



邊個最串, 個個都咁串! 整返條燒串燒!



一定要有雞啦! 今次燒雞腿!


烤焗的牛油粟米, 特別好味!

怕唔夠食, 整多個quesadillas

等到頸都長才等到夏天, 又唔知有幾多日! 夏日美食, 真係盡情享受!

自家製鴨肉雲吞麵

看似一碗普通麵, 但係一D都唔簡單! 這碗麵每一粒,一滴都係由小咪咪自種和自製!
 
這碗麵充滿愛心架!

星期日爐鴨, 留起個鴨殼, 做湯底!

仲有少少鴨肉剩, 用黎整雲吞!

摘咗D波菜, 有條菜食吓!

用D麵粉做冷麵和雲吞皮!

個湯底非常之香濃

去花園剪D韭菜加入鴨肉, 加半隻蛋, 調吓味, 做雲吞料

用部份的冷麵麵團, 壓至最薄做雲吞皮!

今餐好慳家, 食得唔好哂! 又有錢錢落褲袋(又有得打斧頭啊)!

手打魚丸生菜粥 + XO醬撈蝦子麵

星期日, 當然係煲啖粥食吓的一日啦!

買咗條mackerel 整咗魚丸煲粥.  Mackerel D 味好濃, 令到D粥好鮮甜!

焗返脆條油炸鬼, 都真係唔錯!

Mackerel魚丸鮮味濃!

簡簡單單配個蝦子麵拌XO醬, 加D自製辣椒醬, 少許蠔油, 牙菜, 芫茜蔥花!

簡易凍豆腐花 (附食譜)

等咗好耐的夏天終於到啦! 唔知會有幾多日夏天, 所以要盡情享受呀!

整返個清涼甜品, 凍豆腐花!

小咪咪唔用石膏粉, 用魚膠粉都好掂呀!

做法簡易, 豆腐花非常之滑又清甜!

才料: 無糖豆奶(可用甜豆奶)568ml, 糖4tsp, 魚膠粉6g

做法:

1. 先用豆奶100ml, 加糖, 入微波爐1分鐘
2. 魚膠粉加入(1)攪至溶和混合, 可再入微波爐30秒
3. 把剩如的豆奶加入(2)拌至混合
4. 入雪櫃3小時, 便成

 
這個做法, 只適合做凍豆腐花, 夏天最適合!

簡易煙肉蘑菇脆肉瓜撻 配 雜菜批

仲有好多蔬菜剩, 整D以蔬菜為住的晚餐, 清一清貨!

一個大撻, 再加多個雜菜批, 就夠晒一家大細食!

又係小咪咪清雪櫃超簡單菜式!

才料: 酥皮一包, sundryiedtomato, 蒜頭, 脆肉瓜片, 蘑菇片, 煙肉片, mozzarella 芝士

做法: 1. 幾件sundred tomato和蒜頭打成蓉

2. 把酥皮壓成長方形, 佈上(1) 

3. 再佈上脆肉瓜, 蘑菇, 煙肉

4. 再加上 mozzarella 芝士

5. 入已預熱200度的爐, 焗至金黃 (又無計時), 完成!

焗雜菜批有西蘭花, 紅蘿蔔, 洋蔥, 薯仔片 + 芝士白汁

 

晚餐完成!