小廚神 ~ 整壽司

日煮夜煮, 小咪咪要休廚, 休吓息!

就由仔仔囡囡做大廚, 煮返餐勁比我食啦!

話難唔難, 話易唔易, 最緊要有心! 壽司全部都係佢哋自己整架!

仔仔整佢嘅至愛壽司

就係吞拿魚壽司, 好重手架!

第一條壽司完成!

到囡囡啦! 知唔知佢至愛咩壽司啦?

係蟹柳呀!

咁多條, 夠晒食囉!

當然要切開先可以食!

就快有得食, 幾開心!

似模似樣架!

都真係好好味!

驚唔夠食, 我整多碟貴妃雞卷, 啖啖肉無骨! 

食得啦!

多謝小廚神的晚餐!

暑假之自製沾土製作

天時暑熱, 有時都真係要係屋企避吓暑, 又唔想仔仔囡囡打咁多機, 都真係要諗吓D小玩意!

所以由仔仔囡囡自己製造沾土, 簡單易做, 平過買現貨沾土. 再做陶瓷, 好似玩泥膠咁, 但係可以保存!

沾土整好, 玩啦!

好似整餅咁整!

我都有玩咁一份架!

玩玩吓! 都整咗好多, 焗好, 待涼就可以上色!

我的第一件作品, 已經上好色啦!

囡囡作品! 熊仔做咗雪櫃磁石!

兔兔小碟!

整比囡囡的釣咀!

花花小碟!

為囡囡整咗條織繩頸鍊!

放暑假唔一定要洗好多錢娛樂小朋友, 自製沾土, 又平又有滿足感, 都係一個好娛樂呀!

自製手造首飾

小咪咪又出現啦!  小咪咪好耐無update個blog, 因為我嘅公公早兩個月常常出出入入醫院, 最終在上個月離開咗我哋, 現在已入土為安, 安息了! 而我哋都開始回復正常生活!

放暑假, 娛樂仔仔囡囡之外, 自己都搵到D新玩意!

就係自製首飾! 整吓介指, 鍊咀!

第一次製造的介指

心形鍊咀

囡囡介指

紅色介指

漩渦形介指

長指環

藍色美甲

今日提早一日同Daddy慶祝父親節, 係星期六慶祝大家都唔洗怕夜返屋企, 因為第二日唔洗返工返學, 個個都可以輕鬆D!

囡囡晨早就order我哋個個今日都要着藍色衫為主, 咁我就回應囡囡的今日主色, 我就油藍色指甲啦!

只油藍色覺得單掉咗D, 所以加咗朵浦菊英

今日藍天白雲, 我的指甲就藍加白花 

囡囡靚見都好滿意!

陽光與海灘 ~ 清水灣

日日都熱到溶, 假日就最好消吓暑, 散吓D熱氣!

以前好難得至見到太陽伯伯, 依家就好享受太陽帶給人的快樂感!

個個都唔洗返工返學, 當然要向沙灘出發啦! 今次去清水灣, D水乾淨, 個停車場都叫多車位!

10點半去到車場已滿, 唔比車入, 來回多兩轉都係一樣! 老公開始唔多高興, 泊埋一邊睇吓有冇其他地方可以泊, 大家都知當然無啦! 我為有叫佢去多一次睇吓比唔比入, 好彩去多一次, 比我哋入呀! 最開心係仔仔囡囡, 囡囡即時大叫! 仲好好彩哋好快搵到車位! 問題解決, 可以盡情去玩啦!

Beautiful Sun, Sea and Sand, Can't ask for more!

昨日買的潛水鏡, 今日可以用嚟探索海底!

今日海水平靜和水退, 一大機會比我哋游出保護綱, 去大石邊探索! 我哋睇到好多彩色的魚, 石斑BB, 大大隻嘅蟹, 海膽, 海參, 青口, 元貝, 好多水母BB, 大大粒嘅寄居蟹, 仲有好多其他海洋生命! 去海洋館都唔會有咁多種類!

由10:45 玩至15:30, 真係玩足一日, 但係囡囡開始攰, 所以都係要執嘢走人!

打斧頭餐 ~ 三文魚(骨)白汁意粉

尼餐三文魚意粉真係平都笑呀!  

百X嘅三文魚骨做特價, $13.80一包, 好抵食架, 點煮都得! 

雪櫃有個西蘭花和甘荀, 將佢切粒粒和用一包三文魚骨煮意粉夠晒一家人食, 夠晒平,靚,正呀!

一人一大碟!

一包三文魚骨都有好多件, D色都好靚!

用少許鹽和黑胡椒煎熟

去骨

西蘭花和甘荀切粒, 用水煮8成熟, 間去水份, 備用 

用牛油, 鮮奶和麵粉, 煮個簡單白汁, 加入三文魚和蔬菜和芝士

加入煮熟的意粉, 一碟有益又好味又平嘅打斧頭餐, 食得!

蘿蔔絲鯽魚湯 (附做法)

香港乜都有! 又平又靚又新鮮!

比我見到一盤新鮮跳吓跳吓的鯽魚仔, 只係18蚊, 真係唔可以唔買佢返屋企!

鯽魚仔多細骨, 所以用嚟整魚湯就最好不過啦!

簡簡單單買個蘿蔔, 切絲備用! 用薑起鑊煎香D魚, 加水, 放多幾片薑和蔥段, 放蘿蔔絲係魚上面同魚一齊煮, 滾10分鐘至奶白色, 轉細火炆20分鐘, 加少許鹽調味, 便成!

咁多條18蚊, 都唔係太細條, 仲要條條都跳到返屋企, 真係天平又靚呀!

個湯又甜又有益, 飲多兩碗都唔怕!

美甲

昨日星期六同老公拍拖, 去街街和食自助餐!

難得可以放吓假, 過吓二人世界, 當然要扮吓靚靚, 等自己開心吓啦!

好耐無油指甲, 油一油隻手都好似靚D!

着紫色衫, 所以用紫色指甲油襯吓!

小咪咪好鐘意閃呀閃, 連指甲都要閃閃吓!

環保~零蚊~種植法(三)

今次到燈籠椒要換盆, 咁啱有兩個中型果汁樽, 一次過整晒兩個!

小咪咪今次整 ~自動淋水植物盆~

由樽底吸水上泥土

仲有幾多水, 一睇就知

另外整多一個小花盆

今日咁咁用完支洗手液, 所以就用嚟整咗尼個花盆!

好多在家居用的物品, 只要花小小心思, 

都係可以變做循環再用的資源!