西瓜生日蛋糕

又到囡囡生日啦!

囡囡今年本來想要猫型蛋糕, 但後尾改變主意, 要西瓜蛋糕.

哈哈! 西瓜型好呀, 容易得多!

話咁快又大多一歲!

橄汁芒果糯米糍 (附食譜)

早幾日買咗幾個芒果, 又見好耐無整糯米糍, 加上依家有水波爐蒸嘢超容易, 話咁快就有得食!

才料: 

A. 糯米粉80g, 粟粉30g, 糖30g, 水50g, 橄漿100g, 油1tbsp

B. 橄絲少許, 芒果1至2個

做法:

1. 把所有才料A混合, 攪至無粉粒

2. 蒸15分鐘

3. 取出, 待涼
4. 芒果切大粒
5. 帶上膠手套, 取出適量糯米糕, 用手壓扁, 把芒果粒放在中間
6. 收口, 沾上橄絲
7. 完成

中西合壁 ~ 茄醬焗魚蛋釀魷魚 (附食譜)

小咪咪見百X做特價$9.90一條, 超抵! 一於買嚟做晚餐!

小咪咪想偷懶, 唔想開明火煎煮, 唔想睇火, 所以焗就最啱啦! 上次煮芝士汁, 今次煮茄醬. 又想全海鮮, 就試吓釀魚蛋啦!

才料: 魷魚4條, 蝦膠$20, 白魚柳2條, 蔥粒, 胡椒粉少許

醬汁才料: 洋蔥半個, 蒜蓉半tsp, 蕃茄粒1罐, 水半罐, 

                  茄糕1tbsp, 芝士少許 

做法: 

1. 白魚柳打成膠, 混合所有才料

2. 把(1)釀入魷魚, 用牙籤收口

3. 洋蔥炒軟加入蒜蓉和其他醬汁才料, 轉中慢火煮15分鐘

4. 放1/3醬汁在盆底, 放入釀魷魚淋上所醬汁

5. 加上芝士,蓋上錫紙

6. 入己預熱180度的爐30分鐘

7. 取走鍚紙, 再焗30分鐘

出爐啦! 

意粉配上鮮甜茄醬汁, 簡直一流!

鳳爪排骨飯 (附食譜) (附水波爐做法)

前日係街市游吓游吓, 見到鳳爪16蚊一磅, 問吓囡囡想唔想食鳳爪排飯, 囡囡話好呀! 再去買盒排骨, 話咁易就有齊才料.

才料: 鳳爪, 排骨

醃料: 蒜蓉, 蒜蓉豆鼓醬 3tsp, 鼓油 2tbsp, 糖 2tsp, 胡椒粉少許, 水 少許, 生粉 2tsp

做法: 

1. 鳳爪要收甲(剪去腳甲),  飛水, 瀝乾.

2. 把(1), 排骨和所有醃料混合, 待2-3小時, 最好過夜.

3. 每一碗用半杯米, 沖水和加半杯多DD水, 浸30分鐘.

4. 把(3)放入水波爐下層, steam 20分鐘.

5. 把飯取出水波爐放鳳爪排骨上飯面淋上少許汁, 入爐steam 20分鐘.

6. 隨個人口味可以加上蔥粒或鼓油.

一人一碗唔洗爭!

整色整水鼓油雞 (水波爐 - 附做法)

買咗隻雞仔, 老公話要食鼓油雞! 小咪咪就滿足吓佢, 即刻走去整啦! 但係小咪咪鐘意食得健康D, 所以唔係落好多鼓油, 反而加多些少水, 整吓色整吓水, 好似樣架, 而味道一樣咁好味!

自己煮, 咸D淡D都得, 最緊要啱自己口味, 所以今次只寫出做
法, 份量可隨自己口味加多和減少!

今次試吓用水波爐整鼓油雞, 唔洗看火, 唔洗將隻雞轉嚟轉去好方便!

鼓油雞汁: 薑片, 蒜頭, 八角, 冰糖, 老抽, 生抽, 水

才料: 蔥段, 雞, 薯仔(如喜歡用)

做法:

1. 把雞洗乾潔和抹乾, 把蔥段放入雞內.

2. 煮鼓油雞汁, 煮至冰糖全溶掉.

3. 把(2)倒入焗盆加入雞, 把汁用匙羹注入雞內和淋上雞面.

4. 把(3)放入已superheated steam預熱200度, steam 20分鐘.

5. 當steam雞時, 把薯仔去皮, 切件, 把水和薯仔加入鍋煮至熟.

6. 薯仔隔去水份.

7. 把雞取出爐, 把雞返轉, 將薯仔放在雞身邊, 把汁淋在雞和薯仔上.

8. 入爐轉用steamed, 10分鐘, 之後留在爐內10分鐘.  

9. 待涼, 切件, 上碟!

出爐啦! 用水波爐整鼓油雞大約30分(視乎雞大,細, 時間要加長或減短), 雞只需返轉一次, 非常之方便!

波蘿包 + 雜菜雞肉包

放暑假啦! 兩隻嘩鬼日日痴到實! 仔仔囡囡嘅胃口都越嚟越大! 所以今日整D飽肚D嘅下午茶比佢哋食!

波蘿包

雜菜雞肉包

波蘿包係囡囡致愛, 但係囡囡日日返學, 放學返到屋企已經好晕, 所以好耐無整波蘿包! 依家放暑假再整波蘿包比囡囡嘆, 仲要整大大隻, 囡囡見到眼都大晒, 即刻好快手就食咗一大個!

仔仔就最緊要有肉, 雞肉包, 夠晒料夠晒飽肚, 啱晒仔仔!

仔仔囡囡好滿意, 小咪咪都好開心!

雞包仔 (附食譜)

唔知點解雞仔包, 依家唔係間間茶樓都有, 以前飲茶唔係叫义燒包就係雞仔包, 間間茶樓實有! 但係依家想食吓雞球大包就難上加難!

整雞包仔成本又唔貴, 又唔難, 點解好似絕種咁呢?  想食就為有出手啦!

包才料: 

中筋麵粉350g, 糖3tbsp, 鹽小許, 依士2tsp, 水170g, 泡打粉3g

餡才料: 一隻雞肶肉粒, 兩隻冬菇粒, 芫茜碎

醃料: 鹽, 糖, 胡椒粉, 麻油, 粟粉, 薑蓉

做法:

1. 把包才料混合搓至光滑, 待30-40分鐘

2. 把餡料醃好

3. 把麵團搓成長條, 切成12份

4. 把一份麵團壓薄, 放入餡料, 包好, 待20-30分鐘

5. 水波爐100度蒸14分鐘

今日整吓雞包仔比仔仔囡囡放學做下午茶! 仔仔囡囡好鐘意呀!

腸粉(附食譜)

玩玩試試新爐! 玩吓蒸腸粉!

才料: 粘米粉 60g, 生粉 20g, 水 350g, 鹽 少許

做法: 

1. 把所有才料混合, 把盆掃油, 再將腸粉漿放入蒸盆薄薄的一層, 蒸至熟. 

水波爐做法: 

1. 用steamed 100度, 蒸大約9分鐘! 我用8吋盆. 盆的大,細和腸粉漿厚,薄都會令蒸時間有少許不同, 要自己嘗試掌握時間!

2. 輕輕手捲起, 完成!

再加鼓油, 麻醬, 甜醬 更加美味!

新玩具水波爐, 試爐 ~ 蒸陽粉

小咪咪在六月頭買咗個水波爐, 終於等到收貨尼一日啦! 

由月頭等到月尾真係等到頸都長呀! 無計啦, 尼隻爐係近排大熱, 搞到我都忍唔住買咗部.

尼個爐有齊微波, 蒸, 過熱水蒸, 燒烤 和焗, 好實用嘅多功能!

試新爐, 試吓蒸野功能, 都ok, 但係就要蒸耐DD! 

用100度蒸要9分鐘, 下次要試吓加熱小小, 睇吓會會快D!

自挖 ~ 白沙硯青口海鮮湯

小咪咪星期六同朋友一家去了長沙沙灘玩咗一日! 去到中午, 食完午餐細路就即刻去游水+玩水! 游水之餘, 我哋就摸吓蜆! 昨晚返到屋企就浸吓佢, 等D蜆和青口吐晒沙, 今日就煮咗個中式海鮮湯!

好甜呀! 仔仔囡囡食返D自己搵返嚟嘅海鮮特別開心!

白沙硯, 好乾淨晒 

青口都洗得乾乾淨淨!

兩大盆白沙和青口, 所有青口都係仔仔一人挖呀!

熱辣辣, 游吓水, 夠晒爽呀!

係走之前有意外驚喜呀! 有9隻水牛一齊玩呀!

Yo Yo 比衣夾

Yo Yo 好聰明, 好快就識玩give me a peg!

Yo Yo 咩都鍾意玩, 所以玩比衣夾我, Yo Yo話一D難度都無呀!  依家多咗Yo Yo 做成員, 佢令到成家都好唔得閒呀! 個個都要陪Yo Yo玩, 食和瞓!

仔仔囡囡放學返嚟已經唔係叫, Hello 媽咪, 而係Yo Yo 呢?

鮮蝦水餃配鮮蝦蕃茄上湯

行過街市, 見到D蝦又平又靚又啱啱整咗雞上湯, 見好耐無整水餃啦! 一於整返餐鮮蝦水餃麵做晚餐!

本來想自己整埋麵條, 但係一日時間有限, 無時間整晒所有嘢, 為有放棄麵條啦!

見有咁多蝦売, 當然唔好哂啦! 加埋蕃茄炒香佢!

加入新鮮清雞湯

慢慢煮, 有一大煲鮮蝦蕃茄上湯啦!

自家水餃皮

囡囡放學返嚟, 有幚手包架! 都包得唔錯呀!

健康雞上湯 (附做法)

同兩隻雞煎皮拆骨, 食飽飽後, 唔想哂咗兩隻雞売咁浪費, 物盡其用,  用嚟整雞上湯!

唔洗落鹽都好夠味!

一大碟雞売

洋葱, 甘荀, 西芹, 蒜頭, Bay Leave

把所有才料放入煲入加水, 煲 3 小時便成!

唔即日用, 可以入冰箱, 方便日後用!

懶人餐 ~ 焗雜菜檸雞 (附做法)

天氣熱, 真係唔多想開火煮食, 搞到熱上加熱!

懶懶地, 一盆過焗晒佢! 

簡簡單單又一餐!

雜菜: 洋葱, 甘荀, 西芹, 薯仔, 加入黑胡椒, 香草和水

雞內和外揉入少許鹽, 黑胡椒, paprika. 雞內放入檸檬和rosemary!

雞放在蔬菜面, 入已預熱200度焗爐1小時30分鐘!

出爐啦!

雞取出起肉, 汁倒入煲加生粉水煮杰做汁!

一盆搞掂晒, 完汁完味!

老黃瓜瘦肉湯

近排天氣又熱又焗, 冬瓜和節瓜都煲咗好多次, 所以煲吓老黃瓜轉一轉款!

老黃瓜去濕, 去熱, 尼個天時最合時! 飲完一大碗舒服晒!

惠而浦蒸焗爐體驗班

小咪咪好幸運被選中在上星期六參與惠而浦蒸焗爐體驗班, 同一班一樣喜歡煮嘢食的同學仔一齊玩吓!

當日煮咗4個餸:

蕃茄海鮮濃湯

溫泉蛋煙肉沙律

慢煮黑豚鞍配南瓜蓉及忌廉蘑菇汁

香蕉合桃蛋糕



才料豐富!

在短短的3小時內製造出4款美味嘅食品和識了幾位朋友仔! 



落咗堂後, 約咗老公去飲嘢! 
企咗成個下午, 對腳仔終於可以休息吓啦!