雞包仔(附食譜)

兩日唔洗, 就清晒D雜茹包, 跟住老公就要求整雞包仔, 接到order小咪咪又嗱嗱坪聲開工!

餡才料:

雞扒1件, 鮮茹3-4隻, 芫茜一扎, 

調味料:

水, 薑蓉, 紹興酒, 豉油, 糖, 白古皮椒粉, 麻油

包皮才料:

(A) 麵粉200g, 應粟粉40g, 發粉6g

(B) 依士4g, 糖24g, 鹽2g

(C) 水120g, 油1tsp

餡料做法:

1. 雞扒去皮切細粒, 鮮茹切粒, 芫茜切碎

2. 全部餡料, 調味料混合備用

包做法:

1. 把(A)混合, 過篩後, 加入(B)和(C)

2. 搓成軟滑麵團(搓約10分鐘), 待發40分鐘

3. 把麵團分成12份, 包入餡料

4. 放入蒸籠待30分鐘

5. 蒸大約15分鐘

食得啦!

雜茹包 (附食譜)

星期日突然好想食充滿茹茹鮮味嘅蒸包包, 小咪咪想食就去整!

一整就要整多D, 整夠一打, 第二日已經清晒!😆

餡才料:

鮮茹, 雞肶茄, 舞茹, 洋蔥粒, 薑蓉

餡料調味:

油, 蠔油, 豉油, 糖, 白古椒粉, 麻油

包皮才料:

(A) 麵粉200g, 應粟粉40g, 發粉6g

(B) 依士4g, 糖24g, 鹽2g

(C) 水120g, 油1tsp

餡料做法:

1. 把雜茹切粒

2. 燒熱鑊落油, 薑蓉, 炒香

3. 轉中小火, 加入雜茹, 炒至半熟加入適量嘅調味料, 炒至熟

4. 待涼備用

包做法:

1. 把(A)混合, 過篩後, 加入(B)和(C)

2. 搓成軟滑麵團(搓約10分鐘), 待發40分鐘

3. 把麵團分成12份, 包入餡料

4. 放入蒸籠待30分鐘

5. 蒸大約12-15分鐘

鮮甜雜茹包, 熱辣辣, 食得!

雞蛋漢堡(附食譜)

在淘X見到個7孔生鐵鍋幾得意, 又貪玩地買咗個嚟玩!

才料可以用自己喜歡的食物配搭出不同嘅口味!

才料: 水, 中筋麵粉, 鹽(少許), 蛋, 火腿粒, 蔥粒, 芝士片(切細)

做法:

1. 水, 麵粉, 鹽混合成漿至無粒
2. 燒熱7孔鍋, 掃油, 加(1)入孔中, 大約1/3滿
3. 轉中火, 當漿半熟加蛋, 火腿粒, 和蔥粒
4. 當蛋8成熟, 在另一孔加漿和芝士片
5. 另一孔的漿半成熟, 把(3)倒轉向下放在漿上, 掃油
6. 反漢堡, 兩邊熟透, 完成

煎堆碌碌, 金銀滿屋 (附食譜)

又到新年, 手痕痕又整吓小食!

煎堆易整又好味, 真係可以食到停唔到口!

材料:

糯米粉150克, 砂糖65克, 梳打粉1克, 泡打粉1克, 清水90克, 花生油1湯匙, 白芝麻適量

做法:

1. 糯米粉加入梳打粉、泡打粉拌勻，加入其它材料全部搓勻，白芝麻除外

2. 粉糰搓成長條形，分成每粒約20克

3. 每粒粘上清水，滾上芝麻搓圓，靜置10分鐘

4. 溫油落鑊，中慢火待粉粒浮起便輕輕按壓，邊炸邊壓，炸至金黃色

雞包仔 (附食譜)

唔知點解雞仔包, 依家唔係間間茶樓都有, 以前飲茶唔係叫义燒包就係雞仔包, 間間茶樓實有! 但係依家想食吓雞球大包就難上加難!

整雞包仔成本又唔貴, 又唔難, 點解好似絕種咁呢?  想食就為有出手啦!

包才料: 

中筋麵粉350g, 糖3tbsp, 鹽小許, 依士2tsp, 水170g, 泡打粉3g

餡才料: 一隻雞肶肉粒, 兩隻冬菇粒, 芫茜碎

醃料: 鹽, 糖, 胡椒粉, 麻油, 粟粉, 薑蓉

做法:

1. 把包才料混合搓至光滑, 待30-40分鐘

2. 把餡料醃好

3. 把麵團搓成長條, 切成12份

4. 把一份麵團壓薄, 放入餡料, 包好, 待20-30分鐘

5. 水波爐100度蒸14分鐘

今日整吓雞包仔比仔仔囡囡放學做下午茶! 仔仔囡囡好鐘意呀!

腸粉(附食譜)

玩玩試試新爐! 玩吓蒸腸粉!

才料: 粘米粉 60g, 生粉 20g, 水 350g, 鹽 少許

做法: 

1. 把所有才料混合, 把盆掃油, 再將腸粉漿放入蒸盆薄薄的一層, 蒸至熟. 

水波爐做法: 

1. 用steamed 100度, 蒸大約9分鐘! 我用8吋盆. 盆的大,細和腸粉漿厚,薄都會令蒸時間有少許不同, 要自己嘗試掌握時間!

2. 輕輕手捲起, 完成!

再加鼓油, 麻醬, 甜醬 更加美味!

新玩具水波爐, 試爐 ~ 蒸陽粉

小咪咪在六月頭買咗個水波爐, 終於等到收貨尼一日啦! 

由月頭等到月尾真係等到頸都長呀! 無計啦, 尼隻爐係近排大熱, 搞到我都忍唔住買咗部.

尼個爐有齊微波, 蒸, 過熱水蒸, 燒烤 和焗, 好實用嘅多功能!

試新爐, 試吓蒸野功能, 都ok, 但係就要蒸耐DD! 

用100度蒸要9分鐘, 下次要試吓加熱小小, 睇吓會會快D!

蘿蔔糕工場

仲有幾日就到農歷新年啦! 

小咪咪都要開工, 製造蘿蔔糕!

一整就整咗七盆, 五盆整比親朋戚友, 自己有兩盆!

 

才料有臘腸, 冬菇, 乾瑤柱, 雞肉粒.  炒起一大碗!

煮呀煮! 攪呀攪! 攪好啦! 可以蒸蒸日上啦!

品賞製成品和與家人分享一點心意的時刻! 

簡易金沙骨 (附食譜)

買咗幾條好好肉的排骨做金沙骨, 家人見到發晒狂!

係尼個家庭, 真係要好快手, 唔係無得食呀!

囡囡平時食飯好多嘢講, 不過尼餐佢見到D排骨, 佢蜜蜜口食! 老公要同佢鬥快, 先可以食多件! 而仔仔就好困難地食咗兩件, 因為仔仔係同一時間換咗好多隻牙, 個口D洞洞多過D牙, 食肉唔係咁易, 睇見都好笑!

才料: 肉排

醃料:  义燒醬3tbsp, 生抽2tbsp, 紹興酒1tbsb

做法:

1. 用醃料醃排骨3小時以上

2. 把排骨放在架上, 放入已預熱200度10-15分鐘

3. 反轉, 掃上醃料再焗10-15分鐘

完成!

各人的焗爐熱度和排骨的厚度都不同, 所以焗時要留意時間的長短!

米飯脆餅 (附食譜)

冷飯除咗用嚟炒飯之外, 用嚟整吓小食都唔錯架!

今次小咪咪用咗碗冷飯整咗脆餅, 香口又脆卜卜!

米飯脆餅做法:

1. 冷飯一碗加少許鹽, 雞粉, 五香粉和油, 拌匀
2. 用保鮮紙包起, 用手擠成團
3. 打開保鮮紙在飯團上放上另一張保鮮紙, 壓成薄片
3. 放入冰箱30分鐘
4. 切成小塊, 平底鑊加熱加少許油, 煎米飯片至金黃, 便成! 

仔仔囡囡見到D米飯脆餅脆卜卜, 食完一塊又一塊, 佢哋話好好味呀!

糯米包

小咪咪想食糯米, 但係又無雞又無排骨, 好似百無!

好在冰箱仲有已醃好的义燒, 燒咗舊义燒就有得食!

轉一轉款整糯米包, 不過唔係中式包包又唔係飲茶用雲吞皮包住嘅糯米包!

係小咪咪用糯米, 包成包型嘅包包!

餡料有义燒, 蠟腸, 蛋, 蔥粒, 芫茜

把餡料放在已煮熟的糯米飯中間, 包起成包型!

尼個糯米包煙煙 “un un” 加上餡料味濃, 令到個包包好惹味!

蝦心魚蛋

仔仔囡囡終於返返學啦!

小咪咪終於可以有返D私人空間啦! 人都精神D!

有返多D時間又可以係厨房攪吓小動咗!

講吓講吓晚飯時間又到!

小咪咪今次係魚蛋中間加咗粒蝦蝦, 粒魚蛋當堂升咗級!

蝦心魚蛋, 手快有手慢無呀!

外表平平無奇, 內裡好有心架!

家人對尼碟蝦心魚蛋好滿意呀!

义燒餐包

整咗一大碟义燒, 食剩幾塊, 點好啦!

唔想浪費, 於是就用尼幾塊义燒加D洋蔥, 整咗個餡!

D餡整咗出嚟, 都有一大碗喎!

整义燒餐包做午餐, 一家大細笑呵呵! (佢哋好鐘意尼隻包架)

大隻過香港買嘅义燒包!

味道十足十香港义燒餐包, D汁又香又濃!

焗D包包又攪掂一餐!

蘿蔔絲餅 (附做法)

摘咗幾個蘿蔔都未用, 要快D用咗佢先得啦!

蘿蔔絲餅, 清清地, 甜甜地. 我仔仔囡囡好鐘意架!
整嚟比佢哋做放學後小食, 開心到飛起!

今次只附做法, 因為小咪咪又用咗對眼做量器! 有咁多大厨, 唔洗食譜都識整啦!
 

麵團: 中筋麵粉, 熱水

餡才料: 蘿蔔絲, 紅蘿蔔絲, 蔥段

調味: 雞粉, 胡椒粉, 鹽 各少許

做法: 1. 麵粉加熱水搓成麵團, 用保鮮紙包好, 待15-30分鐘

2. 把所有餡才料炒軟, 加入調味炒熟, 待涼

3. 壓平適量的麵團, 放入餡料

4. 收口, 收口向下, 灑少許粉防黏

5. 用中慢火, 煎麵團熟至金黃, 便成!

黑椒豬肉乾

囡囡落咗order, 要食豬肉乾!

冰箱仲有舊細豬肉, 就用佢嚟整啦!

加咗好多黑胡椒, 香口好多又辣辣地, 啱哂我們口味!

放學後有D朋友仔來玩, 囡囡見到D豬肉乾開心到飛起, 連其他小朋友都好鐘意呀!

小朋友玩夠回家後, D豬肉乾所剩無幾!

睇嚟又要再整多批啦!

油炸鬼 (附食譜)

小咪咪為咗D想試吓整油炸鬼的blog友, 小咪咪再做多次啦!

我要多謝仔仔今次幚手做攝影師! 兩隻手做野, 要第三隻手幚幚手! 幚完手, 佢又幚口!

希望你哋都鍾意小咪咪我攪攪震油炸鬼和成功啦!

其實好易整, 但小咪咪無用臭粉, 所以都會有同街上買的有D分別, 所以即食最好!

才料: 高筋麵粉310g, 水190g, 依士5g, 泡打粉5g, 梳打粉5g, 鹽4g

做法: 1. 把所有才料混合, 用保鮮紙包好, 待30分鐘


2. 30分鐘後, 把麵團推開, 收回中間, (順時針方向重復十次)


3. 用保鮮紙包好, 放入雪櫃至少8小時, 最好過夜!

4. 壓成長方形, 大約1個銀仔的厚度



5. 切兩條完寬度一樣的麵條



6. 將一片麵條放在另一條上面, 用刀背壓中間


7. 用手拉一拉長, 按一按頭尾





8. 放入熱油炸, 要不停轉動油炸鬼



9. 放在架上, 如果忍到口就等涼小小食! 小心熱呀!

自製的好處係無什質, 形收狀大小自己控制! 

我係用炸鍋, 所以整得短D, 可以入我的炸鍋.  不過一定要夠寬!

食唔晒用焗爐, 焗返脆都得!