西式蕃茄湯 (附食譜)

夏天嘅蕃茄又平又靚, 煲得多蕃茄薯仔, 想轉轉口味!

煮個西式蕃茄湯配蒜蓉包和呑拿魚通粉, 一流呀!

材料: 洋蔥粒半個, 蒜蓉粒1粒, 蕃茄去皮切粒5個, 上湯

調味料: 鹽, 黑胡椒粉, 蕃茄膏1tsp, 喼汁

做法: 

1. 蕃茄底部鎅十字, 放入滾水煮2分鐘, 取出

2. 去皮, 切粒

3. 把洋蔥粒, 蒜蓉粒煮軟 

4. 加蕃茄粒煮軟

5. 加入上湯和調味料, 轉中慢火煮20分鐘

6. 用手提攪拌器/攪拌機, 攪至滑 ~ 完成!

德國咸豬手 (附食譜) +新鮮肉汁醬做法

上個weekend, 係惠X見咸豬手大特價$39.9一隻, 價錢咁吸引, 立即帶兩隻返屋企.

依家整德國咸豬手次次都要整兩隻, 因為有時買到舊骨大肉就自然少咗D, 一隻豬手唔夠D食肉獸食, 買兩隻就穩陣D! 點知今次好好彩, 兩隻條骨都好細, 所以有好多肉!

煮德國咸豬手需時大約3小時, 以中火煮熟厚厚的美腿, 所以美腿肉質熟而嫩滑.

才料: 咸豬手2隻, 幼鹽, 黑胡椒粉蒜蓉, 啤酒2罐

做法:

1. 把咸豬手洗淨, 抹乾, 刺孔, 放入雪櫃過一晚夜

2. 在豬手上揉上鹽, 黑胡椒粉和蒜蓉, 把豬手坐起身

    (小咪咪用蒸飯架支撑住豬手, 物盡其用)

3. 在豬手上淋上1罐啤酒

4. 放入已預熱180度嘅焗爐焗1小時 

    

(期間要小心唔好比豬手跌, 跌咗就要坐返起身, 和唔好比個盆底乾水, 如果開始乾可以在盆底加水)

5. 1小時後取出豬手, 淋半罐啤酒在豬手面, 返回爐焗再焗1小時

6. 取出豬手, 淋最後半罐啤酒在豬手面, 焗爐轉220度, 再入爐焗30分鐘

7. 焗爐轉250度, 焗15-30分鐘, 完成!

出爐啦! D聲已經好靚!

熱辣辣! 脆卜卜!

好好肉呀!

外皮香脆, 肉嫩多汁, 一D都唔乾!

配上新鮮肉汁醬, 正式原汁原味呀!

新鮮肉汁醬做法:

1. 把原盆德國咸豬手的肉汁或倒入適合明火爐頭嘅鍋, 放在明火上加熱.

2. 肉汁加熱後加生粉水煮至傑, 完成!

備注: 如焗完豬手的肉汁比較, 可加熱水入焗盆與肉汁混合使用

懶人超軟餐包 (附食譜)

為咗屋企人身健康, 小咪咪同其他blog友一樣成日自己整包包, 等佢哋唔洗食咁多化學品, 鹽和糖落肚. 但係囡囡就超喜歡餐廳超甜嘅空氣餐包配湯.

小咪咪為有整個一樣軟綿綿比平時甜D嘅餐包比佢嘆吓啦!

才料:

高筋粉 250克

低筋粉 25克

快速酵母 5克

糖 40克

鹽 1/2茶匙

蛋 1隻 53克

暖水 47毫升

牛奶 80毫升

牛油（室溫） 40克

蛋汁（掃麵團用） 少許

做法:

1. 把所有材料混合(除牛油)

2. 成面團後加入牛油

3. 搓至出薄膜, 滾圓, 待第一次發酵大兩倍

    (用水波爐發酵40度, 40分鐘)

4. 發大兩倍後, 取出面團排氣

5. 分成9份, 滾圓

6. 放入已掃油 (或放入牛油紙) 8吋盆 

7. 待第二次發酵 (水波爐發酵40度, 40分鐘)

8. 第二次發酵後, 掃上蛋汁

9. 放入已預熱170度爐, 焗15-20分鐘

10. 取出, 待3分鐘, 取出盆, 完成!

補寫11月老公生日蛋糕

寫咗咁多個生日蛋糕先發覺寫漏咗老公個蛋糕. 遲到好過無到, 即刻補返!

心心生日蛋糕

尼兩個月嘅生日蛋糕終於寫齊啦!

美國隊長生日蛋糕

開除夕BBQ Party之餘, 同一時間比個 surprise birthday part 朋友囡囡, 又一生日party.  朋友囡囡鍾意美國隊長, 咁就整個美國隊長蛋糕送比佢啦!

美國隊長蛋糕

2015年最後一個生日蛋糕

仔仔芒果生日蛋糕

轉吓眼又到仔仔生日! 仔仔真係大個仔囉, 問仔仔今年要咩生日蛋糕, 佢話要生果蛋糕, 諗咗一陣話要芒果蛋糕, 因為花園有棵芒果樹, 有幾個啱啱熟.  今次唔洗吱花吱到手軟!

仔仔芒果蛋糕

雖然唔洗吱花, 但係砌咁多片芒果, 都係砌到手仔軟! 

但係仔仔非常鍾意, 我都開心晒!

平安夜, 聖誕

一年一度細路最期待嘅時節又到啦! 有禮物收之餘又有得食大餐! 咩都唔洗理, 只係吃喝玩樂, 真開心! 而小咪咪就煮少幾餐, HEE HEE!

Party 開始啦!

 

屋企付近開咗間泰國餐廳, 平安夜去食返餐!

休息一晚後, 聖誕節啦!

收完禮物又去食大餐啦!

2015年 12月 忙忙忙 ~ 結婚週年紀念

2016年啦! 但係2015年嘅12月真係好忙! 

12月係我同老公結婚週年紀念, 聖誕節, 仔仔生日, 小咪咪生日,除夕, 加上今年囡囡升中, 有幾個面試. 真係忙到暈!

先講吓結婚週年, 今年小咪咪同老公結咗婚18年啦! 

仔囡都開始大啦! 時間正實我兩都一齊渡過好多高高低低. 

最緊要係幾高幾低都係一齊面對和分享!

同老公去咗尖沙咀London House食lunch慶祝!

tomato & egg bake

Feta cheese salad

fish and chips

steak

etom mess

mix berries crumble

Gordon Ramsay 係香港開咗London House已經幾個月, 終於可以一試, 下午唔算多人, 所以坐得好舒服, 食物質數真係唔錯!

係百忙之中都抽到日慶祝和輕鬆吓, 已經好開心!~