齊齊整~Pizza~

星期六, 飲完茶, 行完街, 仔仔囡囡話想食 pizza! 想食 pizza, no problem, 去買齊才料, 返屋企整 pizza.

 

整好麵團, 等麵團發酵. 仔仔囡囡切切切D料, 預備一陣放上面!

 

 

囡囡煮pizza醬

 

 

出爐啦! 食得啦!

 

 

仲有雞翼!

 

開大餐啦!

 

~ 人間有情 ~ + 出去打邊爐

昨日的任務係搵車軩車房

 

回港只幾個月, 仲有好多事和物和地點都未係好清楚!

 

昨日中午架車條車軩流氣, 要搵車房.  打咗幾個電話問吓D車房, 可以話好彩又可以話唔好彩, 因為打個幾間車房, 一間只係做大車, 唔做私家車, 一間已經轉咗做其他, 但係佢地好好人, 好落力咁幚我諗邊度有車軩車房最近我屋企, 話我知由我屋企去的路線, 邊條路會係最容易. 這個女仕仲係電話度一邊講, 一邊等我睇地圖搵, 直至我搵到為止!

 

我和老公一去到這條街, 真係有好多車軩車房, 師夫兩三下工夫就換晒D軩, 仲要比英國平呢!

 

所以話, 尼個人間真係好有情, 一個唔識又唔係面對面的人, 只係在電話的另一面, 都可以無條件, 有耐性地幚一個陌生人, 有時就係尼種間間單單的人情味, 真係令我感覺到四週都是愛! (可能我是容易滿足的人吧!)

 

真係充心的好多謝這位出手/口幚助的女仕!

 

架車和老公攪到我無時間買餸, 所以晚食出外解決!

 

 

老公問想食咩, 我話不如打邊爐, 天氣開始涼D, 打吓邊爐, 仔仔囡囡又食 (玩) 得開心. 

 

 

尼間酒樓的食物的選擇都幾多, 平日$118任食又無限時間, 都唔錯.  我哋個個都咁大食, 食咗好多肥牛, 羊 和其他肉, 如果自己屋企食, 買料都唔平啦! 食完又唔洗洗碗! HEE!

 

食飽飽, 返屋企睇電視, 真開心!   

 

 

薑蔥蒸咸雞

我買咗個多功能微波爐, 有得蒸, 焗和燒烤, 一個爐攪掂晒, 慳好多地方, 好方便!  最啱地方細細, 唔洗買咁多舊電器用品!

試過焗麵包, 燒雞翼都好掂! 蒸魚更是一流, 慳咗好多時間, 唔洗煲水和用大煲去蒸嘢!

今次第一次試吓用微波爐蒸一大隻雞, 開頭都有D擔心蒸出嚟效果會唔好, 但係唔試過又真係唔知個結果會係點, 所以我一定要試試, 如果效果好, 第時再蒸雞就方便囉.

蒸完結果出來效果一D都唔差, 好好呀!

才料: 雞, 薑片5片, 蔥段, 鹽, 古椒粉, 米酒

做法:

1. 洗雞, 抺乾水
2. 用古椒粉和鹽抺在雞內和外醃過夜
3. 沖洗雞外面, 抺乾
4. 把蔥段放在碟上備用
5. 放些少米酒在雞內和抺在雞外
6. 把薑片和蔥段放入雞內
7. 蒸至啱啱熟
8. 待涼, 切件, 完成

仔仔回家啦!

仔仔跟學校去旅行去咗5日, 昨晚回家啦!

仔仔剛開始新學校, 結識新朋友不足兩個月, 開學一個多月, 就要跟學校去了深圳一星期!

初初回港, 仔仔囡囡日日每一分每一秒都在我身邊. 到9月他們開始上學,  我日日都有返D私人空間和時間.  但係今次仔仔一去就去5日, 仲要唔係同我去, 係離開我, 同學校去大陸, 其實都真係有D掛心!  學校的活動, 通常都安全, 和安排周到, 所以如果仔仔囡囡想參加, 我係一定會比佢哋參加的! 

今次係去青年軍校, 啱晒仔仔玩!  在這5日, 好早就要起床, training 至晚上, 有上坦克車, 玩射擊, 功夫.

昨晚仔仔回來, 見佢滿臉笑容就知佢玩得好開心! 佢仲有帶返所有物品回來, 無唔見或留低嘢!  突然間, 覺得仔仔大個仔咗!

上咗中學, 真係大得好快! 睇住佢慢慢轉做半個成人, 再唔係我的Baby啦!

睇怕尼5日仔仔都會無担好食, 所以昨晚整咗餐豐富晚餐比佢嘆吓!

麵豉蒸魚, 魚片魚旦炒菜心, 黑椒牛仔骨, 薑蔥蒸咸雞, 清保涼湯!

碟碟大大碟, 都只係食剩幾件雞.  我尼家人真係超大食呀!

努力再開始寫

我寫尼個新Blog都真係要好努力, 才可以再寫落去!

見好多Blog友已經搬咗好一段時間, 但自己剛剛才開始, 已經失去了很多Blog友的connection! 我真的唔知從邊度入手! Import Yahoo D 舊 post, 次次都只係 (writing post), 睇住個download圈圈, 轉呀轉, 轉咗好耐, 終於停了, 入去看看, 咩都無呀! 次次都要好耐, 都係一場空! 試咗好幾次都係一樣, 有無人可以教吓路呀! PLEASE..... PLEASE..... PLEASE! 真係唔想失去D舊post!


在這個星期, 我好努力地找尋舊blog友, 終於比我搵到幾個, 希望其他blog友都會再搵到我啦!

有時都真係想放棄, 但係又有D唔捨得!

所以我會再努力D去寫!

肉醬伴蒸茄子

一條茄子, 加個肉醬汁就可以有一大碟餸菜!  唔洗10分鐘就有得食, 方便又易整!

老公每次見到, 這個餸都食得好開心架!

才料: 長茄子1條 切片, 肉碎, 芫茜, 蔥花, 蒜蓉, 生粉水
醬料: 喼料2tbsp, 蠔油1tsp, 豉油1tbsp, 糖2tsp, 胡椒粉少許, 辣椒少許, 水

做法:

1. 蒸熟茄子
2. 把肉碎加蒜蓉炒熟
3. 加入所有醬料
4. 加入生粉水
5. 加上芫茜, 蔥花

完成!

這個餸, 酸酸, 甜甜, 辣辣, 又易入口, 唔覺唔覺一件又一件, 就食晒囉!

新家 ~ 新開始

新生活, 新地方, 連Blog都要新!

搬人, 搬屋, 搬Blog, 真係搬到我傻! 原本以為搬回香港, 仔囡開學, 我就可以輕輕鬆鬆寫吓Blog, 點知, 要再寫都好多功課要做, 都唔知由邊度開始落手, 真係比阿虎玩死!

回港的生活真係好開心, 可以時常見到家人向朋友. 美食到處都係! 更少不了新鮮海鮮, 日日都有魚食, 蔬菜的選擇多攞攞!

仔仔囡囡已經有佢哋的新朋友, 返學返得好開心, 我見佢哋開心, 我都好放心!

仔仔開學一個多月, 下星期就要跟學校去旅行一個禮拜.  總是有一種怪怪的感覺!

 

 

香港10月陽光普照, 如在英國已經凍會已經好凍.  現正計劃下個活動, 我好想BBQ呀!  香港式BBQ, 好玩過英式好多呢. 

希望可以見返你哋啦!

新地址 ~ http://littlemimilandhk.blogspot.hk