焗新鮮火腿 Roast Gammon Hock

返回英國一星期, 忙到不得了,  第二日就個個都返工返學. 又要收拾所有行理, 囡囡一返嚟星期三又去咗三日宿營.  我要清行理, 又要再拾囡囡第二個行理, 真係好似搵我嚟玩咁.  我仲擔心佢去唔到, 因為好大雪呀! 雖然大雪, 佢哋一樣照去, 囡囡仲玩得好開心添!

終於到星期日啦! 全星期都係煮D簡簡單單的晚餐. 今日終於可以休息吓, 等老公出吓風頭 煮吓Sunday Roast, 煮返餐正嘢比我哋食啦!

焗新鮮火腿, 椰菜, 紅蘿蔔, parsnap, yorkshire pudding

兩件新鮮火腿啱啱焗好, 老公落足心機煮架! 星期六晚用電子瓦罉煮慢慢煮佢, 今日再用英式芥辣加蜜糖上面焗, 又鮮又香又甜, 好好味架!