青檸凍餅 Key Lime Pie (附食譜)

~青檸凍餅~ 酸酸甜甜凍餅, 有非常清新的感覺!

尼個凍餅唔洗煮, 唔洗焗, 只要有個雪櫃(人人都有)就整到!

簡單易做, 連小咪咪囡囡都可以做到!

餅底才料: 消化餅13塊, 溶牛油100g

餅底做法: 打碎餅, 加入溶牛油, 放入盆底, 壓實, 入雪櫃10分鐘

青檸凍餅才料: 煉奶一罐405g, 忌廉(double cream)300ml, 青檸5個

做法: 1. 青檸磨皮, 渣汁

2. 煉奶和忌廉混合

3. 加入青檸皮和汁

4. 拌匀至杰

5. 倒上餅底上

6. 放入雪櫃, 雪大約1-2小時

食得!

手打紅菜頭麵

星期日, 唔想食粥, 想食麵!

見田地仲有好多紅菜頭, 用佢嚟整麵, 幚D麵整色整水!

小咪咪好貪靚, 連D麵條都要靚靚架!
 

紅得好靚, 好滿意!

麵條已經整好!

加多碟新鮮油菜, 今日嘅時菜係紅菜頭葉.

洋蔥鮮茄燴吉列豬扒飯

好想食香口嘢, 好想食D脆卜卜嘅炸嘢!

諗吓諗吓, 突然間就諗起吉列豬扒, 諗到唔食唔得!

人又唔係香港, 無得話落樓下食咁方便. ~ 想食呀, 開工啦!

見仲有好多自種蕃茄, 一於用晒佢, 再加一大個洋蔥, 整一大煲汁!

小咪咪唔知落咗幾多蕃茄, 總之就好多啦! 連水都唔洗加, 個鮮茄汁好濃好鮮甜好好味呀!
而個飯又點可以白飯咁悶呀! 個飯都加咗蛋和粟米架!

主角當然係啱啱炸出, 脆卜卜嘅吉列豬扒啦!

家人食得都不知幾開心, 一陣間就成碟清晒. 

比咗一碟鄰居老人朋友, 連佢都一次過食晒一大碟!

小咪咪滿足晒所有人之餘, 也滿足晒自己嘅肚皮, 真開心!

豬柳捲 (附食譜)

清貨, 唔係超市, 係我個冰箱!

個冰箱常滿咗好耐, 我要清一清貨, 要多D空位比D蔬菜呀!

有條靚靚嘅豬柳 pork tenderloin (半價時買落), 一於清咗佢啦!

小咪咪將豬柳切開中間(唔好切串), 放入熟菠菜, 芝士(mozzarella), 再用煙肉(streaky bacon)包外面.

用錫紙捲起, 拎實頭和尾部份!

把豬柳放入已預熱180度的爐, 在爐內放入一盆熱水, 焗大約40分鐘!

在一個盆內取出錫紙, 留起汁, 備用!

燒熱平底鑊, 加油, 煎豬柳捲至金黃! (小心熱油, 彈到好痛架)

切件, 配上自己喜歡的蔬菜!

把留起的汁加適量的熱水, 加少許胡椒粉, 鹽調味, 再加生粉水拌至杰!

把汁淋上面, 完成!
小咪咪小提示: -
~小咪咪放一盆熱水入焗爐, 咁樣就會製造出半焗半蒸的環境, 焗出嚟D肉好嫩架!~

釀大蘑菇 (附食譜)

釀大蘑菇係簡單又好味的前菜!


才料: 大蘑菇, 煙肉粒, parsley (鬼佬芫茜),

當然唔少得Brie (芝士)

做法:
1. 在蘑菇外掃油, 煎熟煙肉粒, 放入蘑菇內 

2. 加上parsley

3. 加上Brie芝士, 放入已預熱180度的爐, 焗大約15分鐘或至蘑菇熟, 便成!

味清肉厚的大蘑菇配味濃的煙肉, 再加上滑的Brie, 係好好嘅配搭呀!

朱古力包, 腸仔包, 火腿包

整D包包比仔仔囡囡放學做小食!

仔仔係食肉獸, 整D腸仔包, 火腿包啱晒佢!

囡囡係女仔, 緊係鐘意朱古力啦!

樣樣整D, 包無投訴!

腸仔包

朱古力包

火腿包

我都想食個包, 食邊個好尼??

怪瓜真相現身

記唔記得尼隻怪瓜呀! 尼隻係奶油瓜, 魚翅瓜, 脆肉瓜嘅混合瓜!

同個怪瓜開切啦! 要睇吓佢個真面目先得!

露出真相啦!

奶油瓜入面係深橙色(下圖), 怪瓜入面係淺黃色(上圖) 

奶油瓜皮係淺橙色, 怪瓜皮係深綠色, 同脆肉瓜, 魚翅瓜嘅色一樣! 

瓜入面的生長形態同奶油瓜一樣!

清蒸咗幾件嚟試吓怪瓜嘅真味道!

味道係點????

味道帶有奶油瓜的甜味, 但係無咁濃, 又有魚翅瓜的清味(小小似青瓜味). 

個怪瓜的味係有新鮮的青瓜味又甜甜地!

而質地就好得意, 真係全混合! 有少少魚翅絲, 但係又少少爽爽地似脆肉瓜, 也帶有少少綿綿地但係食落又唔覺得漏嘅奶油瓜!

晚餐就整咗個怪瓜煮粉絲嚟試瓜!

試驗品出場啦!  真係出乎意料之外, 唔錯, 唔錯!  D瓜甜甜地仔仔囡囡好鐘意!

尼個怪瓜我留起咗種子, 睇吓出年種唔種得出!