今日同阿哥兩公婆飲茶, 順便比盆蘿蔔糕佢哋, 今次回港第一次唔係一大班人飲茶, 只係我哋同佢哋飲茶, 簡單輕鬆得多, 仔仔囡囡又鐘意佢哋, 所以氣芬好happy!
叫咗好多野食! 食過唔停! 飲完茶, 行吓街, 好多年無同阿哥行街, 今次又大又細咁多人各有各喜好, 但係都行得好開心! 最後兵分兩路, 我哋就開始同仔仔囡囡搵新書包買!
囡囡書包
仔仔書包
買完書包, 都已經4點半, 順便去街市買餸, 老公見到佢最鍾意的黃立倉, 好新鮮, 尼條魚老公揀架! 有囡囡最鍾意的豆苗, 依家見有好多西洋菜賣, 就買嚟煲個快靚正湯.
記得雪櫃有件雞扒, 有兩粒已粒已經浸淋咗(整蘿蔔糕浸多咗)! 哈哈! 北茹蒸雞有齊才料!
返到屋企要快快手手煮飯, 簡簡單單今晚晚餐: -
北茹蒸雞
火腿炒蛋
蒸黃立倉
蒜蓉炒豆苗
西洋菜南棗南仁北杏煲瘦
4餸1湯, D大食怪, 將所有餸菜都食晒, 真係煮多多都唔夠呀!
No comments:
Post a Comment