老公生日三重奏 之 ~第一奏~

今年老公生日就好玩啦! 玩足3日呀!

第1日, 星期六, 我哋去咗大埔海濱公園!

由火車站行去, 慢慢地在公園散吓步,  天氣好好, 唔太晒又有風, 四週遊行吓, 行得好舒服. 個公園都好大, 有新人在公園進行婚禮, 有好多人放風爭, 當然有好多人踩單車, 仔仔囡囡都想租單車踩吓, 但係今次食完午餐先出發, 唔夠時間租單車踩, 所以尼個踩單車節目要留返吓次啦!

行完公園沿着河邊行回火車站, 搭車返去媽咪屋企, 放低仔囡, 扮吓靚靚, 自己同老公出去二人世界!

去咗扒王之王, 撐吓枱腳!

我的前菜, 冰蘋果豬頸肉沙律

 

老公前菜, 鵝肝沙律 

 

老公牛扒

我的牛扒

仲有焦糖布丁甜品, 再加上一支紅酒. 老公當然好滿足啦!

食完晚餐, 再沿着河邊, 慢慢散步去酒店的酒吧, 坐吓. 過吓二人世界! 飲完嘢返去媽咪屋企, 過夜!

第一奏完!