蝦心魚蛋

仔仔囡囡終於返返學啦!

小咪咪終於可以有返D私人空間啦! 人都精神D!

有返多D時間又可以係厨房攪吓小動咗!

講吓講吓晚飯時間又到!

小咪咪今次係魚蛋中間加咗粒蝦蝦, 粒魚蛋當堂升咗級!

蝦心魚蛋, 手快有手慢無呀!

外表平平無奇, 內裡好有心架!

家人對尼碟蝦心魚蛋好滿意呀!

南瓜批 (附食譜)

個南瓜咁大個, 整完湯, 仲可以整吓南瓜批!

才料: 甜牛油皮, 南瓜肉(大約)375g, 細沙糖(caster sugar) 70g, 蛋1隻, 橄欖油1tbsp, 鮮奶87ml,
香料 «鹽, 肉荳蔻(nutmeg), 肉桂粉(cinnamon), 薑粉(ground ginger)» 各少許 (個人口味加減)
做法:

1.預熱爐180度, 焗牛油皮加豆焗15分, 取去豆再焗15分鐘, 備用

2. 南瓜肉蒸熟, 壓做南瓜蓉, 待涼

3. 把其他才料混合, 加入南瓜蓉拌匀

4. 把南瓜料加入牛油皮

5. 入已預熱220度爐15分鐘, 轉180度再焗大約30分鐘

6. 待涼, 便成!

一個南瓜可以有幾種不同的食法, 今次南瓜批, 完成!

南瓜湯

萬聖節完咗, 可以食南瓜啦!

一大個南瓜最好一次過整一大煲湯, 夠晒完汁完味!

仔仔幚手切南瓜粒, 囡囡幚手切洋蔥粒!

冰箱常有私房湯底存貨, 才料齊全, 南瓜湯話咁快就整好!

天氣凍凍地, 飲碗新鮮熱辣辣, 甜甜地嘅南瓜湯加上新鮮出爐的包包, 令全身暖粒粒!

整鬼扮怪萬聖節

一年一度的萬聖節又到啦!

係細路仔最開心的時刻, 個個都扮鬼扮馬!

而仔仔囡囡都好忙架, 要雕南瓜, 整蛋糕, 扮鬼怪, 四出敲門攞糖!

好好氣氛架!

仔仔囡囡年年都扮鬼怪同朋友仔一齊出動敲門攞糖(trick or treat), 而大人就隨後跟住, 睇住佢哋嘅瘋狂表演, 佢哋好開心架, 間間屋去敲吓門. 有D大人都好溶入氣氛, 扮鬼扮馬開門會嚇吓D小朋友先, 而有D屋都有好多不同的裝飾!

早上食完早餐就已經要開工啦! 尼個南瓜樣係仔仔囡囡的設計!

我幚手雕, 佢哋幚手切皮切肉, 就快有南瓜批食啦!

分工合作的製成品, 完成啦!

點上蠟燭, 大功告成!

小咪咪整咁多蛋糕, 尼個都真係最樣衰嘅一個!

仔仔囡囡整得佢越樣衰就越開心, 正正式式好樣衰嘅蛋糕呀!

攪咗一日, 終於等到天黑啦! 裝好晒身, 出得發 trick or treat!
今年唔好彩, 出門一陣就開始落雨, 仲越落越大! 對小朋友當然無影响啦, 不論風吹雨打, 只要有得玩, 全部都唔係問提, 不過有大人睇住, 今次trick or treat 都要提早玩完啦! 雖然提早返屋企, 都有玩咗成個鐘呀!

好緊張呀! 好緊張呀! 要驗查收獲呀!

但係尼個完全唔講道理嘅媽咪, 竟然要D又濕又凍嘅鬼怪, 沖咗涼先准驗查收獲!

係尼個特殊嘅情況吓, 兩隻鬼怪嘅行動超快, 比平時快咗起碼一倍, 好快就乾乾淨淨, 走返落嚟!

終於可以睇吓食邊樣先啦! 今次比住年宿短咗一半行程, 但係收獲都唔錯呀!

椰汁西米糕

小咪咪想食西米, 但係又唔想食椰汁西米露, 於是就攪攪新意思!

攪咗個綠色椰汁西米糕出嚟啦!

綠綠地, 都幾特別架!

尼個新創意, 昨晚整, 要等到今朝, 先知成唔成功!

出到模呀! 成功咗一半!

好開心呀! 切咗一片片, 好靚仔呀!

一粒粒滑滑的西米, 加上椰香味, 味道好清甜!

仔仔囡囡食過唔停得口!

鼓油王炒手打全蛋麵

鼓油王炒麵, 加上小咪咪自己整嘅全蛋麵, 家人好鐘意呀!

炒麵用咗蛋絲, 椰菜絲, 紅蘿蔔絲, 肉絲和芽菜一切炒!

食時加D辣椒醬, 更加惹味!

新鮮打出的全蛋麵!
 份量啱啱好, 夠晒我哋一家四口!

炒雜菜粒粒

~私房菜~ D蔬菜完部都係自家種 (除蘑菇外)!

有怪瓜, 紅蘿蔔, romanesco(唔知中文名呀)

清炒蒜蓉, 非常鮮甜!

紅紅, 綠綠, 黃黃, 好多色彩!

樣樣切粒, 炒起都好大碟!

尼個蔬菜就係 Romanesco, 青綠色, 一個個金塔仔, 好靚架!

今年Romanesco 生長得好慢, 依家先有收成!