吞拿魚焗意粉+蒜蓉芝士波波 (Tuna pasta bake + cheesy dough balls)

這個星期食好多魚呀! 今餐係吞拿魚焗意粉配蒜蓉芝士波波!

今個星期已經食咗蒜蓉包, 所以轉吓口味, 蒜蓉芝士波波!

才料: 通粉, 一個洋蔥切粒, 蒜蓉, 2罐蕃茄粒, 粟米粒, 脆肉瓜粒, 黑胡椒粉, mix香草, 2罐吞拿魚, 芝士

做法: 1. 煮通粉(不要太熟)



2. 把洋蔥煮軟加蒜蓉, 加蕃茄粒煮滾, 加粟米粒和脆肉瓜, 轉慢火, 加黑胡椒粉和mix香草, 煮10分鐘, 離火加吞拿魚, 攪匀待用 




3. 把通粉隔去水份加入(2)攪匀



4. 加些少芝士上面, 放入已預熱180度的爐, 焗至金黃



完成!



加個新鮮出爐的芝士波波

淋上混合咗的牛油, Parsley, 蒜蓉, 辣椒碎, 少許鹽上面

這個蒜蓉芝士波波完成啦!

雞柳炒麵+蛋餅

今晚簡簡單單有咩就食咩! 要清雪櫃啦!

仲有2件雞扒, 將佢切條, 醃吓佢.

仲有包芽菜未用, 有半個紅椒, 加D蛋絲, 蔥段, 夠晒料炒麵比一家大細食.

不過好似閒咗D, 只係得炒麵, 所以加多個台式蛋餅.





台式蛋餅, 仔仔囡囡好鐘意, 味道非常清.

可能因為小咪咪的飲食, 樣樣都盡量小鹽, 小糖. 

我和老公只係食咗幾件, 仔仔囡囡將全部掃清!

佢哋的食量, 真經人!

 

鮮奶餐包 (附食譜)

今日又試吓包包新配方, 要試一試睇吓夠唔夠軟熟!

平時小咪咪好鐘意用湯種, 湯種係我信心的保証, 次次都一定軟綿綿!

但係有時都懶懶的我, 都想貪吓懶, 見這個直接法, 好似幾好, 一於試吓佢!

結果 ~~ 十分滿足呀! 非常之軟!

睇吓幾軟綿綿呢~~~~



這個配方小咪咪有減小糖和鹽份, 可跟自己口味加份量.

材料: 鮮奶225ml, 蛋(攪匀)2隻, 橄欖油3tbsp, 糖0.85tbsp, 鹽1/3tsp, 高筋麵粉450g, 依士2.5tsp



做法:

1. 把所有材料放入麵包機入, 按dough
2. 發酵完成, 取出麵團, 分成12份
3. 滾成球形, 再次發酵
4. 發酵完成, 掃上蛋汁
5. 放入已預熱180度爐, 烘大約15-20分鐘

完成!

魚肉蟹柳批

近排常常想食魚, 今次做返個西式, 唔洗老公日日食中式魚!

才料: 薯仔, 魚(咩魚都得), 蟹柳粒, 紅蘿蔔粒, 粟米粒, 鮮奶, 麵粉, 黑胡椒粒(大約10粒), 牛油, parsley切碎, 芝士

做法: 1. 煲薯仔做薯蓉, 薯仔熟後隔去水,加牛油壓成薯蓉, 備用


2. 把魚,黑胡椒粒放入鮮奶內中慢火熟


3. 把熟魚和黑胡椒粒取出, 魚分件備用,


4. 用煮魚的鮮奶加入粟米粒和紅蘿蔔粒煮3分鐘



5. 把魚件, 蟹柳粒, parsley 加入鮮奶, 加少許鹽, 胡椒粉調味

6. 用另一個碗用少許鮮奶和麵粉做成糊


7. 把(6)加入(5), 攪至杰, 放入焗盆


8. 加上薯蓉


9. 再加上少許芝士上面


10. 放入已預熱180度的烘爐, 焗至金黃, 完成

味道非常鮮甜, 好健康的菜式

蒸雙色蛋

蒸滑滑雙色蛋, 唔係三色, 因為無皮蛋, 所以只得雙色!

用自製咸雞蛋+雞蛋, 好滑呀!

仔仔囡囡次次見到都發晒狂, 因為佢哋好鐘意滑流流的蒸蛋.

我和老公真係要手快才有得食!

才料:2隻咸雞蛋, 2隻蛋, 水(同蛋份量一樣), 油少許

做法:
我諗你識蒸水蛋啦!
壓難咸雞黃, 把所有才料攪匀, 蒸!
蒸的時候, 唔好過熱呀!

 

這碟餸雖然好簡單, 但係好搶手!

港式西多士

回味吓, 傳統的港式@3點3下午茶小食西多士!

唔係現代式的西多士中間有餡, 花生醬, 火腿, 芝士!

小咪咪記得細個時食的法蘭西多士, 係一片厚厚的麵包, 炸至金黃, 熱熱的西多加牛油和多多的糖醬上面. 

這是小咪咪最喜歡的港式法蘭西多士!

有時簡單才能保全原味和風味, 加得太多附加才料反而破壞原本風味! 

才料: 一片厚麵包, 雞蛋1隻, 奶少許, 牛油, 糖醬

做法: 

1. 麵包去皮
2. 雞蛋和奶攪匀
3. 把麵包放入雞汁
4. 把(3)放入熱油, 煎炸至金黃
5. 放入碟, 加上牛油, 糖醬 
完成

這就是傳統港式法蘭西多士 Enjoy!

 

椰子雪耳煲雞湯

星期六在Tesco見到D椰子69p一個, 就諗到煲雞.

買夠兩個加重料.

星期日開椰子, 連椰子水都留起, 起定椰子肉, 不過已經食咗幾件.

今日煲得啦!

才料: 雞一隻, 椰子兩個, 雪耳, 蜜棗2粒

這個湯非常清潤, 有陣陣的椰香味, 雪耳潤燥, 椰子潤肺止咳, 雞肉暖胃補身.

仔仔囡囡非常鍾意, 大大碗都飲晒!