鮮茄肉片飯

家人食椰菜花的日子已經過去啦!

依家開始以蕃茄為主, 自種的蕃茄終於開始轉紅, 可以食啦!

見有咁多蕃茄又有盒牛肉, 鮮茄肉片最好不過!

這碟飯看來沒有甚麼特別, 其實這碟飯所用的蔬菜, 全部都係私房菜呀!

新鮮的蕃茄煮牛肉, 簡單又惹味!

開始有蕃茄食啦, 可以同椰菜花講 Bye Bye!

中西日合拼

昨晚, 星期五, 又係清吓雪櫃日! 晚餐, 樣樣有D!

老公一早就話要食小咪咪的 ~特式煙三文魚配香草包~

~特式煙三文魚~我用豉油, 橄欖油, 麻油, 青寧汁, 糖, 蔥絲, 芫茜, 芝麻醃煙三文魚至少30分鐘

把香草包焗好後, 放上特式煙三文魚! 

這個就是西式的 ~特式煙三文魚配香草包~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

仲有一小件豬肉, 又唔夠整一碟餸, 點算好啦???

見到個雪櫃仲有盒小咪咪自製的雪菜都未用, 一於整個雪菜肉絲汁, 諗住放入冰箱等下次用, 點知比老公見到!



老公: 好香喎, 不如用嚟整麵食

小咪咪: 好啦, 整雪菜肉絲炆米啦!

老公: 好呀! 好呀! 我去攞米粉! (真係比佢笑死, 佢去搵即食米粉)

小咪咪: 艾呀! 唔係尼D呀! 行開, 等我嚟啦!

中式的雪菜肉絲炆米, 就係咁樣出現咗啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

早上摘咗兩個青瓜, 見佢咁新鮮, 我唔忍得呀, 一定要食咗佢!

用嚟整日式醃青瓜做配菜, 簡直係一流呀!

就是這種, 中西日合拼晚餐就出現咗啦!

魚翅瓜湯

開咗一個魚翅瓜都未食晒,  已經整咗羹, 配咗炆蘿蔔, 今次用嚟滾吓湯啦!

簡簡單單, 加咗紅蘿蔔, 而且有加肉片架, 唔係牛牛湯!  

魚翅瓜的質地非常特別, 一條條真係好似魚翅, 而味道清又帶有青瓜味, 我哋一家都好鐘意!

囡囡半玩半食, 好鐘意個瓜, 總之有得玩又有得食, 何樂而不為!

蘿蔔炇冬菇 + 雜菜炒米粉

好又一餐, 唔好又一餐, 做吓牛牛又一餐!

仲有好多蘿蔔, 用嚟同D冬菇一齊炆, 效果 ~ 非常入味 ~

一大碟蘿蔔炆冬菇, 人人有份, 唔洗爭!




炒一大碟雜菜加蛋絲的米粉, 食時加D辣椒醬, 更加惹味!

種植最大得益, 就係有得食, 種得多, 食得多! 

家人已經做咗牛牛好多餐, 小咪咪竟然無接到什何投訴!

由始可知, 只要多變化, 食肉獸都可變牛牛!

焗釀瓜(附食譜) Stuffed Marrow 配芝士蘑菇意粉

英式冬瓜 (marrow) 都可以有好多唔同的食法, 除咗滾吓湯, 炒吓餸, 用嚟釀, 又係另一個食法! 

Marrow 的味道比較清,  我喜歡用牛肉來釀.  牛肉味濃, 冬瓜味清, 一濃一清, 把兩樣混合起來, 味道中和了, 使這個釀冬瓜味道非常鮮甜!

自家種marrow 比較大隻, 只要用半隻, 就夠晒全家食!

再配芝士蘑菇意粉, 有肉, 有菜, 有意粉, 完美的配搭!

才料簡單, 做法容易! 當我有瓜瓜的時候, 好鐘意釀吓個瓜, 晚餐就好快有得食!



釀瓜的才料有: 碎牛肉, 麵包糠, 洋蔥, 蒜蓉, 紅蘿蔔, 蘑菇

把以上才料(除牛肉, 麵包糠外)用中火煮熟和軟, 待涼後加入牛肉和麵包糠

用豉油, 糖, 黑胡椒粉, 混合香草, 把所有釀瓜才料拌匀, 醃15分鐘




把瓜切開一半, 掘出中間的種子, 釀入釀瓜才料, 加芝士上面

入已預熱180度的爐, 大約45分鐘

切件, 便成! 



冬瓜吸收了肉汁, 味道更甜.  肉吸收了瓜汁, 令肉質嫩滑多汁!

瓜豆成熟時

在8月頭掘出一大批紅蘿蔔要全部棄置哂, 因為被害蟲入侵了, 小咪咪真係有D心痛! 

而這批紅蘿蔔小咪咪係用不同的種和在加高咗的地點種的, 結果好理想呀!  

種植有時都好有挑戰性架, 因為每年的天氣不同(特別在這邊), 有失敗也有成功!  同一種的植物, 一批令我失落, 一批令我歡笑大喜!

種植, 真係學無止竟啊!

今次D紅蘿蔔好靚仔, 直頭可以話係完美, 一D問題都無!

剛剛拔出, 睇落應該無問題!



快快手手同佢哋沖吓涼, 驗查吓, 完美呀!

摘咗D豆 (Runner Beans), 上磅睇吓有幾重. 這批有1kg 120g呀! 有排食啦!
 


這兩個係類似冬瓜的瓜, 叫 Marrow. 有仔仔隻手加手臂咁長呀!

家庭樂火雞漢堡包

這是一個, 用咗好多對手而製成的漢堡包! (個個都有洗手架)

自家製, 變化多, 唔洗成日食牛肉漢堡咁閒, 今次用火雞肉! 

火雞肉本身肉質好瘦, 所以好少肥油, 健康D, 所以D味道都好清架!




這一餐每人也有任務在身!

小咪咪負責整包包!

囡囡, 老公整火雞漢堡!

老公整新鮮薯條!

仔仔的責任最大, 就係食呀!
 

落手啦!

好認真架! 大厨, 二厨 一齊整!

大手, 細手都整得似模似樣架! 成形啦~

 

這個充滿如樂過程的火雞漢堡包餐完成後, 仔仔終於可以開始佢的任務啦!