中西日合拼

昨晚, 星期五, 又係清吓雪櫃日! 晚餐, 樣樣有D!

老公一早就話要食小咪咪的 ~特式煙三文魚配香草包~

~特式煙三文魚~我用豉油, 橄欖油, 麻油, 青寧汁, 糖, 蔥絲, 芫茜, 芝麻醃煙三文魚至少30分鐘

把香草包焗好後, 放上特式煙三文魚! 

這個就是西式的 ~特式煙三文魚配香草包~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

仲有一小件豬肉, 又唔夠整一碟餸, 點算好啦???

見到個雪櫃仲有盒小咪咪自製的雪菜都未用, 一於整個雪菜肉絲汁, 諗住放入冰箱等下次用, 點知比老公見到!



老公: 好香喎, 不如用嚟整麵食

小咪咪: 好啦, 整雪菜肉絲炆米啦!

老公: 好呀! 好呀! 我去攞米粉! (真係比佢笑死, 佢去搵即食米粉)

小咪咪: 艾呀! 唔係尼D呀! 行開, 等我嚟啦!

中式的雪菜肉絲炆米, 就係咁樣出現咗啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

早上摘咗兩個青瓜, 見佢咁新鮮, 我唔忍得呀, 一定要食咗佢!

用嚟整日式醃青瓜做配菜, 簡直係一流呀!

就是這種, 中西日合拼晚餐就出現咗啦!