自製全蛋麵+炆冬菇+雲吞

天氣唔好, 同仔仔,囡囡做麵消磨吓時間, 又有得食. 而且仲有波菜剩, 用嚟做伴菜至適合.  炆D冬菇個個都鐘意, 仲有D自製雲吞係一於用咗佢, 加多幾粒丸夠哂蓋豐富!

材料: 高筋粉300克, 雞蛋2隻, 鹽3克, 水18ml, 油15克

把所有材料攪成麵圈, 包好, 等麵圈鬆弛幾小時, 便可用壓麵機, 壓至滑, 再壓至自己喜歡的副厚薄, 完成!

4月落雪

本來4月已是春天, 但係點解會落雪. 又濕又凍又大風又大雪. 真係不好受.  這個冬天實在太長啦!  
小朋友已經開始咗兩星期的復活節假, 又要諗吓點樣來係屋企娛樂佢哋.   幸好, 昨日已經去咗我的田莊遮蓋幼苗, 希望小幼苗能渡過這幾天.

麵包機之方包

 

英國的母親節是在三月. 仔仔,囡囡送咗個麵飽機比我, 我好鍾意呢個新玩具, 終於比我試到好的方飽(土司)食譜啦!

質感都唔錯嫁!

出爐啦!

波菜蘑菇千層意粉, 蒜蓉波飽

終於諗到點用D波菜啦! 仔仔囡囡幫手做得好開心, 仔仔做芝士白汁, 囡囡放千層意粉. 當然佢哋最鍾意係, 做完可以舐粘滿芝士白汁的匙羹  

才料: 波菜, 蘑菇, 蒜蓉, 洋蔥

煮好放第一層



加千層意粉片



加芝士白汁再加千層意粉片, 重復多次



放入烘爐180度, 30分鐘至金黃. 完成!




蒜蓉波, 中間放咗芝士, 好以蒜蓉飽, 但係香好多, 仔仔食到唔停口.

波菜有收成

好多波菜呀!  開始有收成真開心!  有1大盆菜, 要諗吓點食!



由土地生長, 直至到我厨方, 就快到我個肚

芒果布丁 (附食譜)

還有1 個芒果剰, 芒果布丁會大受歡迎, 一於做一芒果布丁啦!  平時做芒果布丁唔會量份量, 今次寫低份量同大家分享吓!

這是12小杯的份量. 材料: 蛋黃2個, 鮮奶200ml, 芒果汁570ml, 淡奶370ml, 魚膠粉23g, 芒果粒1個




做法:

1. 蛋黃加鮮奶慢火煮暖-備用
2. 用200ml 芒果汁入微波爐 2分鐘, 加魚膠粉不停攪, 再入微波爐1 分鐘攪至溶.
3. 把剩下的芒果汁加入(2) 不停攪
4. 再加入淡奶和 (1)
5. 放芒果粒入杯加 (4), 完成!

簡易芒果糥米滋 (附食譜)

 

這個做法不用蒸, 用微波爐就得, 好方便!

上星期買咗兩個生芒果, 終於用得啦!  仔仔 囡囡好鐘意芒果, 一於做芒果糥米滋啦!





才料: 芒果1個

, 糯米粉150g

, 芒果汁250ml

, 糖50g,

椰絲小許

做法:

1. 芒果切粒備用


2. 芒果汁加糖攪溶


3. 繼小繼小把糯米粉加入芒果汁,
   攪到無粒


4. 包保鮮紙, 入微波爐叮4分鐘


5. 待涼


6. 取出小許糯米糕搓圓, 再按平放入芒果粒, 收口搓圓


7. 糯米糕撈上椰絲, 完成