今次老公爸爸都真係好好彩, 只係非常輕微中風, 影響咗少少視力, 其他一齊正常, 仲好精神, 同平時一樣好風趣, 真係可以話係不幸中之大幸.
最好笑係, 佢第一時間就問醫生, 佢幾時可以開工! 啱啱中咗風, 就掛住做野, 醫生話要休息幾個月, 尼個答案, 令佢唔開心多過中風呀!
希望老公爸爸多D休息, 可以快D復完啦!
日頭探完老公爸爸, 夜晚陣有人看仔仔囡囡, 我同老公去出過二人世界, 去咗La Passione食意大利菜.
我的前菜 ~ 蘑茹釀pate, 非常之美味!
老公前菜 ~ 辣椒蕃茄煮大蝦, 酸酸辣辣, 好有鮮茄味, 蝦煮得啱啱好!
我的主菜 ~ 牛仔肉配意粉, 牛仔肉好嫩滑, 有三大件, 食到好飽飽!
我哋無食甜品, 實在太飽啦! 叫咗兩杯靚咖啡, 慢慢品嘗!
一個美麗的晚上又完結, 又要回奶奶家過一晚夜, 星期日可以回家啦!
No comments:
Post a Comment