小咪咪為咗D想試吓整油炸鬼的blog友, 小咪咪再做多次啦!
我要多謝仔仔今次幚手做攝影師! 兩隻手做野, 要第三隻手幚幚手! 幚完手, 佢又幚口!
希望你哋都鍾意小咪咪我攪攪震油炸鬼和成功啦!
其實好易整, 但小咪咪無用臭粉, 所以都會有同街上買的有D分別, 所以即食最好!
才料: 高筋麵粉310g, 水190g, 依士5g, 泡打粉5g, 梳打粉5g, 鹽4g
做法: 1. 把所有才料混合, 用保鮮紙包好, 待30分鐘
2. 30分鐘後, 把麵團推開, 收回中間, (順時針方向重復十次)
3. 用保鮮紙包好, 放入雪櫃至少8小時, 最好過夜!
4. 壓成長方形, 大約1個銀仔的厚度
5. 切兩條完寬度一樣的麵條
6. 將一片麵條放在另一條上面, 用刀背壓中間
7. 用手拉一拉長, 按一按頭尾
8. 放入熱油炸, 要不停轉動油炸鬼
9. 放在架上, 如果忍到口就等涼小小食! 小心熱呀!自製的好處係無什質, 形收狀大小自己控制!
我係用炸鍋, 所以整得短D, 可以入我的炸鍋. 不過一定要夠寬!
食唔晒用焗爐, 焗返脆都得!
Friday, 20 July 2012
油炸鬼 (附食譜)
Thursday, 19 July 2012
簡易雲石蛋糕(附食譜) Marble Cake
今次整雲石蛋糕, 懶懶的小咪咪, 又用懶懶的方法, 幾分鐘就可以焗!好方便嫁! 做出嚟的蛋糕非常軟綿綿, 一D都唔硬嫁!
蛋糕才料: 自發粉225g, 糖225g, 牛油225g, 蛋4隻, 鮮奶4tbsp, 雲尼拿油1tsp, 可可粉2tbsp
朱古力面才料: 朱古力55g, 牛油7g, 白朱古力55g, 牛油7g
做法: 1. 把所有蛋糕才料(除可可粉外)放入食物攪拌器, 攪至滑 (無粒粒)
(當然可以用基本的整蛋糕方法用手攪啦!)
2. 把蛋糕漿分成兩份, 一份加入可可粉, 混合
3. 焗盆放牛油紙, 掃油, 放入蛋糕漿,間住顏色放入
4. 用竹籤在蛋漿攪幾轉 (令蛋糕有雲石效果)
5. 入已預熱180度的爐, 焗45-55分鐘
6. 放在架上待涼
7. 分別溶朱古力(白朱古力)和牛油
8. 蛋糕完全涼後, 間住加上溶(啡,白)朱古力, 佈滿蛋糕面, 待朱古力變硬, 便成!
好綿好香的雲石蛋糕, 好受歡迎!
Wednesday, 18 July 2012
瘦肉波菜咸蛋湯
昨晚仲有個湯嫁, 好多新鮮波菜, 當然要用啦!
細時唔係咁鐘意食波菜, 因為會令到條脷痛. 但係依家自己種的波菜又唔會喎, 所以好鬼鐘意啦!
又係打斧頭的時候, 有自種波菜, 自製咸蛋, 瘦肉, 紅蘿蔔, 一片薑. 簡簡單單個湯甜到不得了!
將相唔係沙龍相, 只係碗湯好熱, 攪到白茫茫! 
Tuesday, 17 July 2012
(蒜)心絲絲, 韭菜蝦仁炒蛋, 釀青瓜
今餐係好平的晚餐, 因為好多才料都唔洗買呀! 又可以打吓斧頭, HEE HEE!
(蒜心絲絲), 用自種的蒜蓉, 蒜心, 薯仔絲, 再加紅蘿蔔絲, 西芹絲, 牙菜用蠔油炒
韭菜(自種)蝦仁炒滑蛋
仲有D免治豬肉剩, 用嚟釀青瓜, 蒸完留起D汁, 加生粉水淋返上面便成!
簡簡單單又多自種菜, 今餐好滿足呀!
Monday, 16 July 2012
又有小小收成
今日全日無落雨呀! 陣唔落雨做得幾多得幾多!
成日落雨D野草, 野花生得快過D蔬菜! 今日剪草, 收邊, 去除不請自來的野花花, 做死我啦!
雖然辛苦, 但最後又有小小收獲, 又令小咪咪開心噃!
D薯仔種種掘棵, 睇吓用得未! 三種唔同品種的薯仔!
第一種係rocket, 做沙律, 煮餸一流!
第二種係Edzell Blue, D皮紫色好靚嫁!
第三種係Maris Piper, 焗或薯條最正!
連根拔起的波菜
又有好多自家菜食啦!
生菜肉丸粥+私家波菜+自製油炸鬼
又到星期日, 又係食粥日!
睇怕我個身軀已經習慣咗星期日食粥, 唔食過粥唔安樂?!? 
今晚豐富囉! 今朝已經好想食油炸鬼, 身在英國, 想食油炸鬼都唔易嫁! 係香港落樓下就有得買, 你話幾好呢! 為有自己郁手整啦, 好彩整油炸鬼, 都好易, 早上整麵團, 晚上炸就食得!
今日全日無落雨呀! 
所以在田地做足一日, 摘咗D新一批的波菜, 自耕地的事另一post再講! 見噤新鮮當然要第一時間食D啦!
我都知噤多嘢一個人食係好為食! 但係我真係無法say no 呀!係肉丸粥加咗油炸鬼更有風味!
啱啱炸出的油炸鬼, D麵團都未用晒, 聽日炸晒佢
啱啱連根拔起的波菜, 幾小時後已經可以落肚
只係加D蠔油和小咪咪的辣椒醬, 就已經好美味!
今晚食得好滿足, 攪大咗個肚噤! 
Sunday, 15 July 2012
鮮奶芝士餐包+朱古力包
昨晚整定D餐包, 用嚟今日做午餐! 用咗4份麵團, 整咗4個朱古力包比仔仔囡囡做早餐!
新鮮出爐的~8個餐包, 4個朱古力包, 應該夠食啊!
熱軟綿綿, 好香呀!
睇怕好有內餡的4個包包, 唔會存在得好耐!
艾呀! 有內餡的包包已比囡囡發現, 好快咁開始消失啦!
Subscribe to:
Posts (Atom)