仔仔煮晚餐 ~ Spaghetti Carbonara + 蒜蓉芝士波

星期五晚, 我唔洗煮飯, 因為仔仔煮比我哋食!

仔仔自己一手一腳煮咗尼個美麗的晚餐!

 

仔仔親手整嘅蒜蓉芝士波

製成品!

煮意粉

Spaghetti Carbonara 

我只係在旁指導, 仔仔要洗返煮晚餐的用具! 要佢洗碗, 佢唔多滿意, 但係要佢知道洗乾淨D碗碟用具, 都係煮飯的重要一部份!

仔仔煮得都真係好好味呀!

薯仔芝士波波 (附食譜)

薯條~成日都食, 薯角~好多時都會整嚟食! 變一變, 整薯仔芝士波波!

估唔到仔仔囡囡會瘋狂大食, 整咗一大碟, 一陣間又無晒, 好似好耐無比嘢佢哋食咁!

薯仔芝士波波好易整, 不過要花D心機和時間, 要一粒一粒咁整出嚟!

才料: 薯仔, 芝士, 雞蛋, 麵包糠

做法: 1. 薯仔去皮, 切粒, 加水煮至熟

2. 瀝水, 壓成薯蓉, 加芝士, 混合, 待涼

3. 每次小量薯蓉, 輕輕手滾成球型

4. 沾上雞蛋汁, 再沾上麵包糠

5. 炸至金黃, 完成!

忍到口就等無咁熱先食!

忍唔到口就小心熱呀!

環保~零蚊~ 種植法 (圖解)

春天到, 手痕痕, 又種吓植物, 止吓癮!

以前大有大種, 依家細有細種, 依然咁好玩! 

早幾個月, 囡囡學校要種一人一花, 剩低袋泥, 已經咩都有齊啦!

依家唔想買到一屋都係大盆和細盆, 所以用最環保又實用的方法, 唔洗買, 零蚊, 最適合D植物幼苗. 

左: 燈籠椒 (pepper), 右: 車厘茄 (cherry tomato)

用燈籠椒/車厘茄時, 留返D籽.

留返肉/生果的盆, 洗乾淨.

加泥入盆, 再加種籽, 淋水, 用保鮮紙包住, 等發芽!

用睇完的免費報紙, 剪成長條. 

調味樽幚做型!

報紙卷住個樽!

摺入個底!

壓一壓實個底!

取出調味樽, 環保幼苗盆已成型

在盆頂邊向內摺入少許!

放入泥和苗, 放在膠盆上, 淋水, 完成!

當苗長大到要換大盆時, 可以直接放入大盆, 唔洗去除報紙!

巨龍傳奇

上個週末係巨龍傳奇最後一個週末, 將會係4月9日完.

想同仔仔去睇好耐, 但係囡囡跟學校去咗, 所以唔想咁快又去多次, 點知等吓等吓, 等到最後週末先去. 仔仔一向都好鐘意恐龍, 佢一邊睇一邊影相, 好開心!

大型的恐龍化石

見到恐龍的開心樣

 

許許如生

我哋大約12點半去到個 Exhibition, 已經好多人, 都只係排一陣間隊, 但係到我哋走時大約4點半, 見到排隊入場條龍仲長過條巨龍, 由門口, 去到天橋, 再排到落樓下, 一條長龍, 長到嚇死人呀! 好彩去得早, 唔係就慘囉!

仔仔買咗張3D poster, 返到屋企, 第一時間就貼上門度, 佢開心到不得了! 

南生圍

今日暖返又無太陽, 遠足就最好啦! 我哋一家一向都好鐘意到郊外行吓! 在英國成日都會搵地方週圍去, 英國大部份的城堡, 我哋都已經去過! 

依家人在香港, 都係一樣, 四圍游!  

今次揀咗去南生圍!

搭吓船過過對面, 古式方法, 依家唔係度度有, 影相留念!

有人着到古古怪怪, 唔知佢哋攪嘜??

空間

大自然

農莊的浮橋, 仔仔囡囡無跌落水! 

後面的婆婆笑得好開心, 但係我唔知佢是誰???

水中蓮花開得好靚!

由元朗火車站出發(綠色), 元朗近市中心完(紅色). 

在終點有好多餐廳, 搵咗間茶餐廳衣肚和坐吓! 

我哋好似餓鬼, 真真正正係快餐, 我哋食得超快!

今次行程行咗9.79公里, 3小時44分鐘!

魚翅(瓜)羹

街市有魚翅瓜賣, 全部都好BB, 因為小咪咪以前種到D瓜大大個, 等到個瓜成熟時才會摘, D瓜在BB階段係會由得佢生長.  不過在香港, 果瓜大D, 食唔晒就麻煩D, 天氣暖和唔夠地方存儲. 所以細細個, 一次過食晒佢!

才料有木耳絲, 甘荀絲, 冬菇絲, 豬柳絲, 

當然唔少得一絲絲的魚翅(瓜)啦!

瓜仔細細, 一次過食晒佢!

瓜仔細細都有一大碗魚翅呀!

我以前煮魚翅羹次次都會話係真魚翅, 解釋魚翅係咩, 然後話返比佢哋知, 我煮嘅係魚翅瓜, 佢哋個樣次次都好意外, 會同我玩吓! 但係仔仔囡囡又大個咗啦, 加上香港美食多羅羅, 知道好多美食的真面目, 所以我已經唔再有尼D小玩意囉! 

不過佢哋都仍然好鐘意D魚翅(瓜)羹!

藍莓蛋糕仔 (附食譜)

近排有好多藍莓賣, $15兩盒, 又平又靚, 買咗兩盒返屋企!

食咗一半, 用哩另一半整蛋糕!

才料: 
牛油118g, 糖236g, 蛋2隻, 雲尼拿油數滴, 泡打粉10g, 
鹽1g, 麵粉470g, 奶120g, 藍莓適量

做法:

1. 把牛油和糖打至淡色
2. 分兩次加入蛋攪至混合
3. 加入雲尼拿, 泡打粉和鹽
4. 加入一半麵粉和奶至混合再加另一半
5. 加入藍莓
6. 入蛋糕仔模
7. 入已預熱180度的爐, 大約15-20分
8. 取出, 放在架上待涼
完成

好香好軟熟, 唔係好甜, 啱我哋一家口味, 如果鐘意甜D, 可以加多D糖!