朱古力包, 腸仔包, 火腿包

整D包包比仔仔囡囡放學做小食!

仔仔係食肉獸, 整D腸仔包, 火腿包啱晒佢!

囡囡係女仔, 緊係鐘意朱古力啦!

樣樣整D, 包無投訴!

腸仔包

朱古力包

火腿包

我都想食個包, 食邊個好尼??

怪瓜真相現身

記唔記得尼隻怪瓜呀! 尼隻係奶油瓜, 魚翅瓜, 脆肉瓜嘅混合瓜!

同個怪瓜開切啦! 要睇吓佢個真面目先得!

露出真相啦!

奶油瓜入面係深橙色(下圖), 怪瓜入面係淺黃色(上圖) 

奶油瓜皮係淺橙色, 怪瓜皮係深綠色, 同脆肉瓜, 魚翅瓜嘅色一樣! 

瓜入面的生長形態同奶油瓜一樣!

清蒸咗幾件嚟試吓怪瓜嘅真味道!

味道係點????

味道帶有奶油瓜的甜味, 但係無咁濃, 又有魚翅瓜的清味(小小似青瓜味). 

個怪瓜的味係有新鮮的青瓜味又甜甜地!

而質地就好得意, 真係全混合! 有少少魚翅絲, 但係又少少爽爽地似脆肉瓜, 也帶有少少綿綿地但係食落又唔覺得漏嘅奶油瓜!

晚餐就整咗個怪瓜煮粉絲嚟試瓜!

試驗品出場啦!  真係出乎意料之外, 唔錯, 唔錯!  D瓜甜甜地仔仔囡囡好鐘意!

尼個怪瓜我留起咗種子, 睇吓出年種唔種得出!

蛋糕籌款

仔仔學校, 用賣蛋糕為六年級結業日籌款.

六年級的家長整蛋糕之餘, 學生就比賽吓, 睇吓邊班賣得最多!

小咪咪昨晚同仔仔蛋糕扮靚, 出一分力啦!

整吓整吓, 整咗成30枝波棒蛋糕

我仲好小心同佢地全部獨立包裝架!

終於大功告成! 可以去瞓覺啦!

仔仔今日放學返嚟話我知, 我哋D波棒蛋糕10分鐘內就賣晒!

仔仔好開心呀! 希望仔仔個班會贏啦!

义燒餐包

整咗一大碟义燒, 食剩幾塊, 點好啦!

唔想浪費, 於是就用尼幾塊义燒加D洋蔥, 整咗個餡!

D餡整咗出嚟, 都有一大碗喎!

整义燒餐包做午餐, 一家大細笑呵呵! (佢哋好鐘意尼隻包架)

大隻過香港買嘅义燒包!

味道十足十香港义燒餐包, D汁又香又濃!

焗D包包又攪掂一餐!

仔仔煮早餐

仔仔話要煮班戟比我哋食, 見星期日唔洗返學就比佢整吓啦!



似模似樣架! 仔仔整緊香蕉班戟, 跟足食譜整架!

煎得好認真!

由仔仔煮嘅早餐出場啦! 有得食, 都煮得幾好架! 

焗海鮮鮮茄意粉 (附食譜)

小咪咪仲有好多蕃茄, 要盡量用得就用呀!

鮮茄配意粉最好不過!

鮮茄汁才料: 蕃茄, 洋蔥, 蒜蓉, 茄料, 糖, 叶汁, 胡椒粉

鮮茄汁做法: 炒軟洋蔥, 加蒜蓉, 蕃茄.  蕃茄煮軟加其他才料, 轉慢火, 煮蕃茄至熟, 料杰!

海鮮才料: 蟹柳, 蝦, 鱿魚, 魚

煮好意粉, 混合鮮茄汁

咁多碟, 因為兩盒細係比老人朋友, 昨晚仔仔囡囡要食先(中間), 老公和我遲D食!

意粉混合好鮮茄汁加上海鮮!

整多一盒腸仔, 火腿比老人朋友

加上芝士, 入已預熱180度焗爐, 焗到金黃!

老人朋友, 一盒海鮮, 一盒腸仔火腿, 今日已經食晒兩盒啦!

老公和我的晚餐, 好快就已經食晒!

繼續有收成

近排好忙呀!

忙於工作!

忙於仔囡(佢哋越嚟越多課外活動和party)!

忙於打理家頭細務!

忙於耕種!

工作忙碌, 可以搵多D外快, 但係就令日常生活就忙上加忙!

小咪咪要安排時間做齊所有嘢! 真係無時停呀!

依家係種耕嘅繁忙時期, 要清理植物, 播種, 翻土, 收成!

最麻煩就係小咪咪多多諗頭, 想同田地轉一轉新設計, 轉一轉個look, 真係無事搵事嚟做!

屋企D蔬菜又食得7788啦!  摘咗D新鮮蔬菜, 成績都唔錯呀!

尼個係古怪瓜, 完全變晒種!

蜜蜂朋友, 把本身係奶油瓜的種物混咗魚翅瓜和脆肉瓜, 攪到唔知似嘜?????

下個星期切開個怪瓜睇吓似D咩先得!

最後兩條脆肉瓜, 一條仲係BB咋! 不過天氣凍咗, 唔摘都唔會大, 食咗佢啦!

今年天氣差, 等咗好耐, 西芹終於有收成啦!

今年收成唔差嘅係椰菜, 可能天氣差, 令到D椰菜生得慢D, 無咁快玩完!

一圓, 一尖, 兩款都好好味架!

尼個parsnip (唔好問我中文名呀, 我唔知呀!) 今年生得又早又靚!

咁早已經咁大隻, 好開心呀!

當然要比D紅蘿蔔(甘荀)亮一亮相啦, 佢地靚到飛起呀!

可惜blog 友們聞唔到D味, 只係洗佢哋, D味都已經好濃好香!