壽司晚餐

小咪咪昨晚食壽司, 整咗6大條! 家人見到開心囉! 食到一件不留, 個個都係大食怪, 多多都食得晒呀!

第一條係蟹柳+蛋+泡蘿蔔, 第二條係吞拿魚, 第三係係青瓜+蛋+蟹柳

第四條又係吞拿魚, 第五條係蟹柳+蛋+青瓜+泡蘿蔔, 第六條係三文魚

再加多碟小食 ~ 煙三文魚, 子薑片和韓式泡蘿蔔 ~

這邊supermarket賣的壽司要幾個英磅, 先得幾粒無咩特別的壽司! 

這盒係超市的壽司, 要£3係最大盒嫁啦! 要買幾多盒比一家大細, 先夠填飽個肚呢! 好唔化算! £3小咪咪自己整可以整到一大碟, 依飽肚囉!

蒜頭, 洋蔥有收成 + 耕種Update

終於有兩日, 連續兩日無落雨呀!  無咩太陽, 但係唔落雨都已經好興奮啦! 感唔感覺到我的大叫呀!

早就想將D蒜頭同洋蔥掘出, 因為已經成熟晒, 但係日日落雨, 實在太濕, 怕再留係D泥再耐D會壞! 陣無落雨, 就快快手手咁掘晒出嚟和處理好!  

今日做咗好多嘢呀! 好多雜草, 野花浦晒出嚟, 又要清一清佢!

唔好講咁多, 有相睇先過癮!


已經處理好的洋蔥和蒜頭


我年年都好好心機咁辮晒D蒜頭嚟吹乾, 今年又唔洗買啦, 隻隻都好大隻添呀! HEE HEE!


排晒係個架吹乾, 這種係日本洋蔥, 好大隻嫁! 唔係做存貨, 用佢先跟住D英國洋蔥就係時候掘!


好大隻嫁, 有我隻手咁大呀!


啱啱掘出的蒜頭, 洋蔥





Raspberry 紅草莓摘得啦!


茄子終於似返D樣啦!


茄子開始有花蕾


蕃茄BB


青瓜


紅蘿蔔


小咪咪至愛的波菜


白蘿蔔, 仲要有排等!

有豆豆啦!

Celery

 

辛苦D都值呀!

 

蒜蓉豆豉炒雞柳+炆冬菇

出外食咗幾餐, 昨晚晚餐食返D住家菜, 有啖飯落肚, 人都精神D!

蒜蓉豆豉炒雞柳加咗脆肉瓜

用蒜蓉炒西蘭花伴炆冬菇

仲有條蒸魚嫁, 煮好話食就食, 唔記得咗影相! 個湯雪耳海底椰已經post咗出嚟啦!

今餐正正經經, 3餸1湯! 哈哈, 夠晒住家式呀!

芝麻酥餅 + 肉桂粉杏仁酥餅 (附食譜)

小咪咪又攪攪振, 整咗D小食, 等仔仔囡囡放學有得食!

我當然係用懶懶小咪咪最簡單又方便的方法啦!

效果出來非常滿意, 好酥脆香口!



酥餅麵團才料: 麵粉1.5cup, 糖1/2cup, 鹽1tsp, 牛油110g, 凍水3tbsp

配搭才料: 溶牛油, 蛋汁, 芝麻, 肉桂粉, 杏仁片 

做法:

1. 把所有酥餅麵團才料放入食物(除凍水)攪拌機混合
2. 慢慢加入凍水攪成麵團
3. 放入雪櫃20分鐘
4. 壓薄,成長方形, 掃上溶牛油, 加上芝麻(肉桂粉), 向中間對折3份
5. 壓平, 掃上蛋汁, 加上 芝麻(杏仁片), 輕輕壓一壓
6. 切成長方形
7. 放入已預熱200度的爐, 焗大約20分鐘, 便成!




第一盆, 簡簡單單只用芝麻, 好香脆呀!

第二盆, 用肉桂粉加杏仁片, 好香呀!

家人好鐘意呀! 我要阻止仔仔囡囡一次過食晒!

不過真係好難停口! 

雪耳海底椰煲雞

今日特別煲滋潤D多湯比仔仔飲! 

星期六,日係老公阿媽屋企, 佢哋有4隻貓, 1隻大狗.  仔仔囡囡好鐘意動物, 可惜仔仔對動物D毛好敏感, 次次採佢哋, 佢個身軀都要受苦! 見睇佢都登佢慘, D眼, 耳, 鼻, 喉 全部都受苦!

煲返個潤潤地的雪耳海底椰比仔仔補補啦!

才料有雞, 雪耳, 海底椰, 紅蘿蔔, 龍眼肉

始終都係屋企最舒服!

酒巴午餐!

星期六, 日去咗探老公家人! 星期六同朋友去食印度咖哩, 不過掛住食唔記得影相! 好耐無出外同朋友食飯啦, 無仔仔囡囡跟住, 嗟D唔記得輕鬆的感覺!

星期日唔洗煮, 真嘆! 這間酒巴都有好多選擇, 個menu都唔錯!


這碟係我的三文魚hollandaise sauce


平時屋企無得食羊, 老公諗都唔洗諗就叫食羊扒, 開心晒!


仔仔碟seafood paella 都好多料呀!

老公媽媽的 Hawaiian Gammon, 好厚肉呀!

食飽飽又要起程回家, weekend 就咁又過咗!

 

芝士白汁煙肉脆肉瓜通粉

有時煮晚餐唔一定要複雜, 一碟簡單而健康的食物就已經好足夠!

今次煮簡簡單單充滿營養又飽肚的芝士白汁煙肉脆肉瓜通粉, 有肉, 蔬菜, 鮮奶, 芝士, 通粉!

這個餐大人細路都適合, 特別係小朋友, 因為自製的芝士白汁充滿鈣質!

小咪咪用自己懶懶的煮食方式, 唔洗分開煮白汁, 一次過係同一個鍋煮晒, 好方便嫁!



才料: 洋蔥, 蒜蓉, 煙肉(切條), 脆肉瓜(切條), 紅蘿蔔(切條), 麵粉, 鮮奶, 芝士, 通粉

做法:

1. 熱水煮通粉
2. 洋蔥, 蒜蓉細火炒軟
3. 加煙肉轉中大火至熟
4. 加脆肉瓜, 紅蘿蔔至熟
5. 加麵粉,拌混加鮮奶至杰
6. 停火加芝士至自己喜歡的濃度
7. 通粉濾去水份, 加入(6)拌匀

完成!