蟹柳火腿絲炒飯

煮飯煮多D, 做炒飯比家人做午餐. 囡囡好鐘意食蟹柳, 用來做炒飯, 肯定囡囡食清光!

好多料的炒飯!

脆肉瓜四季豆伴蟹柳粉絲

簡簡單單又一味好菜式. 仍然要煮得清清地.  樣樣加D就做咗這碟菜. 

囡囡見到蟹柳胃口大增, 轉吓眼由一大碟變咗一小碟.  這味菜又清又鮮甜又林, 好易入口, 大人細路都適合食!

蛋包雞捲

昨日想起這碟菜, 好久冇煮, 特然好想食.  今日煮咗, 食得最開心係仔仔, 人仔細細, 食量驚人.

才料: 蛋, 碎雞肉, 冬菇粒, 西芹粒, 紅蘿蔔粒, 元西碎

做法:

1. 煎蛋皮-備用, 醃雞肉 (油, 豉油, 糖, 胡椒粉, 生粉) 
2. 將雞肉和蔬菜粒混合

3. 把肉放入蛋皮中間, 捲起, 摺口向下
4. 把蛋包雞捲放入雪櫃, 1-3小時
5. 大火蒸至熟, 待涼切件
6. 倒起籵慢火調味, 加生粉水至杰, 淋上蛋包雞捲
完成!

烘波菜芝士魚柳+香草橄欖西班牙腸仔片意粉

天有不測之風雲, 英國的天氣真的不可預測.  一日有四季, 今年非常差, 由上年10月至今都係凍到飛起.  今日浪費太多時間東奔西跑.  放工後以為唔會落雨, 匆快地去田地, 去到就落雨, 仲要倒落黎, 立即返屋企. 返到屋企就出太陽.  真係比個天玩死!

老公腸胃剛好小小, 要食得清D, 又要快. 晚餐就煮魚啦! 清清地! 又有好多自種波菜, 又有得食啦!

烘魚才料: 魚柳, 芝士, 波菜, 麵飽糠

做法: 預熱烘爐180度

1. 用蒜蓉,辣椒絲,小許鹽煮波菜隔去水 - 備用
2. 盆底掃油放上魚柳, 加上芝士




3.  加熟波菜



4. 加麵飽糠, 入爐烘至金黃

5. 烘魚柳完成!

蘑菇雞包

今日家人的午餐係蘑菇雞包.

麵飽做法跟粟米吞拿魚飽一樣.

飽內的料: 洋蔥, 熟雞肉, 蘑菇, 忌廉, 麵粉, 黑胡椒粉, 混合香草, 鹽

做法: 把洋蔥炒軟加蘑菇加雞肉, 黑胡椒粉, 混合香草 和 鹽 , 炒熟後加入麵粉再加上忌廉至濃縮.  待涼!

完成!

粟米雞絲粥

每個星期都會有一日煲吓粥, 星期日的晚餐多是各顧各. 我喜歡煲吓粥, 可以清吓腸胃. 今個星期煲咗粟米雞絲粥, 非常鮮甜.

下午烘咗隻雞做午餐.  用咗個雞殼加很多蔬菜煮湯底.  一隻雞真好多用途, D湯底鮮味無比. 還有雞肉剰, 便將雞肉撕絲做雞粥. 

新鮮的雞湯底加新鮮烘出的雞絲, 再加上甜甜的粟米粒, 煲出來的粥, 充滿雞味. 令到肚子很滿足!  

奶酥捲

試試新玩意, 見(孟老師)書中的包個樣又靚, 名又好聽, 學吓做奶酥捲.  真的名付其實, 好香的奶味! 個樣都幾好啊!

一出爐就認唔住食咗個 , 好可惜D香味放唔到上電腦. 如果鐘意奶味, 不防一試!