蘿蔔絲鯽魚湯 (附做法)

香港乜都有! 又平又靚又新鮮!

比我見到一盤新鮮跳吓跳吓的鯽魚仔, 只係18蚊, 真係唔可以唔買佢返屋企!

鯽魚仔多細骨, 所以用嚟整魚湯就最好不過啦!

簡簡單單買個蘿蔔, 切絲備用! 用薑起鑊煎香D魚, 加水, 放多幾片薑和蔥段, 放蘿蔔絲係魚上面同魚一齊煮, 滾10分鐘至奶白色, 轉細火炆20分鐘, 加少許鹽調味, 便成!

咁多條18蚊, 都唔係太細條, 仲要條條都跳到返屋企, 真係天平又靚呀!

個湯又甜又有益, 飲多兩碗都唔怕!