請大家幚幚手 - 澳門來回船票

Blog友們已常四處遊玩, 希望Blog友可以幚一幚小咪咪, 因為小咪咪今次回港便立即要去澳門走一轉, 但係我已經多年無去澳門, 所以唔知道邊度買1日來回船票係最抵呢?

多謝大家的幚忙!

回歸之路

我返嚟啦! 好耐無見呀! 希望你哋無離開我啦! 而我就其實無離開過, 只不過小咪咪非常之忙!

忙D咩?  就係攪回歸囉!

好開心呀! 今日終於收到晒老公和仔囡的VISA批准信! 申請咗一段時間, 之間一D都唔簡單.  每日等結果的日子, 真係唔容易.  不過, 等的日子終於結束, 可以開始我哋回歸香港的新旅程!

所以今日係我哋的大日子呀!

所有的一切, 都要係英國攪, 唔可以親身係香港處理並不容易.  對我尼講, 工作, 學校, visa, 這三樣都好重要, 缺一不可.  仲要間咗半個地球, 這三個月真係身心疲累. 幸好, 工作, 學校, visa 都已經攪掂晒! 心情都輕鬆咗好多!

星期一返工就要辭職, 好快就會返到香港, 過一個真真正正的夏天!  又再可以與家人一齊相聚, 真係諗起都開心!

這就是小咪咪無時間寫blog的原因, 嚟緊的日子都會好忙, 但係心情已經不同. 我會盡量話比大家知近況!

好友相聚 ~小朋友整Pizza做晚餐~

幾個月前係香港探過尼位相識咗多年嘅好朋友!

好難得佢哋今次一家大細由香港到我英國屋企探我, 真係好開心呀!

D小朋友又玩得好投契, 晚上一齊係房開Disco, 勁歌熱舞!

一齊去堡壘行吓, 好能得連個太陽伯伯都出嚟玩呀!

好友和佢囡囡整Pizza, 好友囡囡好比心機整架!

好友囡囡整嘅pizza出爐啦, 相當之美味呀!

尼個係小咪咪仔仔囡囡整嘅Pizza, 夠晒份量呀!

小咪咪都整咗個朱古力芝士蛋糕做甜品!

開心嘅時間過得特別快, 傾計傾到三間半夜, 第二日出外行吓, 又係時候好友要走啦!

希望好快又可以再相聚啦!

新年

新年快樂!

祝

大家

身體健康

財源廣進

心想事成

事事順利

心煩意亂

回流香港嘅機會到! 但係, 唔係有份工等緊你就可以返嚟!  

為人父母, 樣樣都會放仔囡係第一位!

第一個問題就係學校, 我個兩個仔囡可以話唔識話中文, 佢哋只能用中文簡單對答, 所以一定要全英英文教學的學校, 我知道國際學校可以唔洗諗, 因為waiting list長到要等幾年, DSS學校都唔知有冇位.  香港啱啱又過咗申請9月開學!

居留權, 要申請老公和仔囡的居留權, 睇吓個政府網址, 一時又話合格, 再睇多D又可能唔合格, 再睇吓又得喎! 個website寫得好唔清楚, 玩死人咩! 真係花好多精神做research, 終於都可以話知道點攪!

租屋, 一切都唔攪得, 都唔知有冇書讀, 一切都係要學校有明目先可做下一部!

放租, 依家間屋又要諗吓點攪好, 無人住最好就租出去, 又要research!

Shipping, 雖然唔係樣樣嘢都會帶返香港, 但係點都會多過一人一個喼, 為有research啦!

大家有無D有用的information呀! 大家分享吓啦!

真係頭都大晒囉!

團年~打邊爐

今年我哋提早團年呀!

因為下星期六我哋要去睇囡囡嘅跳舞表演, 早上要帶佢去練習, 中午要同佢食lunch和休息, 晚上又要帶佢返去做表演, 又要來來回回一日! 但係都係值得嘅!

係香港時, 仔仔囡囡打邊爐打得好開心. 見天氣仍然凍冰冰, 所以今晚打吓邊爐等佢哋開心吓啦! 我哋又可以重溫多次啦!

但係小咪咪與中式超市不太相近, 為有自己郁手啦!

真係攪自己笨, 樣樣都想食, 攪自己整咁多嘢! 不過樣樣都新鮮, D味真係唔同D!

成枱滿晒, 夠晒食呀! 

新鮮牛肉片 ~ 小咪咪好有心機, 將D牛扒切到一片片嘅薄片

新鮮手打黑椒牛丸

鮮蝦芫茜雲吞

新鮮手打魚蛋

雞柳

粉絲和蔬菜

蟹柳

青口和蝦

仔仔囡囡第一次係自己屋企打邊爐, 夠晒驚喜呀!

香脆曲奇 (附食譜, 普通和懶人做法)

好耐無整餅或曲奇, 心血來潮又手癢癢, 就去整D曲奇啦!

時間啱啱好, 仔仔囡囡放學返嚟就有得食!

才料:

牛油175g, 糖粉230g, 蛋2隻, 麵粉300g, 雲尼拿精數滴

普通做法:

1. 牛油和糖粉打至淡色, 蓬鬆
2. 把蛋加入(1)拌匀
3. 把麵粉, 雲尼拿精加入(2), 拌匀
4. 唧出自己喜歡的形狀
5. 入已預熱180度的爐, 焗大約10-15分鐘
6. 取出放在架上待涼, 便成!

懶人做法:

同普通做法一樣, 但用食物攪拌機做步驟 (1-3)步驟3, 拌匀便可

小咪咪當然係用懶人做法啦! 慳時間, 慳手力, D糖粉又唔會飛到週圍都係!

今次唧花花, 一啖一粒!

為食仔仔囡囡放學返嚟見到D曲奇發晒狂, 我要限量比佢哋食呀!