好友相聚 ~小朋友整Pizza做晚餐~

幾個月前係香港探過尼位相識咗多年嘅好朋友!

好難得佢哋今次一家大細由香港到我英國屋企探我, 真係好開心呀!

D小朋友又玩得好投契, 晚上一齊係房開Disco, 勁歌熱舞!

一齊去堡壘行吓, 好能得連個太陽伯伯都出嚟玩呀!

好友和佢囡囡整Pizza, 好友囡囡好比心機整架!

好友囡囡整嘅pizza出爐啦, 相當之美味呀!

尼個係小咪咪仔仔囡囡整嘅Pizza, 夠晒份量呀!

小咪咪都整咗個朱古力芝士蛋糕做甜品!

開心嘅時間過得特別快, 傾計傾到三間半夜, 第二日出外行吓, 又係時候好友要走啦!

希望好快又可以再相聚啦!

新年

新年快樂!

祝

大家

身體健康

財源廣進

心想事成

事事順利

心煩意亂

回流香港嘅機會到! 但係, 唔係有份工等緊你就可以返嚟!  

為人父母, 樣樣都會放仔囡係第一位!

第一個問題就係學校, 我個兩個仔囡可以話唔識話中文, 佢哋只能用中文簡單對答, 所以一定要全英英文教學的學校, 我知道國際學校可以唔洗諗, 因為waiting list長到要等幾年, DSS學校都唔知有冇位.  香港啱啱又過咗申請9月開學!

居留權, 要申請老公和仔囡的居留權, 睇吓個政府網址, 一時又話合格, 再睇多D又可能唔合格, 再睇吓又得喎! 個website寫得好唔清楚, 玩死人咩! 真係花好多精神做research, 終於都可以話知道點攪!

租屋, 一切都唔攪得, 都唔知有冇書讀, 一切都係要學校有明目先可做下一部!

放租, 依家間屋又要諗吓點攪好, 無人住最好就租出去, 又要research!

Shipping, 雖然唔係樣樣嘢都會帶返香港, 但係點都會多過一人一個喼, 為有research啦!

大家有無D有用的information呀! 大家分享吓啦!

真係頭都大晒囉!

團年~打邊爐

今年我哋提早團年呀!

因為下星期六我哋要去睇囡囡嘅跳舞表演, 早上要帶佢去練習, 中午要同佢食lunch和休息, 晚上又要帶佢返去做表演, 又要來來回回一日! 但係都係值得嘅!

係香港時, 仔仔囡囡打邊爐打得好開心. 見天氣仍然凍冰冰, 所以今晚打吓邊爐等佢哋開心吓啦! 我哋又可以重溫多次啦!

但係小咪咪與中式超市不太相近, 為有自己郁手啦!

真係攪自己笨, 樣樣都想食, 攪自己整咁多嘢! 不過樣樣都新鮮, D味真係唔同D!

成枱滿晒, 夠晒食呀! 

新鮮牛肉片 ~ 小咪咪好有心機, 將D牛扒切到一片片嘅薄片

新鮮手打黑椒牛丸

鮮蝦芫茜雲吞

新鮮手打魚蛋

雞柳

粉絲和蔬菜

蟹柳

青口和蝦

仔仔囡囡第一次係自己屋企打邊爐, 夠晒驚喜呀!

香脆曲奇 (附食譜, 普通和懶人做法)

好耐無整餅或曲奇, 心血來潮又手癢癢, 就去整D曲奇啦!

時間啱啱好, 仔仔囡囡放學返嚟就有得食!

才料:

牛油175g, 糖粉230g, 蛋2隻, 麵粉300g, 雲尼拿精數滴

普通做法:

1. 牛油和糖粉打至淡色, 蓬鬆
2. 把蛋加入(1)拌匀
3. 把麵粉, 雲尼拿精加入(2), 拌匀
4. 唧出自己喜歡的形狀
5. 入已預熱180度的爐, 焗大約10-15分鐘
6. 取出放在架上待涼, 便成!

懶人做法:

同普通做法一樣, 但用食物攪拌機做步驟 (1-3)步驟3, 拌匀便可

小咪咪當然係用懶人做法啦! 慳時間, 慳手力, D糖粉又唔會飛到週圍都係!

今次唧花花, 一啖一粒!

為食仔仔囡囡放學返嚟見到D曲奇發晒狂, 我要限量比佢哋食呀!

   　

焗包日

係香港嘆咗三個星期, 小咪咪終於要返回崗位, 入返厨房開工啦!

方包啱啱食晒, 又要整過條, 又想食D港式包包, 點知一整就整咗咁多!

本來好鐘意食港式包包嘅我, 今次返香港發現D香港包包已經變咗好多, 唔同晒呀!好失望呀!

D麵包睇落好似大大個, 但一咬就扁到好似張紙咁, 食時好似食空氣咁, 完全無質感!

真係令人懷疑, 究竟D整包工場, 用咗D咩添加物, 令到D包咁假, 食得多會唔會食壞人呢?

諗住回港就可以咩都唔洗整就可以食到盡, 可惜唯一不能滿足到我嘅就係麵包. 始終都係要自己郁手, 整D有份量, 有口感, 又似舊式的港包, 食落才有滿足感!

菠蘿包

腸仔包

鮮奶吐司

仔仔囡囡放學返嚟見到D包包, 好快手就已經食咗幾個啦!

落大雪去滑滑雪

落大雪, 今日學校停課, 個個都唔洗返工返學, 晨咁早就同仔仔囡囡出去滑雪囉!

四週佈滿雪都幾靚架!

小咪咪住得高, 走去堡壘外面滑雪, 夠晒斜呀!

由上面望落去, 白色一片呀!

玩啦! 玩啦! 開始啦!

我嚟啦! 唔好咗住呀!

玩咗兩個鐘返到屋企, 仔仔繼續係屋企出面玩雪, 我夠晒皮啦! 入屋暖吓好囉!