生活變化 + 添新成員!

好幾個月無寫Blog啦! 唔係小咪咪懶呀! 只不過, 過咗新年後, 又搵屋又搬屋, 攪到一頭煙, 終於現在可以話安定D啦!

仔仔囡囡都好鍾意新的住所, 有個花園比佢哋玩吓, 又可以BBQ, 最開心就係佢哋!

最近我哋都多咗個新成員BB, 唔係人仔BB呀! 係小鸚鵡BB(哈哈)

我哋唔知佢係男仔定女仔, 所以比咗個中性D嘅名比佢, 叫Yo Yo! Yo Yo 好聰明, 好快就已經學識kiss kiss, 去報紙poo poo 唔會係我哋身上便便, 好醒目呀!

Yo Yo 好鍾意被抱住瞓覺!

仔仔同Yo Yo 玩打交!

家中多咗個新成員, 仔仔囡囡好有愛心一齊照顧Yo Yo, 依家多咗Yo Yo, 家中好似多咗個BB!

新年快樂!

祝大家: 

洋洋得意!

心想事成!

身體健康!

財源滾滾!

朱古力湯丸 (附做法)

想食湯丸, 但係仔仔囡囡唔鍾意食芝麻或花生湯丸! 所以每次想食湯丸都要郁手整朱古力湯丸!

暖粒粒的湯丸, 係仔仔囡囡嘅致愛!

做法: 把糯米粉加暖水, 揉成麵團.

把朱古力切細粒.

把麵團分成小粒, 揉圓, 按平放入朱古力再揉圓

一粒粒嘅朱古力湯丸已由仔仔囡囡做好!

把熱水加片糖加一片薑煮成糖水, 加入湯丸, 湯丸浮面便成!

囡囡好鍾意呀!

蘿蔔糕工場

仲有幾日就到農歷新年啦! 

小咪咪都要開工, 製造蘿蔔糕!

一整就整咗七盆, 五盆整比親朋戚友, 自己有兩盆!

 

才料有臘腸, 冬菇, 乾瑤柱, 雞肉粒.  炒起一大碗!

煮呀煮! 攪呀攪! 攪好啦! 可以蒸蒸日上啦!

品賞製成品和與家人分享一點心意的時刻! 

獅子山至畢架山行

藍天無雲! 今日與朋友一同遠行!

早上9:30到獅子山公園與朋友相聚, 開始一日之遊!

一班好友一齊行山

我哋係獅子山上, 唔係下! 哈哈!

由上望落去, 清楚地見到大圍, 沙田..........

獅子山去畢架山途中有好多上山的梯級, 真係行到腳仔軟!

落山途中見到馬騮, 仔仔囡囡和老公都係第一次見野生馬騮, 所以特別開心!

落到山腳再去龍翔道觀景台睇吓風景, 行落硤尾配水庫遊樂場睇人打棒球!

6個鐘, 11公里, 夠皮囉! 回家路!

金沙骨

好耐無整囡囡致愛的金沙骨啦!  

經過豬肉檔, 見到條排骨又長又厚肉, 真係唔買唔得! 本想靚靚地一塊原原整整咁去焗, 但當豬肉佬問我切唔切時, 我諗真D, 都係要切! 條排骨咁厚肉, 如果唔切, 睇怕要焗好耐至熟!

食譜之前出過簡易金沙骨 (附食譜), 尼碟排骨我醃足一日一夜, 好入味, 因為D肉厚, 所以真係要焗耐D!

 

 囡囡放學返嚟, 聞到焗金沙骨我味就開始等食!

唔好見佢人仔細細,  佢一人食咗最厚肉的三大件! 

見家人食得開心, 小咪咪都開心!

海底椰冬蟲草花湯

近排天氣時凍時熱, 仔仔上星期發過燒後, 就有幾聲咳, 所以煲咗個海底椰冬蟲草花湯.  

海底椰和冬蟲草花都有潤肺止咳化痰的功效, 而冬蟲草花有豐富的維他命, 一家大細都適合飲用!

才料: 瘦肉, 枸杞, 蜜棗, 海底椰, 冬蟲草花, 少許鹽