洋蔥收成+其他

終於又會有幾日好天啦! 陣有太陽又唔可以同仔仔囡囡去公園玩, 為有去田做吓嘢, 消磨吓時間啦!

今日有兩件任務要做, 第一要拔出所有洋蔥, 第二要拔出甘荀.  D甘荀唔係食, 係扔掉呀, 因為一部份的甘荀已經好唔好彩地壞咗, 比D Carrot Fly 入侵咗, 無得救, 所以要拔出, 真慘!

種植就實係有得有失, 因為年年的天氣唔同, 特別係英國, 唔係特別天氣好的地方. 

洋蔥拔晒出嚟啦! 應該夠我哋一家食成年呀!

有白洋蔥和紅洋蔥, 紅洋蔥唔係種好多, 因為用得比較少, 用嚟整沙律好味嫁!

有D其他收穫!

椰菜花都幾大隻嫁!

Runner beans and turnips 開始有得摘啦!

昨日已經用咗好多蔬菜整咗個雜菜湯做晚餐, 非常之鮮甜!

 

希望會有多幾日的太陽, 令植物有生存的機會啦!