兩式士多啤利糯米滋

今年雨水多, 士多啤利豐收! 已經摘咗好多, 還陸續有來, 一唔落雨就去摘!

真係要諗吓點食又唔太肥. 

早一排整咗幾次芝士蛋糕, 要停吓cheese cake, 如果唔係會肥死!

所以轉吓口味, 整吓糯米滋!

整咗白式和紛紅色.  白式係用鮮奶, 紛紅色係用鮮奶加士多啤利蓉!

小咪咪鍾意製作簡易, 整糯米滋都可以好簡易. 基本做法可以去簡易芒果糥米滋 (附食譜)睇吓嫁!

如果想整士多啤利, 首先要將士多啤利沾滿溶朱古力, 旱咗就用得!

糯米滋的麵團要完全吹涼後, 才可使用. 否則會溶咗D朱古力!