急診室

星期日 ~ 終於可以返屋企啦!

昨日星期六, 老爺揸咗幾個鐘頭車上嚟探我哋, 剛好預備出門口去酒吧坐吓, 食吓晚餐時, 囡囡突然決定係厨方打空翻. 結果後頭部落地, 好彩無流血, 快快手手用冰袋按住大樓,  不過症狀明顯唔多好(話頭暈, 死火啦) , 又要去探A&E 急診室啦!

明知去 A&E 有排等, 我就叫佢哋去酒吧, 我同囡囡去A&E, 唔洗全家等!

15:30 去到急診室,
16:00 囡囡話想嘔 (大鑊, 越來越唔對路! 心急死我啦!) 佢個頭又越來越痛, 喊到唔停! 我仲要扮冷靜, 唔想嚇到佢, 又想幚佢calm down.
等咗1個鐘輪到囡囡見護士啦!
16:30 見護士, 一齊落觀, 不過頭暈和想嘔要見一見醫生
又再等多1個鐘, 醫生終於出現啦!
17:30 囡囡終於嘔咗出嚟, 同佢剛好清理好, 醫生就出現, 真係 good timing. 醫生再做多次護士的test, 同護士意見一樣, 唔多滿意佢的狀況(鬼唔知咩, 正常就唔同佢嚟A&E啦!),可能要留一晚, 但要兒科意見!
見醫生5分鐘又再等意見45分鐘
18:15 醫生返嚟啦! 囡囡要留一晚觀察呀! 醫生話等一陣就帶我哋上房, 囡囡又喊, 唔想留院, 我都想喊呀, 我都要留院呀! 其實我心知囡囡要留院, 囡囡情況留院我會安心好多!
18:40 囡囡嘔第二次, 唔怕, 留院有醫生護士不停check住!  
又再等30分鐘
18:45 有人嚟帶我哋上房啦!
19:00 到房, 安定咗囡囡, 就要攪掂架車, 又要帶D睡衣, 牙刷, 什物比囡囡! 好彩間房有幾個小朋友, 囡囡無咁驚啦! 我可以快快地揸架車返屋企,叫老公拾好囡囡D嘢, 佢揸車帶我返去醫院, 佢又可以探吓囡囡!
19:40 返回醫完, 囡囡已經同其他小朋友玩緊, 我個心安樂好多! 佢仲開始飲D果汁和食小小餅乾!
10:00 囡囡終於訓覺啦!
10:30護士要check佢呀!又無得訓啦!

昨晚的護士 Claire , 好 nice and funny, 真係好充心地多謝佢的照顧! 每兩個鐘就同囡囡小心地做test! 所以我地都無點訓過覺!

今日 ~ 星期日, 囡囡精神咗好多, 頭暈無咗, 無再嘔, 仲有食早餐添! 不過耳仔仍然有問題, 頭痛就實有幾日嫁啦!

醫生今朝應該大約9:30到check囡囡狀況, 就會知可唔可以返屋企, 我同老公講, 話就話9:30, 預醫生10:30或11:30嚟啦! 點知真係要等到11:30個醫生先至嚟! 醫生嚟到, 囡囡就話, 醫生醫生你好巨大呀(因為個醫生非常之高呀)! 笑到我哋死, 醫生話, 係你細粒咋! 

最開心就係醫生話可以返屋企! 問晒所有疑問, 得到答案, 識得處理, 安樂晒!
但係囡囡就會有成個星期受困~ 醫生命令, 唔可以打機, 去公園一個星期, 要做懶人和小心人一個星期! 死未!

睇吓佢仲敢唔敢唔聽話! (聽一星期啦! 好返,睇怕彩你都做傻!)

雖然返到屋企, 但係小咪咪都係覺好訓, 因為要每幾個鐘就要check 住囡囡!