一鴨四食

星期二諗住整燒鴨, 老公見我攞咗隻鴨出嚟, 問我整咩?
我:燒鴨啦!
老公:不如三燒哎!
我:咩都無喎, 得隻鴨點整呀!
老公: (個樣失落)唔緊要啦!

就係咁樣老公走咗去返工, 小咪咪走去冰箱睇睇, 無一件豬腩, 只有豬腩條, 好過無啦, 試吓用嚟整燒肉頂吓當, 有D豬扒, 用嚟扮义燒.

隻鴨焗好, 斬好, 隻鴨仔都幾好肉!

第1味, 三燒伊麵

第二味, 三燒飯

老公見到開心晒, 仔囡食得超快, 燒肉同义燒唔多完美, 但係淋時頂當都OK啦!

第三味, 炸菜火鴨絲炆米!

星期四, 仲有鴨剩, 緊係要用咗佢啦! 一心諗住整雪菜火鴨絲炆米, 點知無雪菜, 炸菜就有幾包, 咁就轉一轉用炸菜代替啦! 一整就整咗一大盆, 仔仔好鐘意, 食過唔停!

第四味, 鴨肉卷 (鴨絲, 蔥絲, 青瓜絲, 海鮮醬, 辣椒碎)

仲有少少鴨肉剩, 啱啱好可以整個午餐比老公做今日星期五的午餐. 

一鴨4食, 有3餐唔同的食法, 今個星期老公開心到飛起!