D火腿, 腸仔樣樣剩得兩片兩條. 用哂佢做薄餅清哂佢. 
以前次次都用手搓薄餅, 依家用麵飽機搓麵團方便得多. 慳咗好多時間!
薄餅底(麵團)才料: 水180ml, 高筋麵粉250g, 鹽小許, 依士1.5tsp, 橄欖油 3tbsp
做法: 把所有材料(除橄欖油外)放入機, 攪成團, 加入橄欖油. 發大2倍後, 壓成圓形便可加茄醬和芝士!
今次我不用做茄醬因為冰箱仲有存貨, 放入微波爐叮返熱就用得! 做茄醬非常之容易.
茄醬才料: 洋蔥半個-切粒, 蒜蓉, 一罐蕃茄粒, 黑胡椒粉, 香草(遀自己喜歡, 可以不加)
做法: 煮軟洋蔥加蒜蓉和蕃茄粒, 煮至滾轉細火, 加黑胡椒粉和香草煮大約20分鐘. 把茄醬放入攪拌機, 攪至全混合. 也可用手攪拌機直接打至混合. 剩下來的茄醬, 可分開適當份量, 放入冰箱儲存!
再加自己喜歡的餡料, 我用咗火腿, 腸仔, 蘑菇, 西班牙腸仔片, 青椒
最後加上 mozzarella 芝士, 放入已預熱230度的烘爐, 烘至金黃!
完成!
No comments:
Post a Comment