粟米雞絲粥

每個星期都會有一日煲吓粥, 星期日的晚餐多是各顧各. 我喜歡煲吓粥, 可以清吓腸胃. 今個星期煲咗粟米雞絲粥, 非常鮮甜.

下午烘咗隻雞做午餐.  用咗個雞殼加很多蔬菜煮湯底.  一隻雞真好多用途, D湯底鮮味無比. 還有雞肉剰, 便將雞肉撕絲做雞粥. 

新鮮的雞湯底加新鮮烘出的雞絲, 再加上甜甜的粟米粒, 煲出來的粥, 充滿雞味. 令到肚子很滿足!