紅草苺芝士Cake, Raspberry Cheese Cake

仲有好多自種的紅草苺在冰箱, 又有cream cheese 軟芝士在雪櫃, 仲有半包餅, 剛剛好可以做芝士 cake. 肥就肥D又芝士又奶油, 不過唔緊要啦, 唔係時常食, 間無時一次半次唔怕啦! 這個芝士Cake煮法包保滑滑.  

才料:
(A)13塊消化餅乾, 溶牛油56g
(B) 紅草苺125g, 糖2tbsp
(C) 雲呢拿精 (vanilla extract) 5滴, 軟芝士(cream cheese) 500g, 蛋3隻, 奶油 (double cream) 75ml, 中筋麵粉56g, 糖196g



做法:

烘爐預熱130度
1. 鋪牛油紙在盆底, 把消化餅乾打碎加入溶牛油, 拌匀, 放入盆內壓平和實, 放入雪櫃, 備用
2. 紅草苺加糖慢火煮至溶, 隔去渣,  待涼, 備用
3. 把(C) (除麵粉和糖外) 拌匀, 再加麵粉和糖攪至滑和混合 

4. 把(3)放入盆內, 再加上紅草莓汁, 做已喜歡的圖
5. 放入爐烘大約一小時或至凝固

6. 取出, 待涼, 放入雪櫃, 雪凍便成

完成! 食得啦! 真係好鬼滑!

大黃撻

囡囡見到D大黃, 好高興的叫: 我想食大黃撻. 小咪咪: OK撻就撻啦, 見係囡囡至愛! 

做咗一個大撻, 一晚就食哂!!

豬扒烘蜜糖雜菜洋蔥汁

在 Morrisons 買咗D靚豬扒, 屋企有好多蔬菜.  想快又懶, 所以將所有蔬菜切粒, 全位放入烘爐烘.

做蜜糖蔬菜非常簡易, 只要切和拌勻醃料等半個鐘就有得食, 有時懶懶的我, 做這個蜜糖蔬菜再加件扒便有個美味又快的晚餐. 今次我用咗紅蘿蔔, 薯仔, 番薯, parsnips. 可以用什何自已喜歡的蔬菜

烘蜜糖蔬菜的做法: 把所有蔬菜切粒, 放入烘盆加橄欖油, 黑胡椒粉, 混合香草, 蜜糖, 全倍拌勻, 放入烘爐180度, 烘30分鐘. 烘出來的蔬菜很香甜.

午餐肉包

做咗飽飽比一家大細做午餐, 一罐午餐肉剛好做8個包!

材料:
(A)
湯種 120g, 鮮奶125g, 高筋麵粉 350g, 奶粉2tbsp, 糖 55g, 鹽 5g, 依士 5-6g, 橄欖油

2tbsp (我鍾意用橄欖油健康D, 可以用溶牛油40g)

(B)
午餐肉片

做法:

1. 將(A)依次序放入麵飽機(橄欖油除外), 按dough, 麵團攪成加入油, 待發大兩倍.
2. 發大後, 排氣分成8份, 蓋上保鮮紙待15分鍾
3. 壓扁一份麵團放入午餐肉, 包好口



4. 預熱烘爐180度, 等再次發酵至成5. 發大完成後掃上蛋汁, 烘大約20分鐘


完成!

日式照燒雞飯 (附食譜)

今晚唔想食中又唔想食西, 諗諗吓不如食日, 有盒雞批將佢起骨做雞扒.

才料:  真珠米, 雞批/雞扒, 洋蔥, 紅蘿蔔, 黃芽白, 蒜片, 蒜蓉, 生粉

照燒汁: 米酒100ml, 生抽60ml, 水50ml, 糖, 鹽, 生粉水

做法:

1. 煮真珠米, 依自己喜歡的份量
2. 雞批起骨, 用小許鹽, 胡椒粉醃雞扒-待用
3. 用熱水煮紅蘿蔔煮4分鐘, 另一個鍋放油加鹽, 蒜蓉黃芽白慢火煮至軟
4. 慢火煮軟洋蔥
5. 把雞扒拍上生粉, 燒熱平底鍋, 加油, 加蒜片, 成金黃色撈出, 煎雞扒至熟和金黃, 切件
6. 煮所有照燒汁才料(糖份以個人口味而以定)(除生粉水外)4分鐘, 加入熟洋蔥, 加生粉水, 煮至濃縮
7. 把飯放在碟上加上雞件, 蔬菜放邊, 淋上照燒汁
8. 完成

開得飯啦!

大蒜, 大黃

真係要睇天做人, 今早天灰灰好似想落大雨, 但係又落唔出, 諗吓不如去耕地剪草, D草實在太長啦!  但係成日落雨無機會剪, 一於把握時機, 終於剪咗, 辛苦死我呀! 隔咗個冬天D草又長又厚, 而耕地的剪草機係用人力, 睇怕都唔洗去做 gym (健身).  剪完草睇吓D植物, D大黃 (rhubarb) 好大好靚, 摘咗D返屋企今晚做甜品.  仍然有大蒜, 未知點用但係太靚啦, 要摘D屋企再諗吓點用啦!

大蒜

大黃 (Rhubarb)

醋栗就開花啦! (Gooseberry)

麵包機做湯種吐司

平時用液種做吐司, 今日想試吓用湯種, 效果很好啊!

老公平日喜歡帶三文治做午餐, 所以隔日就要做飽飽, 新鮮又健康.  用麵包機慳手力和慳時間, 這部機真係好幫手!

終於發芽

天氣反復無常, 由20多度突然降至得幾度, 真係比個天玩死! 4月落雪又落冰,大風又落雨,又出下太陽. 唔單止植物,人都玩死. 一家大細排住隊病. 不過今日太陽出黎, 仔仔囡囡可以去公園玩, 老公修理屋企窗簾, 而我洗衫曬衫又洗衫曬衫, 見太陽出來, 好似癲癲地狂洗衫, 唔想錯失良機!  但係都要照顧吓D植物.  種在後花園的芥蘭, 蘿蔔仔, 生菜終於發芽啦!

芥蘭苗

左邊係生菜(可以摘啦), 右邊係蘿蔔仔苗

點心做晚餐

今晚簡簡單單, 在冰箱有D自製點心, 家人聽到點心做晚飯開心到飛起. 

蝦肉燒賣, 牛肉燒賣

菜肉飽



自種蘿蔔的蘿蔔糕

腸粉

炒米粉

粟米吞拿魚包

做咗吞拿魚包比仔仔囡囡做今日的午餐, 好軟綿綿的飽飽囡囡至愛!

材料:
(A)
湯種 120g, 鮮奶125g, 高筋麵粉 350g, 糖 55g, 鹽 5g, 依士 5-6g, 橄欖油 2tbsp (我鍾意用橄欖油健康D, 可以用溶牛油40g)
(B)
半個洋蔥, 一罐吞拿魚, 2-3tbsp 粟米粒, 沙律醬(適量), 黑胡椒(小許)

做法:

1. 將(A)依次序放入麵飽機(橄欖油除外), 按dough, 麵團攪成加入油, 待發大兩倍.

2. 把(B)混合待用

3. 發大後,排氣分成8份, 蓋上保鮮紙待15分鐘

4. 壓扁一份麵團放入吞拿魚餡, 包好口
 
5. 預熱烘爐180度, 等再次發酵至成

6. 發大完成後掃上蛋汁, 唧上沙律醬, 烘大約20分鍾

完成! 

自製咸雞蛋

剩得6隻咸雞蛋, 係時候再做下一批啦! 身在外國, 想食基本的香港食物又貴又要去中國超級市場才有得買, 好唔方便! 咸蛋半打都要 £4.5 英磅 (大約$50港元) 仲要好多時一半係壞的, 真係貴到買唔落手呀!  所以自已做, 非常簡易, 平靓正! 

才料: 大玻璃瓶, 熱水, 粗鹽, 花雕酒, 細粒八角, 雞蛋
 


1. 把熱水加入玻璃瓶至7成, 加粗鹽一邊攪一邊加至水不能再溶解鹽, 加花雕酒至淡啡色 - 等待至涼



2. 把雞蛋沖水洗, 抺旱



3. 玻璃瓶凍便可放入雞蛋(液體一定要過蛋面)

4. 等大約6個星期就可以做! 完成!

牛肉釀青瓜

冇節瓜, 我就用青瓜, 屋企經常有青瓜. 非常方便.

才料: 牛肉碎, 元西碎, 青瓜, 蛋白

做法:

1. 把碎牛肉碎+元西碎醃好
2. 瓜切件, 青瓜去心
3. 牛肉釀入青瓜中間
4. 蒸至熟, 留起汁
5. 把汁放入另一個煲, 加鹽, 胡椒粉, (如不夠汁, 可加些少水)
6. 用適量的蛋白慢火加入汁不停地攪做蛋花
7. 加入生粉水, 濃縮便成!
8. 把汁淋上牛肉青瓜上面

完成!

壓麵機做饅頭

饅頭令人溫暖又飽肚, 仔仔囡囡很喜歡這個傳統小食. 尤其是這裡的天氣成日都好凍, 好多時我都會做饅頭等佢地放學返屋企食. 用壓麵機做饅頭慳好多時間和手力. 暖粒粒的饅頭,溫暖的感覺, 好過食糖!

才料:

 

中筋麵粉 300g

糖 40g

泡打粉 1/2tsp

酵母 (依士) 7g

水 140ml

做法:

 

1. 把所有材料放入盆內, 先用叉子攪成一起, 再用手成團

2. 揉到成麵團, 包上保鮮紙, 讓團休息5分鐘

3. 5分鐘後, 把麵團分兩份, 用壓麵機壓至滑







4. 捲起來

5. 兩條切成8件
6. 待發酵30-40分鐘

7. 發酵後蒸大約30分鐘

完成!