環保~零蚊~種植法(三)

今次到燈籠椒要換盆, 咁啱有兩個中型果汁樽, 一次過整晒兩個!

小咪咪今次整 ~自動淋水植物盆~

由樽底吸水上泥土

仲有幾多水, 一睇就知

另外整多一個小花盆

今日咁咁用完支洗手液, 所以就用嚟整咗尼個花盆!

好多在家居用的物品, 只要花小小心思, 

都係可以變做循環再用的資源!

環保~零蚊~種植法 (二)

早前種嘅車厘茄開始大啦! 需要換盆! 一早就諗好將佢哋種係窗花度, 一來慳位, 二來有太陽!

近排有好多靈感出現於小咪咪個腦仔, 好多小玩意, 只係雖要時間收集才料!

這盆是由洗頭瓶製成

這盆是由洗衣液瓶製成

一齊掛在窗花

用果汁樽製成的花樽

清色花瓶, 載滿鮮花!

用汽水樽製成的樽盛載滿香蔥

放假一天

好嘢! 在(12/04)星期六晚可以放假一天, 仔仔囡囡去婆婆過一晚夜, 我和老公可以自由行, 回復一晚自由身!

由下午開始我哋兩公婆就由尖沙咀行街街, 去酒吧食下午茶!

嘆返杯啤酒, 難得浮生半日閒!

兩人分享一個大大的雞扒漢堡

嘆完啤酒, 四圍遊吓, 見到件外套仔幾靚, 老公不停叫我買. 好啦! 就買咗件外套仔! 老公都買咗幾件T恤!

行完街街, 又去酒吧坐吓, 飲吓, 傾吓計!

坐吓坐吓! 肚仔又餓, 唔想週圍走, 就係尼間酒吧食晚餐!

德國咸豬手!

皮好香脆, 肉質軟淋, 唔錯唔錯!

 

德國腸仔 + 薯蓉!

輕輕鬆鬆二人回家, 難得屋企如此安靜, 可以享受二人世界!

第二日, 帶仔仔囡囡回家, 又打回完形!

仔仔煮晚餐 ~ Spaghetti Carbonara + 蒜蓉芝士波

星期五晚, 我唔洗煮飯, 因為仔仔煮比我哋食!

仔仔自己一手一腳煮咗尼個美麗的晚餐!

 

仔仔親手整嘅蒜蓉芝士波

製成品!

煮意粉

Spaghetti Carbonara 

我只係在旁指導, 仔仔要洗返煮晚餐的用具! 要佢洗碗, 佢唔多滿意, 但係要佢知道洗乾淨D碗碟用具, 都係煮飯的重要一部份!

仔仔煮得都真係好好味呀!

薯仔芝士波波 (附食譜)

薯條~成日都食, 薯角~好多時都會整嚟食! 變一變, 整薯仔芝士波波!

估唔到仔仔囡囡會瘋狂大食, 整咗一大碟, 一陣間又無晒, 好似好耐無比嘢佢哋食咁!

薯仔芝士波波好易整, 不過要花D心機和時間, 要一粒一粒咁整出嚟!

才料: 薯仔, 芝士, 雞蛋, 麵包糠

做法: 1. 薯仔去皮, 切粒, 加水煮至熟

2. 瀝水, 壓成薯蓉, 加芝士, 混合, 待涼

3. 每次小量薯蓉, 輕輕手滾成球型

4. 沾上雞蛋汁, 再沾上麵包糠

5. 炸至金黃, 完成!

忍到口就等無咁熱先食!

忍唔到口就小心熱呀!

環保~零蚊~ 種植法 (圖解)

春天到, 手痕痕, 又種吓植物, 止吓癮!

以前大有大種, 依家細有細種, 依然咁好玩! 

早幾個月, 囡囡學校要種一人一花, 剩低袋泥, 已經咩都有齊啦!

依家唔想買到一屋都係大盆和細盆, 所以用最環保又實用的方法, 唔洗買, 零蚊, 最適合D植物幼苗. 

左: 燈籠椒 (pepper), 右: 車厘茄 (cherry tomato)

用燈籠椒/車厘茄時, 留返D籽.

留返肉/生果的盆, 洗乾淨.

加泥入盆, 再加種籽, 淋水, 用保鮮紙包住, 等發芽!

用睇完的免費報紙, 剪成長條. 

調味樽幚做型!

報紙卷住個樽!

摺入個底!

壓一壓實個底!

取出調味樽, 環保幼苗盆已成型

在盆頂邊向內摺入少許!

放入泥和苗, 放在膠盆上, 淋水, 完成!

當苗長大到要換大盆時, 可以直接放入大盆, 唔洗去除報紙!

巨龍傳奇

上個週末係巨龍傳奇最後一個週末, 將會係4月9日完.

想同仔仔去睇好耐, 但係囡囡跟學校去咗, 所以唔想咁快又去多次, 點知等吓等吓, 等到最後週末先去. 仔仔一向都好鐘意恐龍, 佢一邊睇一邊影相, 好開心!

大型的恐龍化石

見到恐龍的開心樣

 

許許如生

我哋大約12點半去到個 Exhibition, 已經好多人, 都只係排一陣間隊, 但係到我哋走時大約4點半, 見到排隊入場條龍仲長過條巨龍, 由門口, 去到天橋, 再排到落樓下, 一條長龍, 長到嚇死人呀! 好彩去得早, 唔係就慘囉!

仔仔買咗張3D poster, 返到屋企, 第一時間就貼上門度, 佢開心到不得了!