香脆曲奇 (附食譜, 普通和懶人做法)

好耐無整餅或曲奇, 心血來潮又手癢癢, 就去整D曲奇啦!

時間啱啱好, 仔仔囡囡放學返嚟就有得食!

才料:

牛油175g, 糖粉230g, 蛋2隻, 麵粉300g, 雲尼拿精數滴

普通做法:

1. 牛油和糖粉打至淡色, 蓬鬆
2. 把蛋加入(1)拌匀
3. 把麵粉, 雲尼拿精加入(2), 拌匀
4. 唧出自己喜歡的形狀
5. 入已預熱180度的爐, 焗大約10-15分鐘
6. 取出放在架上待涼, 便成!

懶人做法:

同普通做法一樣, 但用食物攪拌機做步驟 (1-3)步驟3, 拌匀便可

小咪咪當然係用懶人做法啦! 慳時間, 慳手力, D糖粉又唔會飛到週圍都係!

今次唧花花, 一啖一粒!

為食仔仔囡囡放學返嚟見到D曲奇發晒狂, 我要限量比佢哋食呀!

   　

焗包日

係香港嘆咗三個星期, 小咪咪終於要返回崗位, 入返厨房開工啦!

方包啱啱食晒, 又要整過條, 又想食D港式包包, 點知一整就整咗咁多!

本來好鐘意食港式包包嘅我, 今次返香港發現D香港包包已經變咗好多, 唔同晒呀!好失望呀!

D麵包睇落好似大大個, 但一咬就扁到好似張紙咁, 食時好似食空氣咁, 完全無質感!

真係令人懷疑, 究竟D整包工場, 用咗D咩添加物, 令到D包咁假, 食得多會唔會食壞人呢?

諗住回港就可以咩都唔洗整就可以食到盡, 可惜唯一不能滿足到我嘅就係麵包. 始終都係要自己郁手, 整D有份量, 有口感, 又似舊式的港包, 食落才有滿足感!

菠蘿包

腸仔包

鮮奶吐司

仔仔囡囡放學返嚟見到D包包, 好快手就已經食咗幾個啦!

落大雪去滑滑雪

落大雪, 今日學校停課, 個個都唔洗返工返學, 晨咁早就同仔仔囡囡出去滑雪囉!

四週佈滿雪都幾靚架!

小咪咪住得高, 走去堡壘外面滑雪, 夠晒斜呀!

由上面望落去, 白色一片呀!

玩啦! 玩啦! 開始啦!

我嚟啦! 唔好咗住呀!

玩咗兩個鐘返到屋企, 仔仔繼續係屋企出面玩雪, 我夠晒皮啦! 入屋暖吓好囉!

焗新鮮火腿 Roast Gammon Hock

返回英國一星期, 忙到不得了,  第二日就個個都返工返學. 又要收拾所有行理, 囡囡一返嚟星期三又去咗三日宿營.  我要清行理, 又要再拾囡囡第二個行理, 真係好似搵我嚟玩咁.  我仲擔心佢去唔到, 因為好大雪呀! 雖然大雪, 佢哋一樣照去, 囡囡仲玩得好開心添!

終於到星期日啦! 全星期都係煮D簡簡單單的晚餐. 今日終於可以休息吓, 等老公出吓風頭 煮吓Sunday Roast, 煮返餐正嘢比我哋食啦!

焗新鮮火腿, 椰菜, 紅蘿蔔, parsnap, yorkshire pudding

兩件新鮮火腿啱啱焗好, 老公落足心機煮架! 星期六晚用電子瓦罉煮慢慢煮佢, 今日再用英式芥辣加蜜糖上面焗, 又鮮又香又甜, 好好味架!

回來了!

我返回英國啦!  三大星期, 真係嘆到盡呀! (真係唔多想返嚟呀)

日日自由自在, 都吃喝玩樂, 真係人生嘅快樂時光!

與家人相聚, 晚飯當然唔少得啦, 餐餐都好豐富, 個人開心, 食都食得特別開心!

見返晒D屋企人, 個個都健健康康, 一齊如常, 真令小咪咪好安心!

見朋友們, 個個到生活得比以前更進一步, 真係令人高興!

美麗的香港差不多日日都陽光普照!

藍天無白雲, 好耐都無見過, 睇見都開心!

係12月, 仔仔囡囡(我同老公)可以係沙灘玩足一朝, 真係好難得呀!

係Cocky Bar, 高空嘅酒吧, 我和老公慢慢嘆吓, 睇吓日落, 好浪漫啊!

可惜好景不常, 返到英國, 已經週圍佈滿雪

星期日返回英國, 星期一就要返工返學, 放工後的環境

返到屋企附近啦!

第一日返學就可以提早放學, 玩雪玩咗幾個鐘.  玩咗三個星期都唔夠, 返到嚟都唔好比佢停呀!

身在香港

好耐無見啦! 首先要多謝各位Blog友的關心! 祝大家新年快樂!

小咪咪和家人忙到無時停! 攪完老爺生後事, 就馬上回港探香港的家人, 所以小咪咪無咩時間上網, 希望你哋無離開我啦!

在香港日日飲飲食食, 睇怕已經肥咗好鬼多! 食得開心, 玩得輕鬆!

哈哈! 好嘆呀! 小咪咪唔洗煮飯呀! 去到邊食到邊, 仲有母親大人煮嘅住家飯, 真係正都無得比!

小咪咪會係香港玩多兩個星期, 玩完再同大家見啦!