Pages

Sunday 30 September 2012

蘋果雪梨痩肉湯

休息咗三日, 星期六下午, 小咪咪覺得好返好多啦!  真係要多謝各位的關心!

精神好返D, 可以做D簡簡單單的家務!  等到下星期, 好返晒, 老虎仔都可以打低幾隻呀!

今次真係要潤一潤, 簡簡單單煲吓蘋果雪梨痩肉湯, 再加D無花果, 又清又甜又潤, 啱晒!


秋風起, 天氣乾燥 ~ 蘋果能生津止渴, 雪梨則潤肺消燥、清熱化痰 ~

一家大細都適合, 簡單又有益!

Friday 28 September 2012

病了 + 波棒蛋糕(附做法)

平時好少病的小咪咪, 終於倫到我病咗啦!  大傷風, 個鼻好痛呀! 頭又重, 眼又重, 一時又凍又熱! 仲不停咁包雲吞! 真係唔好玩!

慣咗照顧家人的我, 依家倒返轉由家人照顧! 真係唔多習慣!

突然間覺得仔仔囡囡大個咗好多, 佢哋不停地問住我覺得點! 今朝早, 仔仔整咗早餐, 帶到床上比我食, 仲有整一份比妹妹食添, 仲帶囡囡返學, 放學(佢哋讀同一間學校), 等我唔洗出出入入喎!  真係大個仔囉!

老公就不停地整檸檬蜜糖水比我飲.  我每次唔舒服, 老公都會整檸檬蜜糖水比我飲, 等我快D吸收多D維他命C, 快D好返.
家人的愛護, 真令我感動!

休息咗一日, 有返D精神, 見早幾日整咗~波棒蛋糕(cake pop)~ 都未寫, 依家就寫出嚟啦!



唔係波棒糖嚟架! 係波棒糖型的蛋糕, 一支支蛋糕, 好可愛架!




做法簡易, 把蛋糕漿放入這個圓型蛋糕模內



蓋上蓋, 焗大約12分鐘




(應該一個個圓形架, 今次落多咗蛋糕漿, 要收邊) 取出待涼, 入冰箱30分鐘




我今次用白朱古力, 溶朱古力, 棒頂沾少少朱古力, 刺入蛋糕成波棒糖型




把波棒蛋糕沾上朱古力和裝飾, 待乾, 便成!




外型似波棒糖, 但係入面係軟綿綿的蛋糕, 外面薄薄的朱古力唔係好甜, 配上自己喜歡的裝飾, 支支唔同款, 夠晒特別! 同小朋友一齊整更加開心! 

寫完尼個post, 對眼仔又重重哋, 又要包雲吞, 我諗我都係時侯休息啦!

Wednesday 26 September 2012

心心朱古力米通餅 (附食譜)

放暑假, 嘆咗6個星期! 9月開學, 又要再開始過忙忙碌碌的日子!

仔仔囡囡開學, 小咪咪又要再開始返工!

小咪咪唔係返工, 就要打理頭家細務, 或者落田處理蔬菜種植, 一日忙到黑!

雖然忙, 但係也樂在其中!

就係因為小咪咪咩都要做吓, 攪吓, 玩吓, 渡至小食部的食品數量開始下降!

為免接受投訴, 要整D免煮特快小食.



見到D心心, 心都甜晒, 無投訴!




才料: 黑朱古力, 白朱古力, 米通

做法: 1. 用微波爐溶朱古力, 加入米通, 拌匀!



2. 把白朱古力米通放入盆壓實


3. 加上黑朱古力米通壓實



4. 放入雪櫃大約15分鐘雪硬, 便成!

小貼士: 可以用什何型狀的盆. 如果唔用盆, 用蛋糕仔的紙杯也可, 但係不要壓實!





Tuesday 25 September 2012

又一個入院 + 二人晚餐

上星期六南下, 去探老公爸爸.  上星期收到電話通知, 老公爸爸入咗院, 後來正實係輕微中風. 依家已經返咗屋企休息!

今次老公爸爸都真係好好彩, 只係非常輕微中風, 影響咗少少視力, 其他一齊正常, 仲好精神, 同平時一樣好風趣, 真係可以話係不幸中之大幸.

最好笑係, 佢第一時間就問醫生, 佢幾時可以開工! 啱啱中咗風, 就掛住做野, 醫生話要休息幾個月, 尼個答案, 令佢唔開心多過中風呀!

希望老公爸爸多D休息, 可以快D復完啦!

日頭探完老公爸爸, 夜晚陣有人看仔仔囡囡, 我同老公去出過二人世界, 去咗La Passione食意大利菜. 




我的前菜 ~ 蘑茹釀pate, 非常之美味!


老公前菜 ~ 辣椒蕃茄煮大蝦, 酸酸辣辣, 好有鮮茄味, 蝦煮得啱啱好!


我的主菜 ~ 牛仔肉配意粉, 牛仔肉好嫩滑, 有三大件, 食到好飽飽!


老公主菜 ~ 牛扒配蘑菇汁, 半成煮牛扒, 煮得啱啱好!

我哋無食甜品, 實在太飽啦! 叫咗兩杯靚咖啡, 慢慢品嘗!

一個美麗的晚上又完結, 又要回奶奶家過一晚夜, 星期日可以回家啦!

Saturday 22 September 2012

A貨~麥當當蘋果批

己經整咗幾個以蘋果為主的甜品, 仲有好多蘋果呀!

唔鐘意浪費的小咪咪, 當然又要動吓腦筋, 整吓唔同的款式!

麥當當的蘋果批, 個個都鐘意食, 就一於整個A貨啦!




A貨都可以, 以假亂真!


小咪咪盡量唔會同一時期, 整多次同一款食品, 唔想家人食到厭!

但係今次個A貨好受歡迎, 仔仔囡囡己經落咗order, 可以再整! 吓次唔洗傷腦筋啦!

Friday 21 September 2012

回鍋肉

買咗件靚腩肉, 唔係好大件, 又唔想整燒肉!

諗吓諗吓, 就諗到回鍋肉.  一碟好耐無食過嘅餸!

諗夠啦, 郁手整咗啦!




整咗啦!




用自種的青椒和椰菜煮回鍋肉!




這碟回鍋肉, 一D都唔油膩, 而腩肉不同的層次, 有不同的口感, 非常之美味!

家人喜歡到不得了, 一大碟都食清光呀!


Thursday 20 September 2012

遲到!

今年天氣差, 所有的植物都成熟得遲. 

但係遲到好過無到, 陸陸續續有收成!



小咪咪食紅草莓, 食咗幾個月啦! 這批是秋季紅草莓!


蕃茄日日都有!



花花 sweet peas 遲到!




四季豆 ~ 唔好以貌取豆呀, 唔好見佢黑色, 就覺得佢樣衰呀!

煮熟咗會變返緣色, 好靚仔, 好爽架!




開始凍啦! 搬晒D魚翅瓜返屋企!


粟米遲晒大到!



見粟米雖然遲咗好多, 但係有到, 已經好令我好開心!


Wednesday 19 September 2012

蕃茄湯+罌粟子包(poppy seed bread)+迷你炸魚

仍然有好多蕃茄好新鮮, 一次過用多D整咗一大煲西式的蕃茄湯!

有湯當然要有包包啦, 整咗一大個罌粟子包, 一齊分享!

係Morrisons見有魚仔(sprat)賣, 仔仔見到一定好開心, 所以買嚟炸比仔仔食啦!





蕃茄日日都有幾個轉紅, 要食快D先得啦!




用咗好多新鮮蕃茄煮成的蕃茄湯


一個又大又暖粒粒的包包



用包包沾滿湯一齊食, 老公食到咀不停



魚仔(sprat)細細條, 好新鮮, 非常之抵食



英式迷你炸魚, 一啖一條, 仔仔開心到暈!

Monday 17 September 2012

中西豉油雞飯 (附做法)

中西合壁的豉油雞好惹味, 配上芫茜蔥飯帶出更多香味!

今次只提供做法, 因為小咪咪慣咗手世, 用咗對眼做量器囉!

用入焗爐的焗盆嚟醃雞件(個盆要夠深)

用豉油, 蜜糖, 薑蓉, 蒜蓉,  , 樣樣醃料都要多, 越多薑蓉, 蒜蓉, 就越香!



所有才料混合好後, 雞皮向下, 用錫紙包好, 醃至少3小時, 最好過夜!

入已預熱210度的爐, 焗大約30分鐘, 30分鐘後取走錫紙, 反轉雞件, 雞皮向上, 爐改溫180度, 入爐再焗大約30分鐘, 便成!

雞件味濃, 肉嫩! 配上清香的芫茜蔥飯, 簡單的蔬菜, 再淋上少許的雞汁!

這個中西合壁的豉油雞飯, 又係另一種風味啊!

Friday 14 September 2012

黑椒豬肉乾

囡囡落咗order, 要食豬肉乾!

冰箱仲有舊細豬肉, 就用佢嚟整啦!




加咗好多黑胡椒, 香口好多又辣辣地, 啱哂我們口味!


放學後有D朋友仔來玩, 囡囡見到D豬肉乾開心到飛起, 連其他小朋友都好鐘意呀!

小朋友玩夠回家後, D豬肉乾所剩無幾!

睇嚟又要再整多批啦!

蘋果金寶 (Apple Crumble) (附食譜)

依家係蘋果成熟的時間, 小咪咪都開始有收成啦!

一定唔少得蘋果金寶!



這幾個蘋果唔係青蘋果呀, 係煮食用的蘋果 (cooking apple)


啱啱係棵樹摘落嚟, 夠晒新鮮呀!


木糠 - 用7oz麵粉+5oz牛油+1tbsp黃糖+1tsp ground nutmeg 鏈成似麵包糠




蘋果切件+肉桂粉+糖粒demerara sugar(普通糖也可) (大約3tbsp, 個人口味加減糖份) - 拌匀, 放在盆底



木糠放在蘋果上




入已預熱200度的爐, 焗大約45分鐘, 便成!



配上雪糕, 忌廉 或 custard, 便成為一個完美的甜品!