奧運火炬到達 Olympic Torch Arrived

奧運火炬今日到達小咪咪這區, 我們非常幸運. 因為火炬入到小咪咪住的小村, 仔仔囡囡今日都唔洗返學, 可以參與這個特別日子! 可惜小咪咪要返工, 所以老公請咗日假照顧仔囡!
 
佢哋今日節目豐富, 睇完火炬又有好多節目, 真好玩又開心. 我都好想同佢哋一齊, 不過要返工無計啦!

好彩, 我都有非常精彩的日子, 奧運火炬都到小咪咪工作地點呀, 早上仲用我哋的草原, 作為直升機降落點! 氣氛超高!




等待火炬


到啦! 到啦!


幾架如樂的車



 氣氛高企


人人都不停地影相

火炬交接

今日雖然要返工, 但係都無錯過這個大日子!

 

自製白汁磨菇雞批+新鮮薯條

近排工作煩忙, 今日出門口前無預備嘢做晚餐, 都好可以清吓個雪櫃!

有件熟的大雞胸肉, 買咗盒磨菇都未用過, 忌廉仲有半盒, 有半個洋蔥!

用晒佢做白汁磨菇雞批, 才料啱啱好! 切多兩個薯仔做薯條!

做個鬆脆皮話噤易!


煮個白汁磨菇雞醬10分鐘內攪掂

醬汁加入皮, 完成咗一半

入爐焗20分鐘就食得!

人仔細細的囡囡,竟然食晒成個批!

剩餘物資, 都可變做非常豐富的晚餐!

 

 

士多啤梨果醬

新鮮摘回來的士多啤梨, 仔仔囡囡在第一日已經食咗兩盒!

所以要快手D, 當D士多啤梨完全消失之前, 整些少 jam.

個樽大咗D, 第二樽入唔滿.

入唔滿都唔緊要, 因為今朝已經開咗嚟食!

Hmmmm~ 好鮮甜呀! 仔仔囡囡好鐘意呀!

這是啱啱煮好的果醬!

 

希臘 (Greek) Moussaka + 芝士黑胡椒包

近排茄子平, 買咗幾個又大又靚, 整希臘菜 moussaka 最好不過!

Moussaka 原本係用碎羊肉做的, 但係小咪咪唔食羊, 所以用碎牛肉!

每次整 moussaka 一大盆都無剩!

個 moussaka 已經有蔬菜, 所以用麵包機做咗個芝士黑胡椒包做配菜, 方便快捷!

才料:
(A) 1個大茄子切片, 碎牛肉, 洋蔥粒, 蒜蓉, 1罐蕃茄粒, 茄膏
(B) 2隻蛋, 忌廉 145ml, 芝士75g



做法:
1. 用鹽把茄子掃匀, 放入篩內, 1小時
2. 1小時後, 掃去所有水份, 佈1層茄子在盆底



3. 煮軟洋蔥粒, 加蒜蓉, 碎牛肉, 牛肉烹後加蕃茄粒, 茄膏, 調味, 慢火煮20分鐘
4. 加上茄子面
5. 重復再加茄子和(3)
6. 放入已預熱180度爐, 焗20分鐘


7. 取出烘爐,把(B)全部混合, 淋上面
8. 再入烘爐, 焗至金黃 (唔記得計時)



美味的Moussaka出爐啦!

加上新鮮出爐的芝士黑胡椒包

 

Moussaka 非常美味, 味道香濃, 好易入口! 

 

終於有少少收成

今年天氣差, 各種蔬菜都比不上去年.

D凍又強大的風真係對植物不利.

今年長期處於低溫, 回暖幾日D植物生長些少, 又凍返, 唔好話植物, 人類都難頂!

希望會有遲來的夏天啦!


蕃茄開始開花, 有幾個蕃茄BB



青瓜慢慢地生長


茄子真係想要D熱力, 比以往細


蘋果開始結果


鐘意這種涼的天氣係,新一批的波菜!


蘿蔔發芽啦! 過多幾個月有蘿蔔糕食!


西芹靜靜地生長


Oh Dear! 最怕凍風的粟米, 要日日吹風!


不停地落雨, 最開心係薯仔


玫瑰花


這是深如血紅, 深似黑色的玫瑰



我的田原
 

今日在我的田原摘的士多啤利

新鮮Gooseberry

生菜

Sunday Roast Dinner 焗雞

昨日係星期日, 係我老公的大厨日!

雖然我係一家之煮, 但到星期日, 我都會聽吓耶穌的指令, 星期日係我的休息日!

由老公維持住英式傳統, 星期日, Sunday Roast!

今個星期係 Roast Chicken! 老公已經經過多年的星期日磨練, 老公的Sunday Roast 已經到達一流的水準啦! 



有焗薯, mash swede, roast parsnip, yorkshire pudding, runner beans, 紅蘿蔔, 雞肶.

係唔係好豐富啦!

我鍾意食雞肶呀!

係由老公大厨出手製作的焗香草雞出爐啦!

 

蒜蓉芝士波波(附食譜)

蒜蓉芝士波波出場啦!

在上一個post吞拿魚焗意粉+蒜蓉芝士波波, Blog友們對這個蒜蓉芝士波波好有興趣, 依家post出食譜與大家分享!

這個是小咪咪攪攪震食譜, 一小時內, 這個蒜蓉芝士波波就可以上枱.  快手的話30分鐘就有得食!


才料:
(A) 高筋麵粉250g, 暖水180ml, 鹽1/2tsp, 依士1.5tsp, 橄欖油2tbsp
(B) 芝士16粒 (我用 Cheddar Cheese)
(C) 牛油15g(溶化), 蒜蓉, parsley碎(芫荽香草)1tbsp, chili flake(辣椒乾片)少許, 鹽少許

做法:

1. 把(A)除橄欖油外, 全部混合成麵團, 加橄欖油
2. 搓10分鐘至光滑
3. 切分成16份, 揉圓, 輕手壓扁, 放入芝士粒, 收口,揉圓
4. 入已預熱180度烘爐大約15-20分鐘
5. 把(C)混合, 待用

6. 芝士波波出爐, 放上碟, 淋上(5)

完成!

蒜蓉芝士波波不用等發酵, 因為體積小, 在焗的時候同一時間發酵, 非常方便!

才料(C)的份量, 可以隨自己口味加多減少

非常鬆軟!